પંચમહાલ-દાહોદ જિ.માં સાર્વત્રિક વરસાદ: 4 ઇંચમાં ગોધરા, હાલોલ અને 7 ઇંચમાં દાહોદ પાણીમાં
Published on: 25th June, 2025
પંચમહાલ-દાહોદ અને મહિસાગરમાં છેલ્લા 24 કલાકમાં ભારે વરસાદ વરસ્યો છે. મંગળવારે બપોર બાદ મેઘરાજાની તોફાની બેટિંગના કારણે નદીઓ-નાળાઓ છલકાયા અને શહેરી વિસ્તારોમાં પાણી ભરાયા હતા. પંચમહાલમાં 6 ઇંચ, દાહોદમાં 7 ઇંચ અને મહિસાગરમાં ચારથી 7 ઇંચ વરસાદ પડ્યો. ગોધરા, હાલોલ, જાંબુઘોડા, લુણાવાડા અને ધાનપુર જેવા વિસ્તારોમાં રસ્તા પર પાણી ભરાતા ટ્રાફિક જામ થયો હતો. સ્માર્ટ સિટિ દાહોદમાં પાણી ભરાઈ ગયા, જેના કારણે નાગરિકોની મુશ્કેલી વધી અને નગરપાલિકા પ્રિમોન્સૂન કામગીરીના પ્રતિક્રિયાઓ સામે સવાલ ઉઠ્યા હતા. શહેરમાં પડેલા વરસાદના કારણે વાતાવરણમાં ઠંડક પ્રસરી હતી.
