અમદાવાદમાં હોટલ અને રેસ્ટોરન્ટમાં જીવજંતુઓ નીકળવાની ફરિયાદો વધી રહી છે. આંબાવાડીમાં આવેલ Subway રેસ્ટોરન્ટમાંથી વંદા મળતા તેને સીલ કરવામાં આવ્યું હતું, જ્યારે નારણપુરામાં ન્યુ પટેલ ડેરી ફાર્મમાં મેંગો મિલ્ક શેકમાંથી ગરોળી મળી આવી હતી. AMC દ્વારા 6 દિવસમાં ખાદ્ય ચીજોના 76 નમૂના લેવાયા, જેમાં મધ્યાહન ભોજનના નમૂનાઓનો પણ સમાવેશ થાય છે. Food વિભાગે 344 ખાદ્ય એકમો તપાસીને 134ને નોટિસ આપી, 216 KG અખાદ્ય જથ્થાનો નાશ કર્યો અને 1.05 લાખ રૂપિયાનો દંડ વસૂલ્યો. હોટલ-રેસ્ટોરન્ટ અને અન્ય સ્થળો પર ચેકિંગની પ્રકિયા ચાલુ.