ગુજરાતમાં ચોમાસાની ઋતુ શરૂ થવાનાં સાથે જ તાપમાનમાં ઘટાડો નોંધાયો છે. છેલ્લા અઠવાડિયાથી બદલાયેલું હવામાન રાજ્યમાં ચોમાસાની તાજી રીતે શરૂઆત દર્શાવે છે. 24 જૂનના સવારે 6:00 વાગ્યા સુધીમાં રાજ્યના 170 તાલુકાઓમાં વરસાદ નોંધાયો છે. સુરત શહેરમાં સૌથી વધુ 13.6 ઇંચ વરસાદ પડ્યો છે, જ્યારે કામરેજમાં 10.7 અને પલાસણામાં 8 ઇંચ જેટલો વરસાદ થયો છે. આ માહિતી સ્ટેટ ઇમરજન્સી ઓપરેશન સેન્ટર (SEOC) દ્વારા જાહેર કરવામા આવી છે.