ભગવાન જગન્નાથની રથયાત્રાનું રંગેચંગે આગમન થયું છે. અમદાવાદમાં આ વર્ષે 148મી રથયાત્રાનું આયોજન કરવામાં આવ્યું છે. પરંપરાગત રીતે 'જય રણછોડ, માખણચોર'ની જયધોષ સાથે ભગવાન જગન્નાથજી, તેમના ભાઇ બલરામજી અને બહેન સુભદ્રાજી નગરચર્યાએ નીકળ્યા. જોકે, આ દરમિયાન વચ્ચે એક વિઘ્ન આવ્યું છે. રથયાત્રામાં સામેલ હાથીમાંથી ત્રણ હાથી બેકાબૂ બન્યા હતા. અચાનક જ આ હાથી રથયાત્રાનો રૂટ છોડીને અન્ય પોળમાં ઘૂસી ગયા હતા. હાથીને ભાગતા આવતા જોઈ લોકોમાં પણ નાસભાગ મચી ગઈ હતી. જેમાં ત્રણ જેટલાં લોકો ઈજાગ્રસ્ત થયા છે.