અમિતાભ બચ્ચન ફરી સોશિયલ મીડિયા પોસ્ટને કારણે ચર્ચામાં આવ્યા છે. તેમણે ઈરાનના બંદર અબ્બાસ શહેરમાં આવેલા 134 વર્ષ જૂના પ્રાચીન વિષ્ણુ મંદિરનો વીડિયો શેર કરીને લોકોનું ધ્યાન ખેંચ્યું છે. વર્ષ 1892માં કાજાર યુગ દરમિયાન બનેલું આ મંદિર ત્યાં વેપાર કરતા ભારતીય હિંદુ વેપારીઓ માટે બનાવાયું હતું. વીડિયોમાં પર્શિયન ભાષામાં ભજન પણ સાંભળવા મળે છે. અમિતાભની આ પોસ્ટ બાદ ભારત અને ઈરાન વચ્ચેના ઐતિહાસિક અને સાંસ્કૃતિક સંબંધોની ચર્ચા સોશિયલ મીડિયા પર તેજ બની ગઈ છે.

પેડ્ડીનું ટ્રેલર રિલીઝ થતાં ચાહકોમાં ભારે ઉત્સાહ જોવા મળી રહ્યો છે. ડિરેક્ટર બુચ્ચી બાબુ સાના દ્વારા નિર્દેશિત આ સ્પોર્ટ્સ એક્શન ડ્રામામાં રામ ચરણ મુખ્ય ભૂમિકામાં છે. ટ્રેલરમાં ગામડાની પૃષ્ઠભૂમિ, રમત પ્રત્યેનો જુસ્સો અને જબરદસ્ત એક્શન દર્શાવવામાં આવ્યા છે. રામ ચરણ ક્રિકેટ, કુશ્તી અને દોડમાં નિષ્ણાત યુવાન ‘પેડ્ડી’ના પાત્રમાં જોવા મળે છે. જાહ્નવી કપૂર સહિત અનેક જાણીતા કલાકારો ફિલ્મમાં મહત્વપૂર્ણ ભૂમિકામાં છે. આશરે ₹300 કરોડના બજેટમાં બનેલી આ ફિલ્મ 4 જૂને વિશ્વભરમાં રિલીઝ થશે.

ડેનિયલ ક્રેગના સ્થાને નવા જેમ્સ બોન્ડની શોધ શરુ થઈ છે. નિર્માતા એમેઝોન એમજીએમએ આ કામ કાસ્ટિંગ ડાયરેક્ટર નીના ગોલ્ડને સોંપ્યું છે. તે સાથે જ સમગ્ર મનોરંજન વિશ્વમાં આગામી બોન્ડ કોણ હશે તેની અટકળો ચાલુ થઈ છે. બીજી તરફ પીઢ ભારતીય ફિલ્મ સર્જક શેખર કપૂરે એવો મત વ્યક્ત કર્યો છે કે ભારતીય અભિનેતા જોન અબ્રામમ નવા બોન્ડ તરીકે ફિટ બેસે તેમ છે. ઉલ્લેખનીય છે કે શેખર કપૂરનાં દિગ્દર્શન હેઠળ બનેલી ૧૯૯૮ની ફિલ્મ 'એલિઝાબેથ'માં ડેનિયલ ક્રેગનું પરફોર્મન્સ વખણાયા બાદ જ ડેનિયલ ક્રેગને નવા બોન્ડ તરીકે પસંદ કરવામાં આવ્યો હતો.

તિલક વર્મા અને અભિનેત્રી શ્રીલીલાના ડેટિંગની અફવાઓ સોશિયલ મીડિયા પર ફરી ચર્ચામાં આવી છે. સૂર્યકુમાર યાદવના મજાકિયા વીડિયોએ આ ચર્ચાને વધુ વેગ આપ્યો હતો. અગાઉ શ્રીલીલાની માતા મુંબઈ ઇન્ડિયન્સની મેચ દરમિયાન સ્ટેડિયમમાં જોવા મળતા અને સોશિયલ મીડિયા પર કેટલાક દાવાઓ થતા અફવાઓ શરૂ થઈ હતી. જોકે શ્રીલીલાની ટીમે સ્પષ્ટતા કરી છે કે બંને ક્યારેય મળ્યા પણ નથી અને આ તમામ ચર્ચાઓ પાયાવિહોણી છે. હાલ બંને પોતપોતાની કારકિર્દી પર ધ્યાન કેન્દ્રિત કરી રહ્યા છે.

ભુજના હમીરસર વોકવેમાં ઠંડી હવાનો આનંદ માણવા હજારો લોકો ઉમટી રહ્યા છે. રાત્રે અંદાજે 1500 ટુ-વ્હીલર અને 100 ફોર-વ્હીલર પાર્ક થાય છે. પણ, બેસવા માટે અપૂરતા બાંકડા, બંધ લાઈટો, પાણીની પરબનો અભાવ, અને ડોમમાં સુવિધાઓની કમીને કારણે લોકોને મુશ્કેલી પડે છે. કરદાતા નાગરિકો સુવિધાઓ સુધારવાની માંગ કરી રહ્યા છે.

અસહ્ય ગરમીથી રાહત મેળવવા રાજપીપળા પાસેનું 'ધોબીશાલ' સ્થળ પ્રવાસીઓનું આકર્ષણ બન્યું છે. કરજણ નદીના ઠંડા પાણીમાં સ્નાન અને સુંદર નજારાનો આનંદ માણવા લોકો ઉમટી રહ્યા છે. ધોબીશાલના કાંઠે સાંજના પાંચ વાગ્યા પછી જામતી ભીડને કારણે અહીં સ્થાનિક રોજગારીની નવી તકો પણ ઊભી થઈ છે.

મુંબઈ ઈન્ડિયન્સના યુવા બેટ્સમેન તિલક વર્મા ફરી અંગત જીંદગીને લઈને ચર્ચામાં છે. સૂર્યકુમાર યાદવના 'in love' કહેતા વીડિયો બાદ તેલુગુ અભિનેત્રી શ્રીલીલા સાથે ડેટિંગની અફવાઓ તેજ થઈ છે. અગાઉ તિરુમાલા મંદિર અને IPL મેચ વખતે બંનેની હાજરીએ ચર્ચા જગાવી હતી. જોકે, બંનેએ કોઈ પ્રતિક્રિયા આપી નથી.

'લાલો' ફિલ્મના અભિનેતા કરણ જોશી પર અભિનેત્રી નેહલ વડોલિયાએ શારીરિક સુખની માંગણીનો આક્ષેપ લગાવ્યો છે. કરણે આને મોબાઈલ હેક થવાનું કારણ ગણાવ્યું છે, જોકે નેહલ પુરાવા સાથે સત્ય સામે લાવવાનો દાવો કરી રહી છે.

સુપરસ્ટાર રજનીકાંતે CM વિજયની સફળતા અંગે ઈર્ષ્યાની વાતોને ફગાવી દીધી. કહ્યું, "હું કોઈ સસ્તો કે લો-સ્ટાન્ડર્ડ માણસ નથી." તેમણે સ્પષ્ટ કર્યું કે રાજકારણમાં ન હોવાથી વિજયની ઈર્ષ્યા કરવાનો સવાલ જ નથી. રજનીકાંતે કહ્યું કે તેમની અને વિજય વચ્ચે આશરે 25 વર્ષનો મોટો જનરેશન ગેપ છે. તેમણે વિજયને તેની શરૂઆતના દિવસોથી જોયો છે. સ્ટાલિન સાથેની મુલાકાત મિત્રતાપૂર્ણ હતી. TVKની જીતથી ખુશ અને આશ્ચર્યચકિત થયા હતા.

અનુરાગ કશ્યપ પર બ્રહ્મસમાજ વિરુદ્ધ અપમાનજનક ટિપ્પણી કરવા બદલ સુરત કોર્ટે કડક વલણ અપનાવ્યું છે. કોર્ટે BNSની કલમ 196, 352, અને 353(2) હેઠળ ગુનો નોંધી કાનૂની પ્રોસેસ ઈસ્યુ કરવાનો હુકમ કર્યો છે. ફિલ્મના વિવાદિત દ્રશ્યો સામે પ્રતિક્રિયા રૂપે આ પોસ્ટ કરાઈ હતી. ફરિયાદીએ ડિજિટલ પુરાવા રજૂ કર્યા બાદ કોર્ટે આદેશ આપ્યો છે.

જયમ રવિ અંગત પીડા વ્યક્ત કરતા રડી પડ્યા. છૂટાછેડાના વિવાદ, ટ્રોલિંગ અને સિંગર કેનિશા ફ્રાન્સિસ સાથે જોડાતા નામથી કંટાળીને તેમણે જાહેરાત કરી કે જ્યાં સુધી કોર્ટ દ્વારા છૂટાછેડા મંજૂર નહીં થાય, ત્યાં સુધી તેઓ અભિનય નહીં કરે. તેમણે પત્ની અને સાસરિયા પર ગુલામ જેવી ટ્રીટમેન્ટ અને બ્લેકમેલ કરવાનો આરોપ લગાવ્યો.

મલયાલમ ફિલ્મ 'વિક્રુથિ' એક સત્ય ઘટના પર આધારિત છે. કોચી મેટ્રોમાં એક મૂક-બધિર વ્યક્તિનો ફોટો ખોટી અફવા સાથે વાયરલ થતાં તેનું જીવન ઊથલપાથલ થઈ જાય છે. આ ફિલ્મ દર્શાવે છે કે સોશિયલ મીડિયા પર શેયર થતી ખોટી માહિતી કેટલી ભયાનક સાબિત થઈ શકે છે.

ઓપરેશન સિંદૂર પર ફિલ્મ બનાવવા માટે ઘણાં નિર્માતાઓ મેદાનમાં આવ્યા હતા. ઘણાં ટાઇટલ્સ રજિસ્ટર્ડ થયા, પણ એક વર્ષ પછી પણ મોટાભાગની અરજીઓ પેન્ડિંગ છે. વિવેક અગ્નિહોત્રી 'ધ અનટોલ્ડ સ્ટોરી ઓફ ધ ઇન્ડિયાઝ ડીપ સ્ટ્રાઇકસ ઇનસાઇડ પાકિસ્તાન' પર આધારિત ફિલ્મ બનાવી રહ્યા છે. બીજી ફિલ્મ 'ટેરર રિપોર્ટ' છે, જેમાં આતંકી હુમલાઓની વાત છે. નિર્માતાઓ ટાઇટલ મેળવવા માટે સંગઠનોનો સંપર્ક કરે છે. IMPA, WIFPA, IFTPC અને Producers Guild of India મુખ્ય સંગઠનો છે.

બોલિવૂડની પાવરફુલ એક્ટ્રેસ અને ન્યૂ મોમ કિયારા અડવાણીએ તાજેતરમાં મોર્ડન રિલેશનશિપ, પેરેન્ટિંગ અને પોતાની નાની દીકરી સારાયાહ મલ્હોત્રાના ભવિષ્યને લઈને એવું નિવેદન આપ્યું છે જેની સોશિયલ મીડિયામાં ખૂબ ચર્ચા થઈ રહી છે. એક પોડકાસ્ટમાં કિયારાએ જણાવ્યું કે, તે પોતાની દીકરી પર ક્યારેય કોઈ પરંપરાગત દબાણ લાવવા નથી માંગતી. તે ઈચ્છે છે કે તેની દીકરી પોતાની જિંદગી મુક્તપણે જીવે અને પોતાની પસંદગી જાતે કરે.

'ધુરંધર-2' પાકિસ્તાનમાં નંબર-1 પર ટ્રેન્ડિંગ છે. એક ક્રિએટરે વીડિયો શેર કરી દાવો કર્યો છે કે, ફિલ્મ રિલીઝ થતાં જ Netflix ક્રેશ થઈ ગયું. અગાઉ 'ધુરંધર-1'ને પણ પાકિસ્તાનીઓએ પસંદ કરી હતી. આદિત્ય ધરની ફિલ્મ પર શાહબાજ શરીફ સરકારે પ્રતિબંધ મૂક્યો હોવા છતાં, 'ધુરંધર ધી રિવેન્જ' OTT પર જોરદાર છવાઈ ગઈ છે.

ભારતીય સિનેમાની 'ધક-ધક ગર્લ' માધુરી દીક્ષિત આજે તેમનો 59મો જન્મદિવસ ઉજવી રહ્યા છે. 15 મે, 1967ના રોજ જન્મેલી આ અભિનેત્રીએ દાયકાઓથી પોતાની સુંદરતા અને અભિનયથી ચાહકોના દિલ જીત્યા છે. આ ખાસ અવસરે નેટફ્લિક્સ પર તેમની આગામી ક્રાઈમ-કોમેડી ફિલ્મ 'મા બેન'ની જાહેરાત કરવામાં આવી છે, જે 4 જૂન, 2026ના રોજ રિલીઝ થશે. 'તેજાબ' અને 'હમ આપકે હૈ કૌન' જેવી સુપરહિટ ફિલ્મો આપનાર માધુરી આજે પણ 'ડાન્સિંગ ક્વીન' તરીકે લોકપ્રિય છે. સોશિયલ મીડિયા પર ચાહકો અને બોલિવૂડ જગત તેમને જન્મદિવસની હાર્દિક શુભેચ્છાઓ પાઠવી રહ્યું છે.

Instagramએ "ઇન્સ્ટન્ટ્સ" નામનું નવું ફીચર લોન્ચ કર્યું છે, જે Snapchat જેવું છે. આ ફીચર યુઝર્સને રિયલ-ટાઇમ મોમેન્ટ્સ શેર કરવાની મંજૂરી આપે છે, જે એકવાર જોયા બાદ ગાયબ થઈ જાય છે. તેનો હેતુ મિત્રો વચ્ચે વધુ casual કનેક્શન બનાવવાનો છે. યુઝર્સ એડિટિંગ કે પરફેક્ટ ઇમેજની ચિંતા વગર ફોટો શેર કરી શકે છે. ફોટો તરત જ ક્લિક કરવો પડે છે અને કેમેરા રોલમાંથી અપલોડ કરી શકાતો નથી. Close Friends અથવા Mutual Followers સાથે શેર કરી શકાય છે. કેટલાક દેશોમાં અલગ "ઇન્સ્ટન્ટ્સ" એપ પણ ઉપલબ્ધ છે.

'12th Fail' ફિલ્મ, IPS મનોજ કુમાર શર્માની પ્રેરણાદાયી કહાની પર આધારિત, IMDb પર 8.7 રેટિંગ સાથે સૌથી મોટી ભારતીય ફિલ્મ બની છે. આમ, આ ફિલ્મે 'દંગલ' (8.3) અને 'ધુરંધર 2' (8.5) ને પણ લોકપ્રિયતા અને રેટિંગમાં પાછળ છોડી દીધી છે. માત્ર 20 કરોડના બજેટમાં બનેલી આ ફિલ્મે 70 કરોડ રૂપિયાથી વધુની કમાણી કરી અને દર્શકોના દિલ જીતી લીધા.

ઉર્વિલ પટેલે IPLમાં 13 બોલમાં ફાસ્ટેસ્ટ ફિફ્ટી ફટકારી. હાથમાં ચિઠ્ઠી બતાવી પિતાનો આભાર માન્યો. તેના પિતાને આ વાતની જાણ ત્યારે થઇ જ્યારે ફોટો વાયરલ થયો. ધોની સાથેની મુલાકાત, તેમના સંઘર્ષ, કારકિર્દીના વળાંકો અને CSK પસંદ કરવા પાછળનું કારણ પણ જાણવા મળ્યું.

થલતેજના ગુરુદ્વારાના પાંચ ઘુમ્મટને અમૃતસરના સુવર્ણ મંદિર જેવી ઝલક આપવા 'ડોમ ટૅક્નિક' દ્વારા ફાઇબર ગોલ્ડન ફિનિશિંગ કરાશે. અમૃતસરથી 10 કારીગર 5 મહિના કામ કરશે. ખાસ લિક્વિડ કોટિંગથી વર્ષો સુધી રંગ અને ચમક જળવાઈ રહેશે. સોના જેવી ચમક માટે ખાસ કલર વપરાશે.

ઉદ્યોગપતિ સંજય કપૂરના રૂ. 30 હજાર કરોડના સંપત્તિ વિવાદમાં સુપ્રીમ કોર્ટે કહ્યું કે મહાભારત પણ ટુંકું પડે. તેમની માતાએ પત્ની પ્રિયા કપૂરને પરિવારના ટ્રસ્ટના કામકાજમાં દખલ દેતા રોકવા અરજી કરી છે, જેના પગલે આ મામલો વધુ ચર્ચામાં છે.

હિન્દી સિનેમાના અભિનેતા સુદેશ કુમાર, જેમની 95 વર્ષની વયે અવસાન થયું, તેઓ `સારંગા' ફિલ્મથી જાણીતા બન્યા. તેમની સાદગી અને માનવીય અભિવ્યક્તિ દર્શકોને સ્પર્શી ગઈ. ફિલ્મ `સારંગા' તેના સંગીત માટે યાદ કરાય છે, ખાસ કરીને મુકેશ દ્વારા ગવાયેલું ગીત "સારંગા તેરી યાદ મેં નૈન હુએ બેચૈન" અત્યંત લોકપ્રિય થયું. આ ગીતે ગાયક મુકેશને પણ નવી ઓળખ આપી. આ કહાની બતાવે છે કે કેવી રીતે અમર ગીતો પાછળ પણ કેટલાક ચહેરાઓ હોય છે જે સમય જતાં ભુલાઈ જાય છે.

કેવડિયા ખાતે બે દિવસીય રાષ્ટ્રીય પરામર્શ કાર્યશાળામાં દેશના પ્રવાસન સ્થળોને વિશ્વ સ્તરીય બનાવવા ચર્ચા થઈ. કેન્દ્ર સરકાર, રાજ્યો, ઉદ્યોગપતિઓ અને નિષ્ણાતોએ ભાગ લીધો. આંધ્રપ્રદેશ, ગુજરાત સહિત રાજ્યોએ વ્યૂહરચના રજૂ કરી. વિદેશી પ્રવાસીઓ આકર્ષવા અને પ્રચાર-પ્રસાર પર ભાર મૂકવામાં આવ્યો.

ગુજરાતની પટોળા-બાંધણી હવે મોડર્ન ફ્યુઝન દ્વારા યુવા પેઢીની પસંદ બની રહી છે. પટોળા જેકેટ, બાંધણી ક્રોપ ટોપ, લેયરિંગ અને એક્સેસરીઝ દ્વારા પરંપરાગત કળાને આધુનિક શૈલીમાં જીવંત રાખી શકાય છે.

200 કરોડના મની લોન્ડરિંગ કેસમાં EDએ જૅકલીન ફર્નાન્ડીઝની 'સરકારી ગવાહ' બનવાની અરજીનો વિરોધ કર્યો. EDના મતે, જૅકલીન નિર્દોષ પીડિતા નથી, પણ ગુનામાં સક્રિય ભાગીદાર છે અને સુકેશના ગુનાહિત બેકગ્રાઉન્ડથી વાકેફ હતી. તપાસ ભટકાવવાનો પ્રયાસ અને સજાથી બચવા પેંતરો હોવાનો EDનો આરોપ.

RCB ની જીત પર વિરાટ કોહલીનું 'બાળક' જેવું સેલિબ્રેશન વાયરલ થયું. કૃણાલ પંડ્યા પર કૂદીને ઉજવણી કરતા ચાહકોએ 'ચીકુ' ની યાદ અપાવી. કોહલી સતત બીજી મેચમાં શૂન્ય પર આઉટ થયો. મુંબઈ સામે RCB ની રોમાંચક જીત.

બોલિવૂડ અભિનેત્રી રકુલ પ્રીત સિંહનો ગુજરાતના સાસણ ગીર અભયારણ્યમાં સફારીનો એક વીડિયો સોશિયલ મીડિયામાં વાઈરલ થયો છે. જેમાં અભિનેત્રીએ પ્રતિબંધિત વિસ્તારમાં નિયમનું ઉલ્લંઘન કર્યું હોવાનો આક્ષેપ થઈ રહ્યો છે, ત્યારે આ મામલે સાસણ રેન્જના નાયબ વન સંરક્ષક (DCF)એ સ્પષ્ટતા કરી છે. આ આક્ષેપ મામલે DCF અગ્નિ વ્યાસે X પર પોસ્ટ કરીને જણાવ્યું હતું કે, 'વાઈરલ વીડિયો અભયારણ્ય વિસ્તારમાં પ્રવેશદ્વારની બહારનો છે અને પ્રતિબંધિત વિસ્તારનો નથી.'

સાવંતવાડી, કોંકણનું સુંદર રત્ન, પ્રાકૃતિક સૌંદર્ય, ભવ્ય મહેલ અને લાખકામ, લાકડાનાં રમકડાં, ગંજીફા જેવી કલાકૃતિઓ માટે જાણીતું છે. આંબોલી ઘાટ, શિરોડા બીચ, સાગરેશ્વર બીચ, વેલગર બીચ, તરકરાલી બીચ, રાવલનાથ મંદિર, હીરન્યકેશી મંદિર, અને શિલ્પગ્રામ જેવા સ્થળો પ્રવાસીઓને આકર્ષે છે. અહીંનું સ્થાનિક ભોજન અને મસાલા પણ અનેરો સ્વાદ ધરાવે છે. સિંધુ દુર્ગ કિલ્લો અને ઉત્તર ગોવાના પ્રખ્યાત સ્થળો નજીક હોવાથી, સાવંતવાડી એક ઉત્તમ પ્રવાસ સ્થળ બની રહે છે.

એસ. એ. ચંદ્રશેખરના પુત્ર, બાળ કલાકાર વિજયે ‘નાલૈયા થીરપૂ’થી હિરો તરીકે શરૂઆત કરી, પણ ‘રસિગન’થી ‘થલપતિ’ બન્યો. ‘પૂવે ઉનક્કાગે’ જેવી ફિલ્મોએ તેને લોકપ્રિય બનાવ્યો. તેની ફિલ્મો દર્શકોને ખૂબ ગમે છે, ભલે ક્રિટિક્સ વખાણે નહિ. ‘થલાઇવા’ જેવી ફિલ્મો રાજકીય વિવાદોમાં પણ ફસાઈ. હવે તે રાજકારણમાં પણ સક્રિય છે.

મહેસાણાના ગોપીનાળા નજીક રેલવે સ્ટેશન પર એક અનોખું રેસ્ટોરન્ટ 'રેલ કોચ રેસ્ટોરન્ટ' શરૂ થવા જઈ રહ્યું છે. 70 ટન વજનના જૂના રેલ કોચને આધુનિક સુવિધાઓ સાથે રૂપાંતરિત કરાયો છે. આ AC રેસ્ટોરન્ટ 24 કલાક ખુલ્લું રહેશે અને 65 લોકો એકસાથે ભોજન માણી શકશે. અહીં ગુજરાતી, પંજાબી અને ચાઈનીઝ વાનગીઓ ઉપલબ્ધ થશે. રેસ્ટોરન્ટની આગળ ગાર્ડન અને મનોરંજન માટે મોટી સ્ક્રીન પણ હશે, જે મહેસાણાવાસીઓને ટ્રેનમાં જમવાનો અનોખો અનુભવ આપશે.