સુરતના લસકાણામાં AAPના પ્રવક્તા કાળુ વઘાસિયા વિરુદ્ધ દુષ્કર્મની ફરિયાદથી ખળભળાટ મચ્યો છે. કાળુએ લગ્નની લાલચ આપી પરિણીત મહિલાનું શારીરિક શોષણ કર્યું, બાદમાં 'તુષાર ઘેલાણી' જેવો કાંડ કરવાની ધમકી આપી. સોશિયલ મીડિયાથી મિત્રતા કરી, હોટેલોમાં સંબંધ બાંધ્યા, અને લગ્નથી ઇન્કાર કર્યો. પોલીસે FIR નોંધી તપાસ શરૂ કરી છે.

વાપી પોલીસે સાયબર ફ્રોડ રેકેટનો પર્દાફાશ કર્યો, જેમાં વડોદરાના મુખ્ય આરોપી કરણ ભાષાણીની આગોતરા જામીન અરજી નામંજૂર થઇ. કોર્ટે નોંધ્યું કે આરોપી તપાસમાં અવરોધ ઊભો કરી શકે છે. આરોપીઓ 'મ્યુલ બેંક એકાઉન્ટ'નો ઉપયોગ કરીને ફ્રોડથી મળેલા નાણાં સગેવગે કરતા હતા અને આ માટે તેઓ અન્ય લોકોને તેમના બેંક ખાતા ભાડે આપવા કમિશન આપતા હતા. કોલ ડિટેલ રેકોર્ડ (CDR)માં આરોપી અને સહ-આરોપી વચ્ચે 500થી વધુ વાર ફોન પર વાતચીત થઈ હોવાનું બહાર આવ્યું. કોર્ટે સાયબર ક્રાઈમને ગંભીર ખતરો ગણીને જામીન અરજી નામંજૂર કરી.

રિલાયન્સના અનંત અંબાણી દ્વારા જામનગરમાં વનતારા યુનિવર્સિટીની સ્થાપના થઈ. વન્યજીવ સંરક્ષણ અને વેટરનરી સાયન્સ માટેની આ પ્રથમ GLOBAL યુનિવર્સિટી છે. આ યુનિવર્સિટીનો હેતુ વેટરીનરી મેડિસિન, કન્ઝર્વેશન અને વન્યજીવ સંભાળમાં નેતૃત્વ તૈયાર કરવાનો છે.તે પ્રાણી કલ્યાણ, સાયન્ટિફિક પ્રગતિ અને વન્યજીવ સંરક્ષણના ભવિષ્ય સાથે જોડાયેલું છે. આ યુનિવર્સિટી વન્યજીવ અને વેટરનરી શિક્ષણ માટેનું GLOBAL હબ બનશે.

દેવભૂમિ દ્વારકાના ઓખામાં SOGએ ગેરકાયદેસર માછીમારી સામે કાર્યવાહી કરી. ઓનલાઈન ટોકન અને રજીસ્ટ્રેશન વગરની બોટ જપ્ત કરી માછીમાર લતીફ બંદરીની ધરપકડ કરી. બોટ દામજીભાઈ જેટી પાસે રોકવામાં આવી ત્યારે કાગળો ન હતા. SOGની આ કાર્યવાહી ગેરકાયદેસર માછીમારી કરતા તત્વો માટે ચેતવણીરૂપ છે. તંત્ર દરિયાઈ સીમા પર કાયદો અને વ્યવસ્થા જાળવવા કટિબદ્ધ છે.

સુરેન્દ્રનગર રેલવે સ્ટેશન પર પેટ્રોલિંગ દરમિયાન સગીર પ્રેમીપંખીડા ઝડપાયા. વાવ-થરાદથી ભાગીને આવેલા, દિયોદર પોલીસે કબજો સંભાળ્યો. PI એચ.કે. શ્રીમાળીની સૂચનાથી PSI સી.પી. બાવળીયા અને સ્ટાફે પેટ્રોલિંગ કર્યું. સગીરાના પરિવારજનોએ POCSO હેઠળ ફરિયાદ નોંધાવી હતી. દિયોદર પોલીસે સુરેન્દ્રનગર આવી આરોપીનો કબજો સંભાળી કાર્યવાહી હાથ ધરી.

નવસારીમાં GST વિભાગે ટેક્સ ચોરી સામે કાર્યવાહી કરી Casa De Vida પ્રોજેક્ટ પર દરોડા પાડ્યા. મોટાપાયે GST ચોરીની આશંકાથી બિલ્ડર લોબીમાં ખળભળાટ મચી ગયો છે. હિસાબી દસ્તાવેજો અને નાણાકીય લેવડ-દેવડની તપાસ શરૂ કરાઈ, ટેક્સ ચોરીના પુરાવાઓ એકત્રિત કરવામાં આવી રહ્યા છે. દસ્તાવેજોની ચકાસણી બાદ ટેક્સ ચોરીના મોટા આંકડાઓ સામે આવવાની શક્યતા છે.

વડોદરા જિ.પં.ની પોર બેઠક પર ભાજપે social media સ્ટાર અંકિતા પરમારને ટિકિટ આપી છે, જેનાથી વિવાદ થયો છે. અંકિતા અગાઉ તાલુકા પંચાયત સભ્ય રહી ચૂક્યા છે અને Instagram પર તેમના 1 મિલિયનથી વધુ followers છે. તેઓ મહિલાઓને independent બનાવવા માંગે છે અને પાર્ટી તરફથી જે જવાબદારી મળશે તે નિભાવશે. PM મોદીને મળવાની ઈચ્છા છે.

ઇન્ડસ યુનિવર્સિટી, WIIA અને iSAC દ્વારા "મંડપમ્ × માટી કી મહેક" શીર્ષક હેઠળ સાંસ્કૃતિક કાર્યક્રમ યોજાયો. ભારતના વારસાને ઉજાગર કરવા સંગીત, નૃત્ય અને કાવ્ય પઠનથી સાંસ્કૃતિક ઉજવણી કરાઈ. પ્રથમ વખત ભજન ક્લબિંગનું આયોજન થયું, જે મુખ્ય આકર્ષણ હતું. iSACના વિદ્યાર્થીઓએ અનોખી રજૂઆત કરી, જેનાથી આધ્યાત્મિક અનુભવ થયો.

કુંભ વાઇરલ ગર્લના લગ્નમાં NCST તપાસમાં મોટો ખુલાસો થયો છે. લગ્ન સમયે તે સગીર હતી, ઉંમર 16 વર્ષ 2 મહિના હતી. ફરમાન વિરુદ્ધ POCSO અને Atrocity Act હેઠળ FIR થઈ છે. નકલી જન્મ પ્રમાણપત્રનો ઉપયોગ થયો હતો. PFI કનેક્શન અને વિદેશી ફંડિંગની આશંકા છે. બે રાજ્યોના DGP દિલ્હી બોલાવાયા. ફરમાને ફિલ્મ સ્ટાર બનાવવાની લાલચ આપીને લગ્ન કર્યા. પોલીસે નકલી દસ્તાવેજો તૈયાર કરનાર નેટવર્કની શોધ શરૂ કરી છે.

ગુજસીટોકના આરોપીએ JMC ચૂંટણી માટે ઉમેદવારી નોંધાવવા ગુજરાત હાઇકોર્ટમાં અરજી કરી, પોલીસ જાપ્તા હેઠળ ઉમેદવારી પત્ર ભરવાની માંગ કરી હતી. અરજદાર હાલ પોલીસ રિમાન્ડ હેઠળ છે અને તેના વકીલે સુપ્રીમ કોર્ટના ચુકાદાનો હવાલો આપી આરોપીને મુક્ત કરવા અપીલ કરી હતી. હાઇકોર્ટે નીચલી અદાલતને અરજી ઉપર 10 એપ્રિલ સુધીમાં નિર્ણય લેવાનો નિર્દેશ આપ્યો હતો. અન્ય આરોપી અસલમ ખિલજીએ JMC ચૂંટણી માટે ઉમેદવારી પત્ર ભર્યું.

કચ્છના છારીઢંઢ રામસર સાઈટમાં ઇન્ફ્લ્યુએન્સર દ્વારા નોનવેજ પાર્ટીનું આયોજન થતા વન્યજીવનના નિયમોનું ઉલ્લંઘન થયું. સોશિયલ મીડિયા પર વિડીયો વાયરલ થતા વન વિભાગે કાર્યવાહી કરી પાંચ વ્યક્તિઓની ધરપકડ કરી માફી મંગાવી. તપાસમાં ડ્રોનથી શૂટિંગ અને ઘરેથી નોનવેજ લાવ્યા હોવાનું ખુલ્યું, શિકાર થયો નથી. જો કે, રામસર સાઈટ જેવા વિસ્તારમાં આવી પ્રવૃત્તિ જોખમી છે. વન વિભાગે સંયુક્ત કાર્યવાહી કરવી જરૂરી.

વાણીયાવાડમાં સાધનિક ચેરીટેબલ ટ્રસ્ટના વૃદ્ધ સંચાલકની હત્યાથી ચકચાર. રાશન ખરીદીના બાકી રૂપિયા બાબતે બોલાચાલી થતા આરોપીએ બોટલ અને દસ્તાથી હત્યા કરી. આરોપીએ પોલીસ સમક્ષ કબુલાત કરી. મૃત્તક રશ્મીકુમાર શાહના ભાઈએ ફરિયાદ નોંધાવી. પોલીસે આરોપી નીલેશ શાહની ધરપકડ કરી, DVR જપ્ત કર્યો. 4 લાખ બાકી હોવાનું સામે આવ્યું.

વડોદરામાં ABVP દ્વારા આયોજિત કલ્ચર ફેસ્ટ 2026માં ‘ન્યાય કી પુકાર’ ડ્રામાએ મંચ હચમચાવ્યો. ત્રણ દિવસીય આ કાર્યક્રમમાં દેશ-વિદેશના વિદ્યાર્થીઓએ પોતાની સંસ્કૃતિ રજૂ કરી. ફેશન શો, ડ્રામા વોક, કથક, ભરતનાટ્યમ, ગરબા અને સોલો પર્ફોર્મન્સ થયા. ‘વસુધૈવ કુટુંબકમ’ થીમ પર આધારિત આ ફેસ્ટમાં 3000 વિદ્યાર્થીઓએ ભાગ લીધો. ‘ન્યાય કી પુકાર’માં રેપ પીડિત મહિલાઓની વ્યથા રજૂ કરાઇ. Bollywood ગીતો પર પણ પ્રસ્તુતિ થઈ.

સેલવાસના નરોલી રોડ પર રેલવે ટિકિટ કાઉન્ટર પાસે ટિકિટ બુકિંગ બાબતે યુવાનો વચ્ચે બોલાચાલી થતા મારામારી થઈ. વેકેશનના કારણે UP, બિહાર અને રાજસ્થાન તરફ જનારાઓની લાંબી કતારો હતી. એજન્ટો સીધા ઘુસી ટિકિટો કઢાવતા હોવાના આક્ષેપથી વિવાદ થયો. પોલીસે આવતા યુવાનો ફરાર થયા અને મારામારીના વિડીયો SOCIAL MEDIA પર વાયરલ થયા.

નર્મદા પંચકોશી પરિક્રમા કરવા આવેલાં અમદાવાદના 41 વર્ષીય દેવલ સુથારનું ભેદી સંજોગોમાં મોત થયું. તેઓ મિત્રો સાથે રણછોડજી મંદિર પાસે બેઠા હતા, ત્યારે પાર્કિંગમાં લઘુશંકા કરવા ગયેલ દેવલ મૃત હાલતમાં મળી આવ્યા. પોલીસે શંકાસ્પદ પાવડર સહિતની વસ્તુઓ જપ્ત કરી, FSLમાં મોકલી. દેવલને કોઈએ બુંદી સેવ ખવડાવી હતી તેવી ફરિયાદ નોંધાઈ છે. પોલીસે અકસ્માતે મોતની ફરિયાદ નોંધી તપાસ હાથ ધરી છે. CCTV ફૂટેજમાં દેવલ સફેદ પાઉડર ખાતો દેખાય છે. પોસ્ટમોર્ટમ બાદ ડેડબોડી પરિવારને સોંપવામાં આવી. રાજપીપળા પોલીસ વધુ તપાસ કરી રહી છે.

મોરબીમાં મુસ્કાન વેલફેર સોસાયટી દ્વારા મહિલાઓ માટે 'મ્યુઝિકલ તંબોલા'નું આયોજન કરાયું. રોજિંદા કામથી દૂર મહિલાઓ આનંદ માણે તે માટે આ ઇવેન્ટ યોજાઈ હતી. મહિલાઓએ ઉત્સાહથી તંબોલાની રમત રમી અને ફિલ્મી ગીતો પર ડાન્સ કર્યો. સોસાયટીએ એકતા વધારવાનો પ્રયાસ કર્યો. શ્રેષ્ઠ કામગીરી કરનાર બહેનોને ગિફ્ટ્સ આપવામાં આવી. મહિલાઓએ તણાવમુક્ત વાતાવરણનો અનુભવ કર્યો.

સરપટ ગેટ પાસે રોંગ સાઈડમાં આવતા GJ 12 FD 8724 નંબરના ટ્રેક્ટરે સાયકલ સવાર 45 વર્ષીય અબ્દુલરઉફ મેમણને ટક્કર મારતા તેમનું ઘટનાસ્થળે જ મોત નીપજ્યું. તેઓ કુરિયર કંપનીમાં કામ કરતા હતા. B Division પોલીસે કાર્યવાહી હાથ ધરી છે. આ ઘટનાથી અરેરાટી ફેલાઈ ગઈ છે.

ટ્રાફિક નિયમોનું પાલન જરૂરી છે, ભંગ બદલ RTO દ્વારા ચલણ ઈસ્યુ થાય છે. કચ્છ જિલ્લામાં RTOએ રૂ. 16.53 કરોડના 26,441 ચલણ ઇસ્યુ કર્યા, જેમાંથી રૂ. 4.58 કરોડની વસૂલાત થઇ. Manual ચલણમાં વસૂલાત વધુ છે. Digital deviceથી ઈસ્યુ થયેલા ચલણમાં રૂ. 11.89 કરોડની વસૂલાત બાકી છે. પેન્ડિંગ ચલણ ભરવા RTOની અપીલ.

પશ્ચિમ કચ્છ પોલીસે ટ્રાફિક નિયમોના અમલ માટે અભિયાન ચલાવી 24,488 કેસ કર્યા અને રૂ. 71 લાખનો દંડ ફટકાર્યો. હેલ્મેટ, સીટ બેલ્ટ અને મોબાઈલ ફોનનો ઉપયોગ કરનારા સામે કાર્યવાહી. નંબર પ્લેટ વગરના વાહનો, નશામાં ગાડી ચલાવનારા અને LED લાઇટવાળા સામે પણ કેસ નોંધાયા. જનજાગૃતિ માટે 62 programs યોજાયા અને વન નેશન વન ચલણના 3,149 કેસ નોંધાયા.

કોંક્રીટના જંગલમાં કુદરતી હરિયાળી ઘટતા લોકો કુદરતની નજીક રહેવા માંગે છે, પણ શક્ય ન હોવાથી ઘરને હરિયાળું બનાવે છે. વડોદરાની અલ્પા શાહે 300થી વધુ પ્લાન્ટ્સથી ઘર સજાવ્યું છે, જેમાં સ્નેક પ્લાન્ટ્સ, શાકભાજી અને ડિઝાઇનર પ્લાન્ટ્સનો સમાવેશ થાય છે. તેઓ રસોડામાં શાકભાજી પણ ઉગાડે છે અને કચરાનો ઉપયોગ કરી પ્લાન્ટર બનાવે છે.

સિગ્મા યુનિવર્સિટીના કલ્ચરલ ગાલા 2026માં જાવેદ અલીએ લાઈવ પરફોર્મન્સ આપી વાતાવરણ સંગીતમય બનાવ્યું. તેમણે ‘કુન ફાયા કુન’, ‘તુમ તક’, ‘ગુઝારીશ’ અને ‘Shrivalli’ જેવા ગીતો રજૂ કર્યા. જાવેદ અલીના અવાજ અને સ્ટેજ પરની ઊર્જાથી કાર્યક્રમ યાદગાર રહ્યો. આ કાર્યક્રમ Cultural Gala 2026નો હાઇલાઇટ બની રહ્યો.

બોલિવૂડ ફિલ્મ 'ધૂરંધર' ભારત-પાકિસ્તાનમાં ચર્ચામાં છે. આદિત્ય ધર નિર્દેશિત ફિલ્મમાં સંજય દત્તે SP ચૌધરી અસલમનું પાત્ર ભજવ્યું. નૌરિન ચૌધરીએ ફિલ્મની ભૂલો, દાઉદ સાથે સંબંધો અને રહેમાન ડકૈત સામેના ઘર્ષણ વિશે ખુલાસા કર્યા. આદિત્ય ધર પાસે પાકિસ્તાની ચલણમાં 25 કરોડની માંગણી કરી. નૌરિને દાવો કર્યો કે ફિલ્મમાં ઘણી બાબતો ખોટી દર્શાવવામાં આવી છે, અને તેઓ તેનાથી સહમત નથી.

લાયન્સ ક્લબ ઇન્ટરનેશનલ દ્વારા બંસીધર શર્માને જ્ઞાન અને સાહિત્ય ક્ષેત્રે "લાયન્સ રત્ન એવોર્ડ" એનાયત કરવામાં આવ્યો. બંસીધર શર્માની સાહિત્યિક કૃતિઓ સમાજમાં એવા વિચારો લાવે છે જે પ્રેરણા આપે છે. હાર્દિક શાહે કહ્યું કે આ સન્માન સાહિત્યને વાચકોની ચેતનામાં ઊંડે અનુભવાતી શક્તિ તરીકે માન્યતા આપે છે. જિલ્લા ગવર્નર દીપક સુરાનાએ જણાવ્યું કે તેમનું જ્ઞાન સમયને પાર કરતી સમજ આપે છે.

બાજવાની પરિણિતાના સોશિયલ મીડિયા આઈડી પર યુવકે પરિવારની 5 મહિલાઓની રૂ. 1 હજારથી રૂ. 5 હજારની કિંમત લખી કોમેન્ટ કરી. 'મહેશ સેમ ઇવેન્ટ બરોડા' આઈડી પરથી રિક્વેસ્ટ આવી જેને પરિણિતાએ નકારી હતી. ત્યારબાદ યુવકે સ્ટોરી પર અપમાનજનક કોમેન્ટ કરી. પરિણિતાએ ફરિયાદ નોંધાવતા પોલીસે IT Act હેઠળ ગુનો નોંધ્યો અને યુવકની ધરપકડ કરી, મારામારી કરનારાઓની અટકાયત કરી. પોલીસ તપાસ ચાલુ છે.

કલોલમાં મહિલા હોમગાર્ડ પર એસિડ એટેક કરનાર અશોક રાવતને કોર્ટે 15 વર્ષની સજા અને ₹1 લાખનો દંડ ફટકાર્યો. પીડિતાને ₹2 લાખનું વળતર ચૂકવવા આદેશ અપાયો. કોર્ટે આ હુમલાને રાજ્યની સુરક્ષા પર આક્રમણ ગણાવ્યો અને નોંધ્યું કે આવા ગુનેગારોને સખત સજા મળવી જોઈએ. આ કેસમાં સરકારી વકીલ જીગ્નેશ એચ. જોશીએ દલીલો કરી હતી. Courtએ પુરાવાઓને ધ્યાને લઈ આ ચુકાદો આપ્યો છે.

IPL 2026ની મજેદાર અને ચટાકેદાર ખબરો એકદમ હળવા અંદાજમાં જાણવા માટે ઉપર આપેલી તસવીર પર ક્લિક કરો અને જુઓ ‘MATCH મસાલા’. જેમાં તમને જોવા મળશે ભલા મોરી રામા ગીત પર ભૂરીનો ડાન્સ, નેહરાના ઉઘાડા પગે આંટા અને જયસ્વાલે ફિફ્ટી કરીને કોને બેટ બતાવ્યું તેની માહિતી.

ઈન્દોર ફેમિલી કોર્ટે નારાયણ સાંઈ અને પત્ની જાનકીના છૂટાછેડા મંજૂર કર્યા. કોર્ટે નારાયણ સાંઈને પત્નીને 2 કરોડ રૂપિયા કાયમી ભરણપોષણ આપવાનો આદેશ આપ્યો. Narayan Sai હાલમાં રેપ કેસમાં સુરત જેલમાં બંધ છે. જાનકીએ પતિ પર અન્ય મહિલાઓ સાથે સંબંધ હોવાનો આરોપ લગાવ્યો હતો. Court એ 5 કરોડની માંગણી સામે 2 કરોડ નક્કી કર્યા.

રામપાલને દેશદ્રોહના કેસમાં હાઈકોર્ટમાંથી જામીન મળ્યા, જેલમાં 11 વર્ષથી બંધ હતા. 2014માં સતલોક આશ્રમમાં ધરપકડ સમયે સમર્થકો સાથે અથડામણમાં 6 લોકોના મોત થયા હતા. રામપાલ કુરુક્ષેત્રના આશ્રમમાં જઈ શકે છે, જ્યાં વિશ્વ શાંતિ માટે પાઠનું આયોજન છે. 2006ના કરૌંથા આશ્રમના વિવાદ અને કોર્ટમાં હાજર ન થવાને કારણે ધરપકડ વોરંટ જારી થયું હતું. રામપાલ પર કુલ 14 કેસ નોંધાયા હતા, જેમાંથી 11માં તે નિર્દોષ છૂટી ગયા છે.

ગૌતમ અદાણી અને સાગર અદાણીએ SEC દ્વારા દાખલ સિવિલ ફ્રોડ કેસ રદ કરવા માંગ કરી છે. કેસ અમેરિકી અધિકારક્ષેત્ર બહારનો હોવાનું અને કોઈ નક્કર આરોપો ન હોવાનું જણાવ્યું છે. ન્યૂયોર્ક કોર્ટમાં અદાણી ગ્રુપે પ્રી-મોશન લેટર દાખલ કર્યો છે, જેમાં દાવો કરાયો છે કે ડીલ અમેરિકા બહાર થઈ હોવાથી SECનો દાવો કાયદેસર રીતે નબળો છે. SEC એ AGEL દ્વારા બોન્ડ જાહેર કરવામાં રોકાણકારોને ગેરમાર્ગે દોર્યાનો આરોપ લગાવ્યો છે, જેને અદાણીએ પાયાવિહોણો ગણાવ્યો છે. આ કેસમાં આગામી સુનાવણી 30 એપ્રિલે થશે.

અમદાવાદના ચાંદખેડામાં ઢોસાના ખીરાના કારણે બે બાળકીના મોત થયા. પોલીસે તપાસ તેજ કરી, FSL ટીમે કપડાં, વાસણો જપ્ત કર્યા. ડોક્ટરે બાળકીના ફીડીંગ અંગે માહિતી આપતા કેસમાં નવો વળાંક આવી શકે છે. ડેરીના ખીરાથી અન્યને ફૂડ પોઈઝનિંગ થયું નથી. પોલીસે CCTV ફૂટેજ તપાસ્યા છે અને FSL રિપોર્ટની રાહ જોવાઈ રહી છે.