એકતા કપૂરે 'ધ ડર્ટી પિક્ચર 2' ની સિક્વલની કરી જાહેરાત
પ્રોડ્યુસર એકતા કપૂરે વર્ષ 2011માં આવેલી હિટ ફિલ્મ 'ધ ડર્ટી પિક્ચર' ની સિક્વલ બનાવવાની જાહેરાત કરી છે. આ વખતે ફિલ્મ નવી સ્ટોરી અને નવી કાસ્ટ સાથે રજૂ થશે. એકતા કપૂરે યુટ્યુબર રણવીર અલ્હાબાદિયા સાથેની વાતચીતમાં જણાવ્યું કે, તેઓ આ ફિલ્મ પ્રથમ પાર્ટના 15 વર્ષ પછી બનાવવાની યોજના ધરાવે છે. 'ધ ડર્ટી પિક્ચર' માં વિદ્યા બાલને સિલ્ક સ્મિતાનો રોલ કર્યો હતો અને ફિલ્મે બોક્સ ઓફિસ પર ₹116.55 કરોડની કમાણી કરી હતી. નવી સિક્વલની સ્ટારકાસ્ટ અંગે હાલ કોઈ માહિતી જાહેર કરવામાં આવી નથી.