રાજકોટમાં બૂટલેગરો દારૂની હેરાફેરી માટે નવું કીમિયો અપનાવી રહ્યા હતા, પરંતુ પોલીસે તેમને પકડી લીધા. ગાંધીગ્રામ-2 યુનિવર્સિટી પોલીસે રંગીન સીલબંધ ડોલમાં છુપાયેલ વિદેશી દારૂના મોટાભાગના જથ્થાને ઝડપી પાડ્યો હતો. આરોપી પ્રિયાંક મહેતાએ વેજાગામ તરફ જઈ રહેલી સફેદ કલરની સ્વીફ્ટ કારમાં આ દારૂ છુપાવ્યો હતો. પોલીસે 72 બોટલો વિદેશી દારૂ, કાર અને મોબાઈલ સાથે કુલ રૂ. 7,23,480નો મુદ્દામાલ જપ્ત કર્યો. પ્રિયાંકનો અગાઉના 8 ગુનાઓનો બેકગ્રાઉન્ડ છે અને હજુ વધુ તપાસ ચાલી રહી છે.