ઈશિતા દત્તાએ ‘દ્રશ્યમ 3’ બાદ જણાવ્યું 40 દિવસમાં 15 કિલો વજન ઘટવાનું કારણ
અભિનેત્રી ઇશિતા દત્તાએ જણાવ્યું કે બીજી પ્રેગ્નન્સી દરમિયાન તેને પિત્તાશયમાં પથરીની ગંભીર સમસ્યા થઈ હતી. આ બીમારી અને ત્યારબાદ થયેલી સર્જરીને કારણે તેના શરીર પર એટલી ગંભીર અસર થઈ કે માત્ર 40 દિવસમાં તેનું 15 કિલો વજન ઘટી ગયું હતું. ઇશિતાએ સ્પષ્ટ કર્યું કે આ વજન ઘટાડો કોઈ ડાયટ કે ફિટનેસ રૂટિનનું પરિણામ નહોતું, પરંતુ બીમારીને કારણે થયેલી શારીરિક તકલીફોનું પરિણામ હતું. પુત્રીના જન્મ બાદ તેણે સર્જરી કરાવી હતી અને સંપૂર્ણ સ્વસ્થ થતાં છ મહિના લાગ્યા હતા. હાલ તે ‘દ્રશ્યમ 3’ની સફળતા માણી રહી છે.