સં સંદેશ· આજે મારું ગુજરાત

બહુચરાજીમાં ગંજીપાના પર જુગાર રમતા સાપાવડા ગામના સરપંચ સહિત 3 ઝડપાયા

મહેસાણા જિલ્લાના બહુચરાજી નજીક ખોડિયાર માતાજી મંદિર પાસે ચાલતા જુગારધામ પર ગાંધીનગર સ્ટેટ મોનિટરિંગ સેલ (SMC) દ્વારા દરોડો પાડવામાં આવ્યો. આ રેડ દરમિયાન સાપાવડા ગામના સરપંચ પ્રકાશભાઈ મણીલાલ પટેલ સહિત ત્રણ શખ્સો ગંજીપાના પર પૈસાની બાજી લગાવતા રંગેહાથ ઝડપાઈ ગયા હતા. પોલીસે ₹3.18 લાખ રોકડા અને અન્ય મુદ્દામાલ સાથે કુલ ₹3.48 લાખનો મુદ્દામાલ જપ્ત કર્યો છે. આ મામલે 10 આરોપીઓ સામે ગુનો નોંધી ફરાર થયેલા સાત આરોપીઓને ઝડપી પાડવા તપાસ હાથ ધરાઈ છે.