અમેરિકાએ પાકિસ્તાન સાથે કર્યો મોટો કરાર!
અમેરિકી વાયુસેનાએ F-16 લડાયક વિમાનોના રડાર અપગ્રેડેશન અને ટેકનિકલ સપોર્ટ માટે 488 મિલિયન ડોલર ના નવા કોન્ટ્રાક્ટની જાહેરાત કરી છે. આ મોટી સંરક્ષણ ડીલમાં પાકિસ્તાન સહિત અમેરિકાના અનેક સહયોગી દેશોનો સમાવેશ કરવામાં આવ્યો છે. આ પગલાથી પાકિસ્તાની વાયુસેનાના F-16 વિમાનો હવે 2040 સુધી કાર્યરત રહી શકશે. અમેરિકાની સંરક્ષણ કંપની નોર્થરોપ ગ્રુમન સિસ્ટમ્સ કોર્પોરેશનને આ જવાબદારી સોંપવામાં આવી છે. આ કોન્ટ્રાક્ટ હેઠળ F-16 વિમાનોમાં વપરાતી 'APG-66' અને 'APG-68' રડાર સિસ્ટમને અત્યાધુનિક એન્જિનિયરિંગ સપોર્ટ આપવામાં આવશે. આ અપગ્રેડેશનનું કામ મેરીલેન્ડ, અમેરિકામાં થશે અને તે 31 માર્ચ, 2036 સુધી ચાલશે.
અમેરિકાએ પાકિસ્તાન સાથે કર્યો મોટો કરાર!
અમેરિકાએ ભારતને પરત કરી 657 પ્રાચીન મૂર્તિઓ.
અમેરિકાએ ભારતને અંદાજે 120 કરોડ રૂપિયાથી($14 મિલિયન) પણ વધુની કિંમતની 657 જેટલી દુર્લભ અને પ્રાચીન મૂર્તિઓ પરત કરી છે. આ અમૂલ્ય વારસો સુભાષ કપૂર અને નેન્સી વીનર જેવા આંતરરાષ્ટ્રીય તસ્કર ગીરોહો દ્વારા ભારતમાંથી ચોરી કરીને અમેરિકા લઈ જવામાં આવ્યો હતો. ન્યૂયોર્કના મેનહટન ડિસ્ટ્રિક્ટ એટર્ની એલ્વિન બ્રૈગ અને ભારતીય કોન્સ્યુલ જનરલ રાજલક્ષ્મી કદમની હાજરીમાં આ મૂર્તિઓ સોંપવા માટે એક વિશેષ સમારોહ યોજાયો હતો.
અમેરિકાએ ભારતને પરત કરી 657 પ્રાચીન મૂર્તિઓ.
'અમારું સોનું પાછું આપો', ભારત રાતોરાત કેમ પાછું લાવી રહ્યું છે પોતાનું સોનું?
ભારતીય રિઝર્વ બેન્કે(RBI) વિદેશમાંથી સોનું પરત લાવવાની પ્રક્રિયાને નોંધપાત્ર રીતે ઝડપી બનાવી છે. ઓક્ટોબર 2025થી માર્ચ 2026ના રિપોર્ટ અનુસાર, ભારતના કુલ 880.52 ટન સોનામાંથી હવે અંદાજે 77% એટલે કે 680 ટન સોનું દેશની અંદર જ રાખવામાં આવ્યું છે. જ્યારે 197.67 ટન સોનું હજુ પણ બેન્ક ઓફ ઇંગ્લેન્ડ અને બેન્ક ઓફ ઇન્ટરનેશનલ સેટલમેન્ટ્સ પાસે છે અને 2.8 ટન સોનું ડિપોઝિટ તરીકે રાખેલું છે. છેલ્લા માત્ર 6 મહિનામાં જ RBI દ્વારા 104.23 ટન સોનું ભારત પરત મંગાવી લેવામાં આવ્યું છે. માર્ચ 2023માં ભારત પાસે માત્ર 37% સોનું દેશમાં હતું, જે હવે વધીને 77% થઈ ગયું છે.
'અમારું સોનું પાછું આપો', ભારત રાતોરાત કેમ પાછું લાવી રહ્યું છે પોતાનું સોનું?
અમેરિકાને ઝટકો: પશ્ચિમ આફ્રિકાના દેશોએ ડીલ રિજેક્ટ કરી.
અમેરિકાની વિદેશ નીતિ સ્વાર્થી છે. ઘાના અને ઝિમ્બાબ્વે જેવા દેશો અમેરિકાની લાલચ સમજી ગયા છે. ઘાનાએ હેલ્થ ડીલ રિજેક્ટ કરી કારણ કે અમેરિકા સંવેદનશીલ હેલ્થ ડેટા માંગતું હતું, જે નાગરિકોની ઓળખ છતી કરી શકે છે. ઝિમ્બાબ્વેએ પણ ડેટા સાર્વભૌમત્વને કારણે ડીલ કેન્સલ કરી. આ ડીલ્સ US ફંડિંગના બદલામાં ડેટાની માંગ કરતી હતી, જે 'America First' એપ્રોચ હેઠળ હતી.
અમેરિકાને ઝટકો: પશ્ચિમ આફ્રિકાના દેશોએ ડીલ રિજેક્ટ કરી.
'ઈરાન બાદ ક્યૂબાનો વારો પાડી દઈશ, જહાજો તહેનાત કરતાં જ એ સરેન્ડર કરશે..', ટ્રમ્પનો મોટો દાવો
અમેરિકન પ્રમુખ ડોનાલ્ડ ટ્રમ્પે ફરી એકવાર પોતાના નિવેદનથી વિશ્વભરનું ધ્યાન અમેરિકા તરફ ખેંચ્યું છે. ફ્લોરિડાના પામ બીચ પર આયોજિત 'ફોરમ ક્લબ'ના એક કાર્યક્રમ દરમિયાન ટ્રમ્પે આંતરરાષ્ટ્રીય રાજકારણમાં ખળભળાટ મચાવતા કહ્યું કે, અમેરિકા બહુ જલ્દી ક્યુબા પર 'કબ્જો' કરવા જઈ રહ્યું છે. ભૂતપૂર્વ પ્રતિનિધિ ડેન માઈકાનો ઉલ્લેખ કરતા ટ્રમ્પે રમુજી પણ ગંભીર સૂરમાં જણાવ્યું હતું કે, ક્યુબા એક એવી જગ્યા છે જેને અમે લગભગ તાત્કાલિક અમારા કબજામાં લેવા જઈ રહ્યા છીએ.
'ઈરાન બાદ ક્યૂબાનો વારો પાડી દઈશ, જહાજો તહેનાત કરતાં જ એ સરેન્ડર કરશે..', ટ્રમ્પનો મોટો દાવો
અમેરિકા-યુરોપ વચ્ચે પડી તિરાડ, ટ્રમ્પે અચાનક જ જર્મનીથી 5000 સૈનિકો પાછા ફરવા આદેશ કર્યો
મિડલ ઈસ્ટમાં યુદ્ધ અને નાટો (NATO)ના મુદ્દે અમેરિકાના પ્રમુખ ડોનાલ્ડ ટ્રમ્પ અને યુરોપિયન દેશો વચ્ચેના સંબંધોમાં મોટી તિરાડ જોવા મળી રહી છે. પેન્ટાગોને શુક્રવારે જાહેરાત કરી છે કે અમેરિકા નાટો સહયોગી દેશ જર્મનીમાંથી 5,000 સૈનિકો પાછા ખેંચી રહ્યું છે.વ્યૂહાત્મક વિવાદ અને સૈન્ય કાપજર્મન ચાન્સેલર ફ્રેડરિક મેર્ઝ સાથેની ઉગ્ર ચર્ચા બાદ પ્રમુખ ટ્રમ્પે આ સૈન્ય કાપનો આદેશ આપ્યો છે. ચાન્સેલર મેર્ઝે નિવેદન આપ્યું હતું કે 'બે મહિનાથી ચાલી રહેલા યુદ્ધને સમાપ્ત કરવાની વાટાઘાટોમાં ઈરાનીઓ અમેરિકાનું અપમાન કરી રહ્યા છે.
અમેરિકા-યુરોપ વચ્ચે પડી તિરાડ, ટ્રમ્પે અચાનક જ જર્મનીથી 5000 સૈનિકો પાછા ફરવા આદેશ કર્યો
હોર્મુઝ સંકટ વચ્ચે અમેરિકા સાથે મિત્ર દેશે કરી 'ગદ્દારી'!
એશિયામાં અમેરિકાના સૌથી વિશ્વસનીય સાથી ગણાતા જાપાને આંતરરાષ્ટ્રીય સ્તરે સૌને ચોંકાવી દીધા છે. મધ્ય પૂર્વમાં હોર્મુઝની નાકેબંધીને કારણે ઓઇલ પુરવઠો ખોરવાતા જાપાને પોતાની જૂની મિત્રતાની સીમાઓ ઓળંગીને રશિયા તરફ હાથ લંબાવ્યો છે. વર્ષ 2022માં યુક્રેન યુદ્ધ શરૂ થયા બાદ આ પ્રથમ વખત છે જ્યારે જાપાને રશિયા પાસેથી ઓઇલની ખરીદી કરી છે. આ નિર્ણય માત્ર ઊર્જાનો મુદ્દો નથી, પરંતુ બદલાતી વૈશ્વિક વ્યૂહનીતિ અને રાજદ્વારી મજબૂરીનો પણ સંકેત આપે છે.
હોર્મુઝ સંકટ વચ્ચે અમેરિકા સાથે મિત્ર દેશે કરી 'ગદ્દારી'!
યુદ્ધ વચ્ચે ઈઝરાયલનો ખેલ, UAEમાં ઘાતક લેઝર હથિયાર અને સૈનિકો કર્યા તહેનાત
મિડલ ઈસ્ટમાં ઇરાન અને અમેરિકા-ઇઝરાયલ વચ્ચે ચાલી રહેલા ભીષણ યુદ્ધની વચ્ચે એક અત્યંત મહત્ત્વપૂર્ણ અને શાંત ઘટના સામે આવી છે. ઈઝરાયલે તેના મિત્ર દેશ યુએઈ (UAE)ને ઇરાની હુમલાઓથી બચાવવા માટે વિશ્વની સૌથી અદ્યતન લેસર શસ્ત્ર પ્રણાલી 'આયર્ન બીમ' ગુપ્ત રીતે તહેનાત કરી હોવાના અહેવાલ છે.યુએઈને ઇઝરાયલી હથિયારોનું સુરક્ષા કવચઇરાનના મિસાઇલ અને ડ્રોન હુમલાઓને ખાળવા માટે ઇઝરાયલે માત્ર આયર્ન બીમ જ નહીં, પરંતુ સંરક્ષણ સાધનોનો આખો કાફલો યુએઈને પૂરો પાડ્યો છે.
યુદ્ધ વચ્ચે ઈઝરાયલનો ખેલ, UAEમાં ઘાતક લેઝર હથિયાર અને સૈનિકો કર્યા તહેનાત
ઈરાનમાં જીવતો બોમ્બ ફાટતાં 14 સૈનિકોના મોત!
અમેરિકા અને ઈરાન વચ્ચે ચાલી રહેલી શાંતિ વાટાઘાટો વચ્ચે ઈરાનના ઉત્તર-પશ્ચિમ હિસ્સામાં એક ભયાનક દુર્ઘટના ઘટી છે. 'ઓર્ડનન્સ ક્લિયરન્સ' એટલે કે જીવંત બોમ્બ અને દારૂગોળાને હટાવવાના મિશન દરમિયાન થયેલા વિસ્ફોટમાં ઈરાની સેના IRGCના 14 જવાનોના મોત નીપજ્યા છે.દુર્ઘટનાની વિગતઈરાનના ઉત્તર-પશ્ચિમમાં આવેલા જંજાન પ્રાંતમાં આ અકસ્માત સર્જાયો હતો. IRGC ની એક ટીમ ખેતીની જમીન પર વિખરાયેલા ન ફાટેલા બોમ્બ અને દારૂગોળો હટાવવાનું કામ કરી રહી હતી.
ઈરાનમાં જીવતો બોમ્બ ફાટતાં 14 સૈનિકોના મોત!
'કાં તો સમજૂતી કરો, નહીં તો બોમ્બમારો કરી હંમેશા માટે ખતમ કરીશ..', ટ્રમ્પની ઈરાનને ચેતવણી
અમેરિકા અને ઈરાન વચ્ચે છેલ્લા બે મહિનાથી ચાલી રહેલા સંઘર્ષને રોકવાના પ્રયાસોને મોટો ઝટકો લાગ્યો છે. ડોનાલ્ડ ટ્રમ્પે શુક્રવારે ઈરાન દ્વારા મોકલવામાં આવેલા શાંતિ પ્રસ્તાવને ફગાવી દીધો છે. વ્હાઇટ હાઉસમાં પત્રકારો સાથે વાત કરતા ટ્રમ્પે સ્પષ્ટ કર્યું હતું કે, જ્યાં સુધી ઈરાન યોગ્ય શરતો સાથે આગળ નહીં આવે ત્યાં સુધી અમેરિકા કોઈ સમજૂતી પર હસ્તાક્ષર કરશે નહીં. માનવીય ધોરણે હું સમજૂતીને પ્રાથમિકતા આપું છું, પરંતુ ઈરાન સમજૂતી માટે બેતાબ છે કારણ કે તેની હાલત અત્યંત ખરાબ છે.
'કાં તો સમજૂતી કરો, નહીં તો બોમ્બમારો કરી હંમેશા માટે ખતમ કરીશ..', ટ્રમ્પની ઈરાનને ચેતવણી
ટેક્સાસમાં ભયાનક વિમાન દુર્ઘટના: ખેલાડીઓને લઈ જતું પ્લેન તૂટી પડ્યું, 5 લોકોના કરુણ મોત
અમેરિકાના ટેક્સાસ રાજ્યના હિલ કન્ટ્રી વિસ્તારમાં એક નાનું વિમાન દુર્ઘટનાગ્રસ્ત થતાં તેમાં સવાર તમામ પાંચ લોકોના મોત નીપજ્યા છે. આ વિમાનમાં સવાર તમામ મુસાફરો ખેલાડીઓ હતા, જેઓ એક ટૂર્નામેન્ટમાં ભાગ લેવા જઈ રહ્યા હતા. દુર્ઘટનાની વિગતો ટેક્સાસ ડિપાર્ટમેન્ટ ઓફ પબ્લિક સેફ્ટીના જણાવ્યા અનુસાર, આ અકસ્માત ગુરુવારે રાત્રે આશરે 11 વાગ્યે વિમ્બરલી શહેર પાસે સર્જાયો હતો. આ સ્થળ ઓસ્ટિનથી લગભગ 65 કિલોમીટર દક્ષિણ-પશ્ચિમમાં આવેલું છે.
ટેક્સાસમાં ભયાનક વિમાન દુર્ઘટના: ખેલાડીઓને લઈ જતું પ્લેન તૂટી પડ્યું, 5 લોકોના કરુણ મોત
FPIની રૂ. 60,847 કરોડની વેચવાલી : 2026માં આઉટફ્લો રૂ. 1.92 લાખ કરોડ
FPI એ એપ્રિલમાં ભારતીય શેરબજારમાંથી રૂ. ૬૦,૮૪૭ કરોડ (૬.૫ બિલિયન ડોલર) પાછા ખેંચી લીધા છે. જેની પાછળનું મુખ્ય કારણ વધતા ભૂરાજકીય તણાવ અને વૈશ્વિક આર્થિક અનિશ્ચિતતાઓ હતું. NSDLના ડેટા અનુસાર, ૨૦૨૬ના પ્રથમ ચાર મહિનામાં વિદેશી પોર્ટફોલિયો રોકાણકારો દ્વારા કુલ આઉટફ્લો રૂ. ૧.૯૨ લાખ કરોડ સુધી પહોંચી ગયો છે, જે સમગ્ર વર્ષ ૨૦૨૫ માટે રૂ. ૧.૬૬ લાખ કરોડના આઉટફ્લો કરતા નોંધપાત્ર રીતે વધારે છે.
FPIની રૂ. 60,847 કરોડની વેચવાલી : 2026માં આઉટફ્લો રૂ. 1.92 લાખ કરોડ
વૈશ્વિક મૂડીપ્રવાહ: ઈમર્જિંગ માર્કેટ્સમાંથી US-ચીનના ટેક બજારોમાં પ્રવેશ.
વૈશ્વિક ઇક્વિટી બજારોમાં મોટો ફેરફાર થયો છે, જ્યાં યુએસ ટેક-પ્રભુત્વ ધરાવે છે અને ચીન ટેક અને ફાઇનાન્સ તરફ વળી રહ્યું છે. ભારત ફાઇનાન્સિયલ તરફી થયું છે. AI અને ટેકનોલોજીમાં યુએસ-ચીનની પ્રગતિને કારણે ભંડોળ ત્યાં જઈ રહ્યું છે, જેનાથી ભારતીય બજારમાં FPIsનો રસ ઘટ્યો છે, જે નાણાકીય વર્ષ 2025-26માં FPIs આઉટફ્લોમાં દેખાયો છે. DIIsનો મજબૂત પ્રવાહ ભારતીય બજારને ટેકો આપે છે.
વૈશ્વિક મૂડીપ્રવાહ: ઈમર્જિંગ માર્કેટ્સમાંથી US-ચીનના ટેક બજારોમાં પ્રવેશ.
ક્રુડ તેલ ઊંચા મથાળેથી ઘટી પ્રતિ બેરલ 110 ડોલર પર ઉતરી આવ્યું
મહારાષ્ટ્ર દિન નિમિત્તે મુંબઈ ઝવેરી બજાર બંધ રહ્યું હતું ખાનગીમાં અન્ડરટોન મજબૂત રહ્યો હતો. અમેરિકા-ઈરાન વચ્ચે ફરી સંઘર્ષની સ્થિતિ આકાર લઈ રહી હોવાના સંકેતે વિશ્વ બજારમાં ભાવ મક્કમ રહ્યા હતા. ગુરુવારની સરખામણીએ અમદાવાદ બજારમાં સોનામાં નરમાઈ રહી હતી જ્યારે ચાંદીમાં ટકેલુ વાતાવરણ રહ્યું હતું. ક્રુડ તેલમાં ૧૨૬ ડોલરની ઊંચી સપાટીએથી ભાવમાં પીછેહઠ રહી હતી. મુંબઈ ઝવેરી બજાર મહારાષ્ટ્ર દિન નિમિત્તે સત્તાવાર બંધ રહ્યું હતું.
ક્રુડ તેલ ઊંચા મથાળેથી ઘટી પ્રતિ બેરલ 110 ડોલર પર ઉતરી આવ્યું
ઈરાન-અમેરિકા વચ્ચેની ભ્રામક શાંતિ
૨૦૨૬ના પૂર્વાર્ધમાં અમેરિકા-ઈરાન વચ્ચેના સંઘર્ષે વૈશ્વિક ઉર્જા સંકટ સર્જ્યું છે. અમેરિકાની નૌકાદળ નાકાબંધી અને ઈરાન દ્વારા હોર્મુઝની ખાડી પરના કડક અંકુશને કારણે તેલના ભાવ આસમાને પહોંચ્યા છે. ઈરાન ડ્રોન હુમલા અને GPS જામિંગ જેવા 'હાઈબ્રિડ વોરફેર'નો ઉપયોગ કરી રહ્યું છે, જેનાથી વીમા પ્રીમિયમમાં ૫૦૦%નો તોતિંગ વધારો થયો છે. ભારત સહિતના દેશો માટે આ આર્થિક પડકાર છે. રાજદ્વારી ગૂંચવણો અને બંને પક્ષોની જીદને લીધે વિશ્વ અર્થતંત્ર પર મંદી અને ફુગાવાનું ગંભીર જોખમ મંડરાઈ રહ્યું છે.
ઈરાન-અમેરિકા વચ્ચેની ભ્રામક શાંતિ
મસ્કના સ્પેસ એક્સને ટક્કર આપશે ગુજરાતના યુવા વૈજ્ઞાનિકો
ગુજરાતની સ્ટાર્ટઅપ કંપની ‘ઓમ સ્પેસ’ દ્વારા ધોલેરા ખાતે રાજ્યના પ્રથમ સાઉન્ડિંગ રોકેટનું સફળ લોન્ચિંગ કરી ઇતિહાસ રચાયો છે. આ કંપની એલન મસ્કની SpaceX ને ટક્કર આપવા દર બીજા દિવસે લોન્ચ થઈ શકે તેવા સ્વદેશી રિયુઝેબલ રોકેટ ‘ઇન્ફિનિટી વન’ પર કામ કરી રહી છે. કાર્બન ફાઈબરથી બનેલા આ હળવા રોકેટ ૨૪ થી ૪૮ કલાકમાં ફરી ઉપયોગમાં લઈ શકાશે. ‘ગુજરાત સ્પેસ પાર્ક’ જેવી સુવિધાઓ સાથે આ પહેલ હેલ્થ, ડિફેન્સ અને કોમ્યુનિકેશન ક્ષેત્રે સેટેલાઇટ લોન્ચિંગની વૈશ્વિક માંગને પહોંચી વળવામાં સીમાચિહ્નરૂપ સાબિત થશે.
મસ્કના સ્પેસ એક્સને ટક્કર આપશે ગુજરાતના યુવા વૈજ્ઞાનિકો
સુરતમાં ભરૂચની 200 વર્ષ જૂની સુજની કલાનું આકર્ષણ.
સુરતમાં વાયબ્રન્ટ ગુજરાત રિજનલ કોન્ફરન્સ 2026માં ભરૂચની 200 વર્ષ જૂની, લુપ્ત થતી સુજની વણાટ કલાનું પ્રદર્શન આકર્ષણનું કેન્દ્ર બન્યું છે. કારીગર મોહમ્મદ મુઝક્કીર સુજનીવાલાના પ્રયાસોથી આ કલાને નવજીવન મળ્યું છે. સરકારના સહયોગ અને વાયબ્રન્ટ ગુજરાત જેવા પ્લેટફોર્મથી આ હસ્તકલાને નવા બજાર અને ગ્રાહકો મળી રહ્યા છે. રેવા સુજની કો-ઓપરેટીવ સોસાયટી દ્વારા આ કલાને જન-જન સુધી પહોંચાડાઈ રહી છે.
સુરતમાં ભરૂચની 200 વર્ષ જૂની સુજની કલાનું આકર્ષણ.
રથ પરથી કાંસાની થાળી પડવાનો ચમત્કાર, ખાવડ ગામનો 800 વર્ષીય ઉત્સવ.
મહેસાણાના ખાવડ ગામમાં 800 વર્ષ જૂનો માંડવી મહોત્સવ ઉજવાયો. વૈશાખ સુદ પૂનમના દિવસે મહાકાળી માતાજીના મંદિરે યોજાયેલા આ મહોત્સવમાં હજારો ભક્તો જોડાયા. પરંપરા મુજબ, 125 કાંસાની થાળીઓથી સજાવેલા રથ પરથી દર વર્ષે એક થાળી ચમત્કારિક રીતે નીચે પડે છે, જેને માતાજીની કૃપા માનવામાં આવે છે. આ ઉત્સવ ગામની શ્રદ્ધા અને સાંસ્કૃતિક વારસાનું પ્રતિક છે.
રથ પરથી કાંસાની થાળી પડવાનો ચમત્કાર, ખાવડ ગામનો 800 વર્ષીય ઉત્સવ.
ઈરાન પર અમેરિકાની હાઇપરસોનિક મિસાઈલ તૈનાતી, તણાવ વધ્યો.
ઈરાનનો શાંતિ પ્લાન અમેરિકાએ ફગાવ્યો, ઇઝરાયેલના સંભવિત હુમલાના સંકેતો મળતા ઈરાને ડિફેન્સ સિસ્ટમ સક્રિય કરી. Trump અને સૈન્ય અધિકારીઓ વચ્ચે 45 મિનિટ ચર્ચા. અમેરિકા ડાર્ક ઇગલ હાઇપરસોનિક મિસાઈલ તૈનાત કરવાની તૈયારીમાં, ઈરાને એર ડિફેન્સ સિસ્ટમ એક્ટિવ કરી, યુદ્ધની શક્યતા.
ઈરાન પર અમેરિકાની હાઇપરસોનિક મિસાઈલ તૈનાતી, તણાવ વધ્યો.
અમેરિકન સંરક્ષણ મંત્રીને સેનેટરનો સવાલ: 'ટ્રમ્પ મેન્ટલી સ્ટેબલ છે?'
ડેમોક્રેટિક સેનેટર સારાનો બેબાક અંદાજ વાયરલ- 'હા' કે 'ના'માં જવાબ આપવાને બદલે હેગસેથે કહ્યું: તમે ચાર વર્ષમાં બાઈડનને આ સવાલ પૂછ્યો હતો?વૉશિંગ્ટન : અમેરિકામાં ઈરાન યુદ્ધના સંદર્ભમાં ડિફેન્સ સેક્રેટરી પેટ હેગસેથને અમેરિકન કોંગ્રેસ સમક્ષ હાજર રહીને જવાબો આપવા પડયા હતા. એમાં તેમને જુદા જુદા અનેક સવાલો થયા હતા, પરંતુ ડેમોક્રેટિક સેનેટરે પૂછેલો સવાલ અને એનો હેગસેેથે આપેલો જવાબ ચર્ચાસ્પદ બન્યા છે.અમેરિકન કોંગ્રેસ સામે સલાહકારોની ટીમ સાથે હાજર થયેલા હેગસેથને સેનેટર્સે અણિયાળા સવાલો પૂછ્યા હતા.
અમેરિકન સંરક્ષણ મંત્રીને સેનેટરનો સવાલ: 'ટ્રમ્પ મેન્ટલી સ્ટેબલ છે?'
વિશ્વનો સૌથી પહોળો અંડરગ્રાઉન્ડ ટનલ!
મહારાષ્ટ્રના સ્થાપના દિવસ 1 મેના રોજ મહત્ત્વાકાંક્ષી મુંબઈ-પુણે મિસિંગ લિંક પ્રોજેક્ટ વાહનો માટે ખુલ્લો મુકાયો. આ પ્રોજેક્ટમાં નવયુગા એન્જિનિયરિંગ દ્વારા વિશ્વનો સૌથી પહોળો અંડરગ્રાઉન્ડ ટનલ બનાવીને બીજી વખત ગિનેસ વર્લ્ડ રેકોર્ડ નોંધાયો છે. આ 13.3 કિમી લાંબો પ્રોજેક્ટ સહ્યાદ્રિ પર્વતમાળાના પડકારજનક ભૂપ્રદેશમાંથી પસાર થાય છે. આ માર્ગ મુસાફરીનો સમય આશરે 30 મિનિટ ઘટાડશે અને ટ્રાફિક ભીડમાં રાહત આપશે. ટનલમાં આધુનિક સુરક્ષા સુવિધાઓનો સમાવેશ કરાયો છે.
વિશ્વનો સૌથી પહોળો અંડરગ્રાઉન્ડ ટનલ!
અમેરિકાથી આવશે અબજો ડોલર!
અમેરિકન રાષ્ટ્રપ્રમુખ ડોનાલ્ડ ટ્રમ્પે અનેક દેશો પર ટેરિફ ઝિંકીને અઢળક નાણાં મેળવી લીધા હતા, જોકે અમેરિકન સુપ્રીમ કોર્ટે ટેરિફને ગેરકાયદેસર જાહેર કરીને ટેરિફ પરત આપી દેવાનો આદેશ કર્યા બાદ હવે રિફંડ કરવાની પ્રક્રિયા આગળ વધી છે. આ પ્રક્રિયા મુજબ હવે ટુંક સમયમાં ભારત સહિતના દેશોના આયાતકારોને રિફંડ મળી જશે. રિપોર્ટ મુજબ, અમેરિકન આંતરરાષ્ટ્રીય વેપાર અદાલતમાં ટેરિફ રિફંડ મામલે અરજી દાખલ કરાઈ હતી, જેમાં કોર્ટના આદેશ મુજબ, પ્રથમ હપ્તાની ચુકવણી લગભગ 11 મેથી શરૂ થવાની આશા છે.
અમેરિકાથી આવશે અબજો ડોલર!
ભારતીયો માટે એપલ લાવશે સસ્તી પ્રોડક્ટ્સ? ટિમ કુકે કહ્યું- હું અત્યંત ઉત્સાહિત છું
એપલના CEO ટિમ કુકે ભારતીય બજારને કંપની માટે અત્યંત મહત્વપૂર્ણ ગણાવતા પ્રબળ ઉત્સાહ વ્યક્ત કર્યો છે. તાજેતરના ત્રિમાસિક પરિણામો બાદ તેમણે જણાવ્યું કે ભારતની ઝડપથી વધતી મધ્યવર્ગીય વસ્તી અને એપલ પ્રોડક્ટ્સની વધતી માંગ લાંબા ગાળાની મોટી તકો પૂરી પાડે છે. માર્ચ ત્રિમાસિકમાં ભારતે ડબલ-ડિજિટ વૃદ્ધિ સાથે શાનદાર પ્રદર્શન કર્યું છે. ટિમ કુકના મતે, વૈશ્વિક સ્તરે ભારત એક મુખ્ય માર્કેટ તરીકે ઉભરી રહ્યું છે, જે આગામી સમયમાં એપલના વ્યવસાયિક વિસ્તરણ માટે નિર્ણાયક ભૂમિકા ભજવશે.
ભારતીયો માટે એપલ લાવશે સસ્તી પ્રોડક્ટ્સ? ટિમ કુકે કહ્યું- હું અત્યંત ઉત્સાહિત છું
ઈરાન પર ફરી મોટા હુમલાની તૈયારી? અમેરિકાએ 24 કલાકમાં ઈઝરાયલ મોકલ્યા 6500 ટન વિસ્ફોટક
અમેરિકા-ઈરાન વચ્ચે ફરી મહાયુદ્ધ થવાના ભણકારા વાગી રહ્યા છે. અમેરિકાના રાષ્ટ્રપ્રમુખ ડોનાલ્ડ ટ્રમ્પ ઈરાન પર હુમલા કરવાની તૈયારીમાં હોવાની વિગતો સામે આવી છે. રિપોર્ટ મુજબ, અમેરિકી સેન્ટ્રલ કમાન્ડના કમાન્ડર બ્રેડ કૂપર અને જોઇન્ટ ચીફના ચેરમેને ટ્રમ્પ સાથે લગભગ 45 મિનિટ સુધી વાતચીત કરી છે, જેમાં ઈરાન પર હુમલા માટે ત્રણ યોજના તૈયાર હોવાની ટ્રમ્પને માહિતી આપી છે, તેવો એક્સિઓસે દાવો કર્યો છે. ‘ધ ઈઝરાયલ ટાઇમ્સ’ અને ‘ધ જેરુસલેમ પોસ્ટે’ના રિપોર્ટના દાવા મુજબ અમેરિકાએ માત્ર 24 કલાકમાં ઈઝરાયેલને આશરે 6,500 ટન દારૂગોળો અને સૈન્ય સાધન-સામગ્રી મોકલી છે.
ઈરાન પર ફરી મોટા હુમલાની તૈયારી? અમેરિકાએ 24 કલાકમાં ઈઝરાયલ મોકલ્યા 6500 ટન વિસ્ફોટક
સુરતમાં દેશની પ્રથમ ‘બેરિયરલેસ’ ટોલ સિસ્ટમ શરૂ
પરિવહન અને ટેકનોલોજી ક્ષેત્રે સુરત શહેરે વધુ એક સિદ્ધિ હાંસલ કરી છે. ભારતનો સૌપ્રથમ બહુપ્રતિક્ષિત 'બેરિયરલેસ' ટોલ પ્લાઝા આજથી એટલે કે પહેલી મેથી સુરતમાં કાર્યરત થઈ ગયો છે. આ નવી ટેકનોલોજીના અમલીકરણ સાથે હવે વાહનચાલકોએ ટોલ ટેક્સ ભરવા માટે લાંબી કતારોમાં ઊભા રહેવાની જરૂર પડશે નહીં. સુરત અને ભરૂચ વચ્ચે આવેલા મુંબઈ-દિલ્હી હાઈવે (NH48) પર છેલ્લા બે મહિનાથી આ આધુનિક સિસ્ટમનું ટ્રાયલ ચાલી રહ્યું હતું. NHAI દ્વારા ફેબ્રુઆરી મહિનાથી શરૂ કરાયેલ ટેસ્ટિંગ સફળ રહેતા હવે સુરતના કામરેજ પાસે આ સુવિધાને આખરી ઓપ આપીને શરૂ કરી દેવામાં આવી છે.
સુરતમાં દેશની પ્રથમ ‘બેરિયરલેસ’ ટોલ સિસ્ટમ શરૂ
PM, CM, મંત્રી, નેતા કે અધિકારી...તમામની સંપત્તિ તપાસાશે, નેપાળમાં બાલેન શાહનો માસ્ટરસ્ટ્રોક
નેપાળની બાલેન શાહ સરકારે ભ્રષ્ટાચારીઓ સામે અત્યાર સુધીનો સૌથી મોટો પ્રહાર કરતા 'સંપત્તિ તપાસ પંચ' (Property Investigation Commission) ની રચના કરી છે. આ પંચ દ્વારા વર્તમાન અને પૂર્વ વડાપ્રધાન, મંત્રીઓ, સાંસદો અને ઉચ્ચ સરકારી અધિકારીઓની સંપત્તિની ઝીણવટભરી તપાસ કરવામાં આવશે. સુપ્રીમ કોર્ટના નિવૃત્ત જસ્ટિસ રાજેન્દ્ર કુમાર ભંડારીના અધ્યક્ષપદ હેઠળ પાંચ સભ્યોના પંચની રચના કરવામાં આવી છે. પંચે શુક્રવારથી વિધિવત કામગીરી શરૂ કરી દીધી છે. આ પંચનો કાર્યકાળ એક વર્ષનો રહેશે અને તે તબક્કાવાર રીતે પોતાનો રિપોર્ટ સોંપશે.
PM, CM, મંત્રી, નેતા કે અધિકારી...તમામની સંપત્તિ તપાસાશે, નેપાળમાં બાલેન શાહનો માસ્ટરસ્ટ્રોક
ટ્રમ્પનો માસ્ટર પ્લાન તૈયાર! ઈરાન પર થશે 'નાનો પણ ઘાતક' હુમલો!
અમેરિકન સેન્ટ્રલ કમાન્ડ (CENTCOM) મધ્ય એશિયામાં ઈરાન વિરુદ્ધ સંભવિત સૈન્ય કાર્યવાહી માટે સજ્જ થઈ રહ્યું છે. ગાઈડેડ-મિસાઈલ ડિસ્ટ્રોયર 'યુએસએસ ડેલબર્ટ ડી બ્લેક' પર ઈંધણ અને આધુનિક હથિયારોનો પુરવઠો લોડ કરવાની કામગીરી પૂરજોશમાં ચાલી રહી છે. પ્રમુખ ડોનાલ્ડ ટ્રમ્પ અને એડમિરલ બ્રૅડ કૂપર વચ્ચેની બેઠકમાં ઈરાનના મહત્વના ઈન્ફ્રાસ્ટ્રક્ચર પર 'ડાર્ક ઈગલ' જેવી હાઈપરસોનિક મિસાઈલો દ્વારા શક્તિશાળી હુમલાના વિકલ્પો પર ચર્ચા થઈ છે. અમેરિકી નૌસેના કોઈપણ સ્થિતિનો સામનો કરવા અને લાંબા ગાળાના મિશન માટે પોતાની સૈન્ય તાકાત તહેનાત કરી રહી છે.
ટ્રમ્પનો માસ્ટર પ્લાન તૈયાર! ઈરાન પર થશે 'નાનો પણ ઘાતક' હુમલો!
મ્યાનમારના નેતા આંગ સાન સૂ કી જેલમુક્ત, ઘરમાં જ નજરકેદ રહેશે!
મ્યાનમારના સૈન્ય શાસને સ્ટેટ કાઉન્સિલર આંગ સાન સૂ કીને જેલમાંથી મુક્ત કરીને હવે નજરકેદ (હાઉસ અરેસ્ટ)માં રાખવાનો નિર્ણય કર્યો છે. મ્યાનમારના માહિતી મંત્રાલયે આ અંગે સ્પષ્ટતા કરી છે કે, નૈ પિ તાવ જેલમાં સજા કાપી રહેલા 80 વર્ષીય સૂ કીની બાકીની સજાને હવે નજરકેદમાં ફેરવવામાં આવી છે. 80 વર્ષની વયે તેમની નબળી શારીરિક સ્થિતિ અને બૌદ્ધ ધર્મના પવિત્ર દિવસ 'કસૌન પૂર્ણિમા'ને ધ્યાનમાં રાખીને માનવતાના ધોરણે આ નિર્ણય લેવામાં આવ્યો હોવાનું મંત્રાલયે જણાવ્યું છે.
મ્યાનમારના નેતા આંગ સાન સૂ કી જેલમુક્ત, ઘરમાં જ નજરકેદ રહેશે!
Instagram પર રીપોસ્ટિંગ કરો છો? નવા નિયમોને કારણે મળશે ઓછા વ્યૂઝ!
nstagramએ કન્ટેન્ટ એગ્રીગેટર્સ એટલે કે એવા એકાઉન્ટ્સ જે વારંવાર પોતે બનાવેલા વગરનું કન્ટેન્ટ રીપોસ્ટ કરે છે અથવા મુખ્યત્વે અન્ય લોકોનું કામ ફોટો અને કેરોસેલ રૂપે શેર કરે છે એ યુઝર્સ માટે મોટો પોલિસી બદલાવ જાહેર કર્યો છે. Metaની માલિકી હેઠળના આ પ્લેટફોર્મે જણાવ્યું છે કે આવા એકાઉન્ટ્સ હવે એપમાં રેકમેન્ડેશન માટે પાત્ર રહેશે નહીં. Instagramએ સ્પષ્ટ કર્યું છે કે ઓછા પ્રયત્નથી કરેલા ફેરફારો જેમ કે વોટરમાર્ક ઉમેરવું અથવા વીડિયોની સ્પીડ બદલવી એને મૂળ કન્ટેન્ટ તરીકે ગણાશે નહીં. એ જ રીતે અન્ય વ્યક્તિના પોસ્ટનો સ્ક્રીનશોટ લઈને તેનો યુઝરનેમ દેખાડીને પોસ્ટ કરવાથી પણ તે મૂળ ગણાશે નહીં.
Instagram પર રીપોસ્ટિંગ કરો છો? નવા નિયમોને કારણે મળશે ઓછા વ્યૂઝ!
અટારી બોર્ડર સેરેમનીનો સમય બદલાયો, 6 થી 6:30 સુધી થશે.
અમૃતસર સ્થિત અટારી બોર્ડર પર પ્રસિદ્ધ રિટ્રીટ સેરેમનીનો સમય બદલાયો છે. હવે તે સાંજે 6 થી 6:30 વાગ્યા સુધી ચાલશે. હવામાન અને પ્રકાશને ધ્યાનમાં રાખીને આ નિર્ણય લેવાયો છે. દર્શકોને સારો અનુભવ અને સુરક્ષા માટે આ ફેરફાર જરૂરી હતો. દેશભક્તિથી ભરપૂર આ સેરેમની જોવા હજારો લોકો આવે છે. આ નવો સમય 1 મેથી લાગુ કરાયો છે.
અટારી બોર્ડર સેરેમનીનો સમય બદલાયો, 6 થી 6:30 સુધી થશે.
પાકિસ્તાની મંત્રીની ભારત પ્રશંસા
ઈરાન-ઈઝરાયેલ તણાવ વચ્ચે પાકિસ્તાનના મંત્રીએ ભારતની આર્થિક મજબૂતી અને Strategic Reserves ની પ્રશંસા કરી. ભારતે 60-70 દિવસનો ભંડાર રાખ્યો છે, જ્યારે પાકિસ્તાન 5-7 દિવસ ચાલે તેટલો જ ધરાવે છે. ભારત IMF ના દબાણ હેઠળ નથી, જ્યારે પાકિસ્તાન દેવું ઘટાડવા ટેક્સ લાદવા મજબૂર છે. પાકિસ્તાની મંત્રીએ વધુમાં ઉમેર્યું કે ભારત પાસે $600 બિલિયનથી વધુનો વિદેશી મુદ્રા ભંડાર છે, જેણે તેને અનેક દેશો પાસેથી તેલ ખરીદવાની શક્તિ આપી છે.