ભરૂચના વાલિયા તાલુકામાં એક મહિલાની ક્રૂર હત્યા થઈ છે. કોંઢ ગામ નજીક નાળા પાસેથી ગળું કપાયેલી હાલતમાં ડેડ બોડી મળી. વાલિયા પોલીસે ઘટના સ્થળે પહોંચી તપાસ હાથ ધરી, જેમાં તીક્ષ્ણ હથિયારથી હત્યા થઈ હોવાનું જણાયું. પોસ્ટમોર્ટમ માટે ડેડ બોડીને હોસ્પિટલમાં ખસેડાઈ છે. મહિલાની ઓળખ માટે પોલીસ ટીમો કાર્યરત છે. વધુ માહિતી માટે વાલિયા પોલીસ સ્ટેશનનો સંપર્ક કરવા અપીલ.

પાટડીમાં ટ્રકે મેશ્રી મહાજન ટ્રસ્ટની દુકાનોને નુકસાન કર્યું, ફરિયાદ થઈ. ટ્રક ચાલકે કાબુ ગુમાવતા દુકાનોને નુકસાન થયું. હિમાંશુભાઈ પરીખ અને ખુમાભાઈ છાયાણીની દુકાનોને અસર થઈ છે. જસવંતભાઈ પટેલે મુકેશભાઈ દેસાઈ સાથે પોલીસ ફરિયાદ નોંધાવી, તપાસ ચાલુ. કઠાડા-જૈનાબદ પાસે કાર એકસીડન્ટ માં સાપને બચાવવા જતા કાર પલટી, વૃદ્ધાને ઈજા.

પાટણમાં પોલીસ કોન્સ્ટેબલ ગોવિંદ ચૌધરી પર સાથી કર્મચારીની દીકરી પર દુષ્કર્મનો આરોપ છે, એટ્રોસિટી એક્ટ હેઠળ ફરિયાદ નોંધાઈ છે. કોર્ટે આગોતરા જામીન અરજી ફગાવી દીધી છે. SPએ આરોપીને સસ્પેન્ડ કર્યો છે અને ખાતાકીય તપાસ શરૂ કરી છે. તેનું સરકારી ક્વાર્ટર ખાલી કરાવવામાં આવ્યું છે. કર્દીમચારી ની દીકરી ને જાતિ વિષયક અપમાનિત પણ કરાઈ હતી.

હારીજ નગરપાલિકામાં ટેક્સ ઇન્સ્પેક્ટર ને વોર્ડ નંબર 4 ની મહિલા નગર સેવિકાના પતિએ ફોન ન ઉપાડવા બાબતે જાનથી મારી નાખવાની ધમકી આપી. ટેક્સ ઇન્સ્પેક્ટર ભૂપેન્દ્રભાઈ ત્રિવેદીએ ઓફિસના કામમાં વ્યસ્ત હોવાને કારણે ફોન ન ઉપાડ્યાનું કારણ જણાવ્યું. આથી નગરસેવિકાના પતિ ઉશ્કેરાઈ ગયા હતા અને ધમકી આપી હતી. પોલીસે BNS 224, 352, 351(4) હેઠળ ગુનો નોંધી તપાસ હાથ ધરી છે.

વલસાડ રેલવે સ્ટેશનના વેઇટિંગ રૂમમાં, એક કુલીએ 9 વર્ષની બાળકી સાથે અડપલાં કર્યા અને તેને નિર્વસ્ત્ર કરવાનો પ્રયાસ કર્યો. બાળકીએ બૂમો પાડતા GRP એ આરોપીની ધરપકડ કરી. પોલીસે CCTV ફૂટેજ મેળવ્યા અને મેડિકલ પરીક્ષણ કરાવ્યું. રેલવે DySP એ નિવેદનો નોંધી તપાસ શરૂ કરી છે. આ ઘટનાથી મહિલાઓની સુરક્ષાનો મુદ્દો ચર્ચામાં આવ્યો.

મહીસાગરના લુણાવાડામાં નગરપાલિકાની ગટર લાઈનના કામમાં, વીરાભાઈ બારીયા નામના 57 વર્ષીય મજૂરનું વીજ કરંટ લાગવાથી મોત થયું. તેઓ લોખંડની પાઈપથી કચરો કાઢતા હતા ત્યારે પાઈપ વીજ લાઈનને અડતા કરંટ લાગ્યો.સિવિલ હોસ્પિટલમાં તેમને મૃત જાહેર કરાયા.લુણાવાડા પોલીસસ્ટેસન માં અકસ્માતનો ગુનો નોંધાયો છે. વધુ તપાસ ચાલુ

ગાંધીનગરના સેક્ટર-24 સ્થિત ઇન્દિરા નગરમાં સોમાભાઈ ચૌહાણના ઘરે ગેસ સિલિન્ડરમાં આગ લાગી. લોકોએ આગ ઓલવવાનો પ્રયાસ કર્યો, પણ આગ કાબૂમાં ન આવી. નવદીપ સોલંકીએ ફાયર બ્રિગેડને જાણ કરી. ફાયર ટીમે ભારે જહેમત બાદ આગ પર કાબૂ મેળવ્યો. આ ઘટનામાં કોઈ જાનહાની થઈ નથી. થોડા સમય પહેલાં સેક્ટર-4 માં સિલિન્ડર બ્લાસ્ટમાં એક ફાયર જવાનનું મૃત્યુ થયું હતું. હાલમાં ગાંધીનગર ફાયર વિભાગ ચીફ ફાયર ઓફિસર વગર ચાલી રહ્યું છે.

સાબરકાંઠાના ઈડર તાલુકાના વેરાબર ગામનો ડ્રોન વીડિયો દર્શાવે છે કે વરસાદી માહોલમાં આ ગામ કુદરતી સૌંદર્યથી ભરપૂર છે. વર્ષાઋતુમાં ડુંગરની વનરાજી પુનર્જીવિત થઈ છે અને વેરાબરની ધરતી લીલી ચાદરથી ઢંકાયેલી છે. વાદળો ડુંગરની વચ્ચેથી પસાર થતા મનમોહક દૃશ્યો સર્જાય છે. 800 બ્રાહ્મણ પરિવારો છેલ્લા 14 વર્ષથી દિવાળી પર્વને એક જ રસોડે ઉજવે છે, સાથે જ બળેવ, હોળી-ધૂળેટી અને નવરાત્રી જેવા તહેવારો પણ ઉજવાય છે.

ગોધરા પોલીસે હમીરપુર રોડ પર MET સ્કૂલ પાસેથી 314 કિલોગ્રામ ગૌમાંસ જપ્ત કર્યું. સુફિયાન કલંદર, મોહમ્મદ બોકડો અને સમીર સકલા કારમાં ગૌવંશ લાવી કતલ કરતા હતા. પોલીસે રૂ. 63,830 નો મુદ્દામાલ જપ્ત કર્યો, જેમાં ગૌમાંસ, વજનકાંટો અને અન્ય સાધનોનો સમાવેશ થાય છે. પશુ સંરક્ષણ અધિનિયમ હેઠળ ગુનો નોંધી, ત્રણેય આરોપીઓને વોન્ટેડ જાહેર કર્યા છે.

વડોદરાના ખિસકોલી સર્કલ પાસે કાર ડિવાઈડર સાથે અથડાઈ પલટી જતાં અકસ્માત થયો. CCTV માં ઘટના કેદ થઈ. મહિલાએ સ્ટેયરીંગ પરથી કાબૂ ગુમાવતા કાર અથડાઈ. લોકોએ મદદ કરી, કાર સીધી કરી. મહિલા ડ્રાઈવરને સામાન્ય ઈજા થઈ. એટલાદરા પોલીસે તપાસ હાથ ધરી, ટ્રાફિક જામ થયો હતો. આવા અકસ્માતોમાં નિર્દોષ લોકો ભોગ બને છે.

શહેરા તાલુકાના સજેવાવમાં અસ્થિર મગજની મહિલા મળી આવતા, સખી વન સ્ટોપે આશ્રય આપ્યો. ટિમ દ્વારા કાઉન્સિલિંગ અને શોધખોળ હાથ ધરાઈ. દોઢ માસ બાદ, દાહોદના પરિવારજનો મળ્યા અને મહિલાને સોંપવામાં આવી. પરિવારે સખી વન સ્ટોપ ટીમનો આભાર માન્યો. વન સ્ટોપ સેન્ટરએ મહિલાની મદદ કરી.

વર્ષ 1984માં અપાયેલ રોડના કામના બિલના ₹ 7.33 લાખ ન ચૂકવાતા કોન્ટ્રાક્ટરે કોર્ટમાં દાવો કર્યો હતો. હાલોલ કોર્ટે વ્યાજ સાથે ₹ 24,50,143 ની જપ્તી વોરંટ કાઢતા પંચાયતે બાંહેધરી આપી ₹ 24.50 લાખ જમા કરાવ્યા. કોર્ટના ચુકાદા સામે જિલ્લા પંચાયતે હાઇકોર્ટમાં અપીલ કરી છે, હાઇકોર્ટ અપીલ નિકાલ ન થાય ત્યાં સુધી રૂપિયા 24.50 લાખ જમા રહેશે.

ગોધરા ભુરાવાવ પાસે 7 સોસાયટીમાં વરસાદી પાણી ઘૂસતા સ્થાનિકોમાં રોષ ભભૂકી ઉઠ્યો છે. કૃષ્ણસાગર તળાવ ઓવરફ્લો થતા આસપાસની સોસાયટીઓમાં જળબંબાકારની સ્થિતિ સર્જાઈ. પાણી ઘૂસી જતાં ઝેરી જાનવરોથી પણ ખતરો છે. ચોમાસામાં દર વર્ષે સમસ્યાના લીધે તંત્ર નક્કર પગલાં લે તેવી માંગ સાથે મહિલાઓનો હોબાળો.

દાહોદ નગરપાલિકાની સભામાં રાજકીય દાવપેચથી ૧૬ ચેરમેન વિરોધી જૂથના બન્યા. જૂથબંધી શાંત કરવાના પ્રયાસમાં આ નિર્ણય લેવાયો. પક્ષે વ્હીપનો ઉપયોગ કરીને સભ્યોની સહી લીધી અને આંતરિક વિખવાદ પર પડદો પાડવાનો પ્રયાસ કર્યો. આગામી ૬ માસ જ ચેરમેનશીપ ભોગવવા મળશે.

દર વર્ષે 11 જુલાઈએ વિશ્વ વસ્તી દિવસ ઉજવાય છે. આઝાદી સમયે અમદાવાદની વસ્તી 8.37 લાખ હતી, જે 2025માં અંદાજે 85.53 લાખ થવાનું અનુમાન છે. ઇન્ટરનેશનલ ઇન્સ્ટિટ્યૂટ ફોર population સાયન્સના રિપોર્ટ મુજબ, 2031માં શહેરની વસ્તી 91 લાખને પાર થશે, અને અમદાવાદનો સેક્સ રેશિયો 887 રહેવાનું અનુમાન છે. વિશ્વની કુલ વસ્તી આશરે 8.18 અબજ હોવાનો અંદાજ છે. વૈશ્વિક વસ્તી સતત વધી રહી છે, અને 2030 સુધીમાં તે 8.5 અબજ, 2050 સુધીમાં 9.7 અબજ અને 2100 સુધીમાં 10.9 અબજ સુધી પહોંચી શકે છે. આ આંકડાઓ દર્શાવે છે કે કુદરતી સંસાધનો, પર્યાવરણ અને વિકાસ પર વસ્તી વૃદ્ધિની કેટલી મોટી અસર થશે.

પૂર્વ CM વિજય રૂપાણી રાજકોટ-અમદાવાદ વચ્ચે સેમી હાઇસ્પીડ રેલ સેવા શરૂ કરવા ઇચ્છતા હતા, પણ તે સ્વપ્ન અધૂરું રહ્યું. રાજીનામા બાદ તેમણે આ વાતનો અફસોસ વ્યક્ત કર્યો હતો. તેઓ માનતા હતા કે આ પ્રોજેક્ટથી સૌરાષ્ટ્રના લોકોને ઘણો ફાયદો થશે, સમય અને રૂપિયાની બચત થશે. આ માટે તેમણે સરકારમાં રજૂઆત પણ કરી હતી, પરંતુ તેમના કાર્યકાળ દરમિયાન આ કામ પૂર્ણ થઇ શક્યું ન હતું. તેમના મિત્રો અને સહકારી આગેવાનો તેમને આ વાત કરતા સાંભળ્યા હતા.

ગોધરા સિટી ટ્રાફિક પોલીસે સ્કૂલ વાહનોનું ચેકિંગ હાથ ધર્યું. PSI એમ.પી.ચૌહાણ અને ટીમે સિવિલ હોસ્પિટલ પાસે ચેકિંગ અભિયાન શરૂ કર્યું. ક્ષમતાથી વધુ વિદ્યાર્થીઓને બેસાડી જોખમી મુસાફરી કરાવતા બે વાહન ચાલકોને પકડીને રૂ. 6000નો દંડ ફટકાર્યો. પોલીસે જણાવ્યું કે વિદ્યાર્થીઓની સુરક્ષા માટે આવી ચેકિંગ કામગીરી ચાલુ રહેશે.

મહીસાગર દુર્ઘટના બાદ રાજ્ય સરકાર Action Modeમાં, ગુજરાતના National અને International ધોરીમાર્ગો પરના Bridgesની ચકાસણી શરૂ. નવસારીમાં 70 Bridgesની તપાસ માટે 6 Teams બની. Teams દ્વારા Stability, Vibration, રેલિંગ, અને એપ્રોચ રોડનું ધોવાણ તપાસી, રિપોર્ટ સરકારને સોંપાશે.

શક્તિસિંહ ગોહિલના રાજીનામા બાદ ગુજરાત કોંગ્રેસના નેતાઓને દિલ્હી બોલાવવામાં આવ્યા છે. રાહુલ ગાંધી અને મલ્લિકાર્જુન ખડગેની અધ્યક્ષતામાં પૂર્વ પ્રદેશ અધ્યક્ષો અને વિપક્ષના નેતાઓ સાથે નવા પ્રદેશ પ્રમુખ અંગે ચર્ચા થશે. ગેનીબેન ઠાકોર અને શૈલેષ પરમાર પણ દિલ્લી રવાના થયા છે. ગુજરાત કોંગ્રેસની કમાન કોને સોંપવી એ મુદ્દે ખડગે અને રાહુલ ગાંધીના સમક્ષ ચર્ચા થશે અને મોટો નિર્ણય થઈ શકે છે.

નાયબ કલેક્ટરની અધ્યક્ષતામાં ચોટીલા અને થાનગઢ સામૂહિક આરોગ્ય કેન્દ્રોની સમિતિ બેઠકમાં OPD, IPD, ડિલિવરી, લેબોરેટરી ટેસ્ટના ખર્ચની સમીક્ષા થઈ. ડિલિવરી વધારવા અને દર્દીઓને વિનામૂલ્યે સેવા આપવા પર ભાર મૂકવામાં આવ્યો. થાનગઢમાં પાણીની સમસ્યા માટે રેતી-મોરમની મંજૂરી અપાઈ. દવાઓ અને સર્જિકલ સામગ્રીની ઉપલબ્ધતા સુનિશ્ચિત કરાઈ. સ્ટાફ દ્વારા નાણાં ન લેવાય તેની ખાતરી કરાઈ.

પંચમહાલ પોલીસે ગુમ થયેલા MOBILE શોધવાની સફળ કામગીરી કરી. કાંકણપુર પોલીસે CEIR પોર્ટલથી 3 MOBILE શોધી કાઢ્યા, જેમાં VIVO V30 5G અને Realme C51 સહિતના MOBILE હતા. "તેરા તુજકો અર્પણ" કાર્યક્રમ અંતર્ગત આ MOBILE માલિકોને સોંપાયા. પોલીસ ઇન્સ્પેક્ટર અને અન્ય પોલીસ કર્મચારીઓએ મહત્વની ભૂમિકા ભજવી.

થાનગઢમાં 181 મહિલા હેલ્પલાઇન ટીમે વરસાદમાં ભટકતી ગર્ભવતી મહિલા અને બાળકીને બચાવી. ટીમને જાણ થતા કાઉન્સેલર અને પોલીસ કોન્સ્ટેબલ ઘટનાસ્થળે પહોંચ્યા. મહિલા પાટણની વતની છે, તેના પતિનું અવસાન થયું છે અને તે ગર્ભવતી છે. મહિલા માનસિક રીતે અસ્વસ્થ હોવાથી 181 ની ટીમ તેને સુરેન્દ્રનગરના સખી One Stop Center માં લાવી, જ્યાં તેમને આશ્રય મળશે.

ભરૂચનો ૪૮ વર્ષ જૂનો સરદાર બ્રિજ મજબૂત છે, રેલિંગ તૂટ્યા બાદ નવી લગાવાઈ. નાના vehicles માટે બ્રિજ ચાલુ છે, જ્યારે મોટા vehicles માટે પ્રતિબંધ છે. Traffic jamની સમસ્યાને ધ્યાનમાં રાખી પુલ ચાલુ રખાયો છે. પુલના કેટલાક ભાગોમાં મરામતની જરૂર છે, જે માટે સ્થાનિકોએ માગણી કરી છે. આ બ્રિજ repair થાય તે જરૂરી છે.

મહેસાણા જિલ્લામાં ખરાબ રસ્તાની મરામત અને પેચવર્કની કામગીરી શરૂ થઈ છે. વાહનચાલકો માટે શિહોરી-પાટણ, ઊંઝા અને વિસનગર રોડ પર પેચવર્ક ચાલુ છે. માર્ગ અને મકાન વિભાગ દ્વારા આ કામગીરી હાથ ધરાઈ છે, જે મુખ્યમંત્રીની સૂચનાથી ચોમાસામાં રસ્તાની ખરાબ હાલતને સુધારવા માટે છે. જિલ્લાના અન્ય રસ્તાઓને પણ સુધારવાનું કામ ચાલી રહ્યું છે, જેથી લોકોને સરળતા રહે.

અમદાવાદ વિમાન દુર્ઘટનાનો તપાસ રિપોર્ટ 2 દિવસ પછી જાહેર થશે. AAIB તપાસ કરી રહી છે. નિયમ મુજબ 30 દિવસમાં રિપોર્ટ સબમિટ કરવાનો હોય છે. ફ્લાઇટ AI 171 ટેકઓફ પછી હોસ્ટેલ સાથે અથડાઈ હતી. 270 લોકો માર્યા ગયા હતા. સંયુક્ત રાષ્ટ્ર પણ તપાસમાં સામેલ થશે. બ્લેક બોક્સમાં CVR અને FDRની તપાસ થઈ રહી છે. DGCA દ્વારા તમામ એર ઇન્ડિયાનાં વિમાનોનું નિરીક્ષણ કરવામાં આવ્યું છે.

Amarnath Yatra માટે લોકોમાં ઉત્સાહ છે. પહેલા તબક્કા માટે હજારો શ્રદ્ધાળુઓ જમ્મુ-કાશ્મીર પહોંચી રહ્યા છે, સંખ્યા લાખો સુધી પહોંચી ગઈ છે. આજે પહેલગામના નુનવાન બેઝ કેમ્પથી આઠમો સમૂહ અમરનાથની પવિત્ર ગુફાની યાત્રા માટે રવાના થયો છે. શ્રદ્ધાળુઓની સુરક્ષા કડક કરવામાં આવી છે. આ યાત્રા 3 જુલાઈથી શરૂ થઈ હતી અને 9 ઓગસ્ટના રોજ સમાપ્ત થશે. અત્યાર સુધીમાં 1 લાખથી વધુ ભક્તોએ દર્શન કર્યા છે.

જામનગરમાં 20 વર્ષીય ક્રિષ્નાબેન ભલસોડ ગુમ થયા. પરિવારજનોએ શોધખોળ કરી, સગાં-સંબંધીઓને ત્યાં તપાસ કરી, પણ ક્રિષ્નાબેન ન મળતા પિતા દિવ્યેશભાઈએ જામજોધપુર police સ્ટેશનમાં ફરિયાદ નોંધાવી. Policeએ ગુમ થયાની નોંધ કરી તપાસ શરૂ કરી.

આજે Guru Purnima નિમિત્તે ભવનાથમાં ભક્તોની ભીડ જોવા મળી. ગૌરક્ષ નાથ આશ્રમ, ભારતી આશ્રમ સહિત અનેક આશ્રમોમાં મંત્રોચ્ચાર, હવન, પૂજન, ગુરુવારણ જેવી ધાર્મિક વિધિઓ યોજાઈ. Guru Purnima જ્ઞાન અને આધ્યાત્મિકતા પ્રગટાવનારને કૃતજ્ઞતા વ્યક્ત કરવાનો અવસર છે. શિષ્યોએ ગુરુચરણોમાં ફળ અને દક્ષિણા અર્પણ કરી. આશ્રમોમાં રુદ્રાભિષેક, યજ્ઞ અને ભજન સત્સંગનું આયોજન થયું. ભારતી આશ્રમ ખાતે બ્રહ્મલીન સંતોની પૂજા કરાઈ અને મહંત હરીહરાનંદ ભારતી બાપુના શિષ્યોએ તેમની પૂજા અર્ચના કરી. આ દિવસે વેદ વ્યાસજીનો જન્મ થયો હતો, જેમને આદિ Guru માનવામાં આવે છે.

અમદાવાદ જિલ્લાની જવાહર નવોદય વિદ્યાલય (JNV)માં ધોરણ 6માં પ્રવેશ મેળવવા માટે 29 જુલાઈ સુધી ઓનલાઈન અરજી શકાશે. વિદ્યાર્થીઓ navodaya.gov.in અથવા cbseitms.racil.gov.in/nvs લિંક પર રજીસ્ટ્રેશન કરી શકશે. વધુ માહિતી માટે હેલ્પ ડેસ્ક નંબર 9773124749 પર સંપર્ક કરો. ધોરણ 5માં અભ્યાસ કરતા અને અમદાવાદ જિલ્લાના રહેવાસી વિદ્યાર્થીઓ જ અરજી કરી શકે છે. વિદ્યાર્થીઓનો જન્મ 01/05/2014 પહેલાં અને 31/07/2016 પછી ન હોવો જોઈએ.

તેલની માગ વધવાથી કિંમતમાં વધારો થયો છે, પેટ્રોલ અને ડીઝલના ભાવમાં રોજે બદલાવ જોવા મળે છે. આંતરરાષ્ટ્રીય બજારમાં કાચા તેલના ભાવમાં વધઘટ ચાલુ રહે છે. બ્રેન્ટ ક્રૂડના ભાવ પ્રતિ બેરલ $70.00 પર સ્થિર રહ્યા છે. ઘણા શહેરોમાં ઇંધણના ભાવમાં ઘટાડો થયો છે. 10 જુલાઇએ ક્રૂડ ઓઇલના ભાવમાં ફેરફાર જોવા મળી રહ્યો છે. લાંબા સમયથી રાષ્ટ્રીય સ્તરે તેલના ભાવમાં કોઈ ફેરફાર થયો નથી.