વૈશ્વિક ભૌગોલિક-રાજકીય તણાવ અને દરિયાઈ સુરક્ષા જોખમો વચ્ચે ભારત માટે રાહતના સમાચાર આવ્યા છે. માર્શલ આઇલેન્ડ્સનો ધ્વજ ધરાવતું ‘સિમી’ નામનું વિશાળ LPG ટેન્કર સુરક્ષિત રીતે સ્ટ્રેટ ઓફ હોર્મુઝ પાર કરીને ગુજરાતના કંડલાના દીનદયાલ પોર્ટ પર પહોંચી ગયું છે. આ જહાજ આશરે 20,000 મેટ્રિક ટન રાંધણ ગેસ લઈને આવ્યું છે અને તેમાં 21 વિદેશી ક્રૂ મેમ્બર્સ સવાર છે. 13 મેના રોજ હોર્મુઝ જળમાર્ગ પાર કર્યા બાદ જહાજ કોઈ અવરોધ વગર કંડલા પહોંચ્યું હતું, જ્યારે સમગ્ર મુસાફરી દરમિયાન તેની સુરક્ષા પર સતત નજર રાખવામાં આવી રહી હતી.