રથયાત્રા શાંતિપૂર્ણ માહોલમાં ચાલી રહી હતી ત્યારે ખાડિયા પાસે લગભગ 9.33 વાગ્યાની આસપાસ એક નર હાથી બેકાબૂ થઈ ગયો હતો. બે માદા હાથીની મદદથી તેને કાબૂમાં લેવામાં આવ્યો અને આજે 3 હાથીને રથયાત્રામાંથી દૂર કરવામાં આવ્યા છે, હવે 14 હાથી જ યાત્રામાં જોડાશે. અધિકારી આર.કે. સાહુના જણાવ્યા પ્રમાણે વધુ સિસોટી અને ડિજેના અવાજથી હાથી બેકાબૂ થયા હતા. રથયાત્રા માટે હાથીનું ખૂબ મહત્વ છે, અને ઇતિહાસમાં અનેક વખત તોફાનો વચ્ચે પણ હાથી સાથે યાત્રા સફળ રહી છે.