અમદાવાદ : ભૂરાજકીય અને વેપાર સંઘર્ષ ઓછો થવાના સંકેતો પછી ઇક્વિટી મ્યુચ્યુઅલ ફંડ (MF) સ્કીમ્સે છ મહિનામાં પહેલી વાર મે મહિનામાં તેમની રોકડ હોલ્ડિંગ ઘટાડી હોવાના અહેવાલ સાંપડે છે. ૩૧ મે સુધીમાં અગ્રણી ૨૦ ફંડ હાઉસ પાસે તેમના પોર્ટફોલિયોનો ૬.૮ ટકા રોકડમાં હતો, જે એપ્રિલ ૨૦૨૫માં ૭.૨ ટકાના રેકોર્ડ ઉચ્ચતમ સ્તર કરતા ઓછો છે. બજારમાં ઘટાડા અને વધતી જતી વૈશ્વિક અનિશ્ચિતતાઓ વચ્ચે ફંડ મેનેજરો ડિસેમ્બર ૨૦૨૪થી રોકડ સ્તરમાં વધારો કરી રહ્યા હતા.