સ્ટુઅર્ટ બ્રોડે પસંદ કર્યા 21મી સદીના ટોપ-10 ટેસ્ટ બેટ્સમેન
ઇંગ્લેન્ડના દિગ્ગજ ફાસ્ટ બોલર સ્ટુઅર્ટ બ્રોડે 21મી સદીના અત્યાર સુધીના શ્રેષ્ઠ ટેસ્ટ બેટ્સમેનોની પોતાની ટોપ-10 યાદી જાહેર કરી છે. આ યાદીમાં તેમણે સચિન તેંડુલકરને પ્રથમ ક્રમે રાખ્યા છે, જ્યારે બ્રાયન લારા બીજા સ્થાને છે. વિરાટ કોહલી, રાહુલ દ્રવિડ અને સચિન તેંડુલકર એમ ત્રણ ભારતીય ખેલાડીઓને સ્થાન મળ્યું છે, જેમાં વિરાટ કોહલી 10મા અને અંતિમ ક્રમે છે. આ યાદીમાં ઇંગ્લેન્ડના માત્ર એક ખેલાડી જો રૂટનો સમાવેશ થાય છે, જેમને ચોથું સ્થાન મળ્યું છે. બ્રોડે આ યાદીમાં ઓસ્ટ્રેલિયાના બે, દક્ષિણ આફ્રિકાના બે અને શ્રીલંકાના એક ખેલાડીને પણ સામેલ કર્યા છે.