મુંબઈ : મુંબઈ ઝવેરીબજારમાં આજે શનિવારના કારણે બુલીયન બજાર સત્તાવાર બંધ રહી હતી. જોકે બંધ બજારે સોના- ચાંદીના ભાવમાં રેકોર્ડ તેજી આગળ વધી હતી. વિશ્વબજારના સમાચાર આગેકૂચ બતાવતા હતા. વૈશ્વિક ભાવ ઉંચકાતાં અને ઘરઆંગણે ઈમ્પોર્ટ કોસ્ટ ઊંચી રહેતાં ઝવેરીબજારોમાં આજે તેજી આગળ વધી હતી. દરમિયાન, અમદાવાદ ઝવેરીબજારમાં સોનાના ભાવ ૧૦ ગ્રામના વધુ રૂ.૧૦૦૦ વધી ૯૯૫ના ભાવ રૂ.૧૦૨૭૦૦ તથા ૯૯૯ના રૂ.૧૦૩૦૦૦ના નવી ઉંચી ટોચે પહોંચી ગયા હતા.