રાજકોટ SOG(નાર્કોટિક્સ સેલ)એ કુખ્યાત બુટલેગર કિશોર લંગડાના પૌત્ર આદિત્યસિંહ દિલીપસિંહ રાઠોડની ગેરકાયદે હથિયાર રાખવાના ગુનામાં ધરપકડ કરી છે. અગાઉ તે અમદાવાદની GLS કોલેજ નજીક વિદ્યાર્થી પર હુમલાના કેસમાં પણ સંડોવાયેલો હતો. જામીન પર છૂટ્યા બાદ તેણે ફરી ગુનો આચર્યો હોવાનું સામે આવ્યું છે. રાજકોટના ન્યારી ડેમ રોડ પાસે શંકાસ્પદ હાલતમાં પાર્ક કરેલી કારની તપાસ દરમિયાન પોલીસને જર્મન બનાવટની રિવોલ્વર, જીવતું કારતૂસ, મોબાઈલ ફોન અને કાર મળી આવી હતી. પોલીસે આદિત્યસિંહ તથા તેના સાથી ધ્રુમિલ ઠાકોર સામે કાયદેસરની કાર્યવાહી હાથ ધરી છે.