અમેરિકાના પ્રતિબંધોની છૂટ સમાપ્ત થયા બાદ પણ ભારત રશિયા પાસેથી ક્રૂડ ઓઇલની આયાત ચાલુ રાખશે. પેટ્રોલિયમ મંત્રાલયના સંયુક્ત સચિવ સુજાતા શર્માએ જણાવ્યું હતું કે આયાત યોજના પર કોઈ અસર નહીં થાય. વૈશ્વિક પુરવઠાને સ્થિર કરવા માટે, યુએસ ટ્રેઝરી વિભાગે સમુદ્રમાં ફસાયેલા રશિયન તેલના જહાજોમાંથી તેલ ખરીદવા માટે 30 દિવસનું અસ્થાયી લાઇસન્સ આપ્યું છે. આનાથી ઊર્જા-સંવેદનશીલ દેશોને રાહત મળશે. ભારતે મે મહિનામાં રેકોર્ડ 23 લાખ બેરલ પ્રતિ દિવસ ક્રૂડ ઓઇલની આયાત કરી.

ભારત તેની ભવ્ય અને વિશાળ સાંસ્કૃતિક તેમજ ધાર્મિક વિવિધતા માટે સમગ્ર વિશ્વમાં એક વિશેષ ઓળખ ધરાવે છે. દેશની અસંખ્ય પરંપરાઓમાં કેટલાક એવા અનોખા ગામડાઓ અને નગરો છે જે કડક શાકાહારી જીવનશૈલીનું પાલન કરે છે. આ તમામ પવિત્ર સ્થળોએ માંસ, માછલી, ઈંડા અને દારૂ જેવા માદક દ્રવ્યોનું સેવન સામાજિક કે કાયદેસર રીતે સંપૂર્ણ નિષિદ્ધ છે.

શુભેન્દુ અધિકારી સરકારે ગેરકાયદેસર પ્રવાસીઓને દેશ બહાર મોકલવાની કાર્યવાહી શરૂ કરવાની જાહેરાત કરી છે. મતદાર યાદીમાંથી તેમની ઓળખ અને ડિલીશન પ્રક્રિયા પૂર્ણ થઈ ચૂકી છે. TMC શાસનમાં વસ્તી ગણતરીમાં થયેલા વિલંબ અંગે પણ ઉલ્લેખ કર્યો. વિપક્ષ અને બાંગ્લાદેશના તત્વો પર પ્રહારો કરતા સુરક્ષા પર ભાર મૂક્યો. ભ્રષ્ટાચાર વિરૂદ્ધ પણ કડક પગલાં લેવાશે, ચાર અગ્રણીઓ સામે કાનૂની તપાસના આદેશ. કાયદો અને વ્યવસ્થા જાળવવા પર ભાર.

રાજકોટના જાગનાથ પ્લોટમાં ગઈકાલે બે મોટરસાયકલ વચ્ચે ગમખ્વાર અકસ્માત સર્જાયો. આ ઘટના CCTVમાં કેદ થઈ ગઈ છે, જેમાં બંને બાઇક સવારો રોડ પર ફંગોળાયા હતા. સદનસીબે કોઈ જાનહાનિ નથી, પરંતુ વાહનચાલકોને ઇજાઓ પહોંચી છે. રહીશોએ અકસ્માતો રોકવા સ્પીડ બ્રેકર મૂકવા મનપાને રજૂઆત કરી છે.

મોરબી માળિયા હાઇવે પર રવિરાજ ચોકડી પાસે એલસીબી ટીમે દારૂ ભરેલી રિક્ષા ઝડપી પાડી. જુદી જુદી બ્રાન્ડની 2448 બોટલ દારૂ, રિક્ષા અને મોબાઈલ ફોન સહિત 5.88 લાખનો મુદ્દામાલ જપ્ત. સમીરશા ઉર્ફે ટીનોની ધરપકડ, અવેશભાઈ અને સલીમભાઈના નામ પણ ખુલ્યા. ફરાર બે આરોપીઓને પકડવા તપાસ ચાલુ.

ડાંગના પૂર્વ પટ્ટીના જંગલમાં દાવાનળ ફાટી નીકળ્યો. સૂકા પાંદડા અને પવનથી આગ પ્રસરી, મોટા વિસ્તારને ઝપેટમાં લીધો. સ્થાનિકો અને વનકર્મીઓએ સાથે મળી ઝાડના ડાખરા વડે આગ બુઝાવી. આધુનિક સાધનોના અભાવે પરંપરાગત પદ્ધતિ અપનાવી, ભારે જહેમત બાદ આગ પર કાબૂ મેળવ્યો.

સુરતમાં સાઈદર્શન માર્કેટના વેપારી નિતેશ અગ્રવાલે દલાલો સાથે મળી 19 વેપારીઓ પાસેથી સાડી, એમ્બ્રોઇડરી, ડાયમંડ સ્ટોન વર્ક અને સિલાઈનો માલ પડાવી લીધો. તેણે 48.06 લાખનું એમ્બ્રોઈડરી જોબવર્ક કરાવી પેમેન્ટના વાયદા કર્યા. દુકાન બંધ કરી મોબાઈલ સ્વિચ ઓફ કરી રફુચક્કર થઈ જતા વેપારીઓના 1.41 કરોડ રૂપિયા સલવાયા. અમરોલી પોલીસે ગુનો નોંધી તપાસ હાથ ધરી છે.

ભારતીય શેરબજારમાં સકારાત્મક શરૂઆત, સેન્સેક્સ 308.45 પોઇન્ટ વધી 75,623.49 અને નિફ્ટી 102.30 પોઇન્ટ વધી 23,752 પર ખુલ્યો. વૈશ્વિક બજારોમાંથી મિશ્ર સંકેતો મળ્યા. તેલના ભાવમાં ઘટાડો, જાપાનનો GDP વધ્યો, અને યુએસ-ઈરાન તણાવ ઘટવાથી બજારને રાહત.

પૂજ્ય ડૉ. નિરંજનમુનિજી અને પૂજ્ય ચેતનમુનિજી મુંબઈ ચાતુર્માસ પૂર્ણ કરી લીંબડી ગુરુગાદી પર પરત ફર્યા. સુરેન્દ્રનગરના પાંચ શ્રાવકોએ લીંબડી સુધી પદયાત્રા કરી ગુરુભક્તિ વ્યક્ત કરી, જેની જૈન સમાજમાં પ્રશંસા થઈ.

આજ એટલે કે મંગળવાર, 19 મેના રોજ સેન્સેક્સ 400 પોઈન્ટના ઉછાળા સાથે 75,700 પર કારોબાર કરી રહ્યો છે. નિફ્ટીમાં પણ 100 પોઈન્ટનો ઉછાળો છે, તે 23,750ના સ્તરે પહોંચી ગયો છે. આજના કારોબારમાં નિફ્ટી આઈટીમાં સૌથી વધુ ખરીદી જોવા મળી રહી છે, જ્યારે નિફ્ટી પ્રાઈવેટ બેંકના શેરોમાં સૌથી વધુ વેચવાલી છે. એશિયન બજારોમાં મિશ્ર કારોબાર અમેરિકી બજારો પણ મિશ્ર કારોબાર સાથે બંધ થયા વિદેશી રોકાણકારોએ ગઈકાલે ₹1329 કરોડના શેર ખરીદ્યા સેન્સેક્સ 1000 અંક ઘટ્યા બાદ રિકવર થઈને બંધ થયો હતો

જામનગર ડેન્ટલ કોલેજમાં કરોડો રૂપિયાનું નાણાકીય કૌભાંડ સામે આવ્યું છે. એક કર્મચારીએ સરકારી નાણાં અંગત ખાતામાં ટ્રાન્સફર કર્યા. ડીન ડો. નયના પટેલની ફરિયાદ પર સીટી 'બી' ડિવિઝન પોલીસ તપાસ કરી રહી છે. DYSP અને PI સ્ટાફ સહિત ઉચ્ચ અધિકારીઓ આ કેસની ઊંડાણપૂર્વક તપાસ કરી રહ્યા છે, શંકાસ્પદ કર્મચારીની પૂછપરછ અને બેંક સ્ટેટમેન્ટ્સ ચકાસવામાં આવી રહ્યા છે.

2008ના ચકચારી હત્યાકેસમાં પુરાવાનો નાશ કરવા બદલ બારડોલીના તત્કાલીન PI અને પોલીસ કોન્સ્ટેબલને એક વર્ષની કેદ અને ₹10,000 દંડ ફટકારાયો. કોર્ટે ફરજમાં બેદરકારી બદલ આ સજા ફરમાવી. ASIનું મૃત્યુ થયું છે.

આંતરરાષ્ટ્રીય ક્રૂડ ઓઇલના ભાવ વધારાને કારણે Petrol-Dieselના દરોમાં ફરી વધારો થયો છે. છેલ્લા પાંચ દિવસમાં આ બીજી વૃદ્ધિ છે. 2022ની જેમ ભાવ વધવાની ચિંતા છે. મહાનગરોમાં Petrol ₹98.64 થી ₹109.70 અને Diesel ₹91.58 થી ₹96.11 થયું છે. મધ્ય પૂર્વના તણાવને કારણે તેલ સંકટ ઘેરું બન્યું છે.

ભાવનગર LCBએ ડ્રોન કેમેરાની મદદથી મોતીતળાવ પાસે જુગાર રમતા 6 શખ્સોને રંગેહાથ ઝડપી લીધા. તેમની પાસેથી ₹36,700 રોકડ, mobile ફોન અને જુગાર રમવાના સાધનો જપ્ત કરાયા. તમામ વિરુદ્ધ જુગારધારા હેઠળ ગુનો નોંધી આગળની કાર્યવાહી માટે પોલીસ મથકે સોંપાયા.

ગુજરાતમાં ગરમીથી રાહત મળવાના સંકેત છે. હવામાન વિભાગની આગાહી મુજબ, આજથી તાપમાનમાં એકથી બે ડિગ્રીનો ઘટાડો થશે. પવનોની દિશા બદલાતા રાહત મળશે. સૌરાષ્ટ્ર-કચ્છમાં ગરમીનું મોજુ ફરી વળ્યું છે, અને આવતીકાલથી તાપમાનમાં બે ડિગ્રીનો ઘટાડો થવાની શક્યતા છે. અમરેલી, સુરેન્દ્રનગર, રાજકોટમાં ગરમીનો પારો 42-43 ડિગ્રીએ પહોંચ્યો હતો. સુરેન્દ્રનગરમાં સર્વાધિક 43.3 ડિગ્રી તાપમાન નોંધાયું. સાયક્લોનિક સર્ક્યુલેશન સક્રિય થતાં ચોમાસા માટે સ્થિતિ સાનુકૂળ બની રહી છે, જેનાથી આગામી દિવસોમાં પ્રિ-મોન્સૂન એક્ટિવિટી જોર પકડી શકે છે.

US જસ્ટિસ ડિપાર્ટમેન્ટ અને ટ્રમ્પ વહીવટીતંત્રે Adani Group સામેના કાનૂની વિવાદો પાછા ખેંચતા, $10 બિલિયનના વિશાળ રોકાણનો માર્ગ મોકળો થયો છે. આનાથી ઈન્ફ્રાસ્ટ્રક્ચર, એનર્જી, લોજિસ્ટિક્સ અને ડેવલપમેન્ટ ક્ષેત્રે વિસ્તરણને નવી દિશા મળશે. U.S. Securities and Exchange Commission સાથે પણ પારદર્શક સમજૂતીની પ્રક્રિયા ચાલી રહી છે.

મહેસાણાના દીતાસણ ગામ પંચાયતના તલાટી કમ મંત્રી પર વિધવા પેન્શન બાબતે પૂછપરછ કરવા આવેલા યુવકે 10 મિનિટ બેસવા કહેતાં ઉશ્કેરાઈ ગાડીના કાચ તોડી નાખ્યા. ત્યારબાદ તલાટી અને સ્ટાફને જાનથી મારી નાખવાની ધમકી આપી. આ અંગે લાઘણજ પોલીસ મથકમાં ફરિયાદ નોંધાઈ છે.

IPL 2026માં SRH એ CSK ને 5 વિકેટે હરાવ્યું. CSK એ 180 રન બનાવ્યા, SRH એ ક્લાસન, અભિષેકની મદદથી જીત મેળવી. ધોનીએ ટીમ સાથે ફોટોશૂટ કરાવ્યું. ક્લાસેન 58 ઇનિંગ્સમાં 2000 IPL રન, ગાયકવાડે ચેપોકમાં 1000 IPL રન પૂરા કર્યા.

પાટણ નગરપાલિકાએ ઐતિહાસિક પિતાંબર તળાવ ફરતે થયેલા 104 ગેરકાયદેસર દબાણોને ચોમાસા પૂર્વે 15 દિવસમાં હટાવવા નોટિસ ફટકારી છે. ગંદા પાણી અને પૂરની સંભવિત સ્થિતિને ધ્યાનમાં રાખીને, તંત્રએ કડક પગલાં લીધા છે. દબાણકર્તાઓએ 15 દિવસમાં સ્થળાંતર કરવું પડશે, અન્યથા બુલડોઝર ફેરવાશે.

BJP mayor selection: સ્થાનિક સ્વરાજ્યની ચૂંટણીના પરિણામને ત્રણ સપ્તાહનો સમય વીત્યો છે ત્યારે હજુય નગરપાલિકા અને મ્યુનિસિપલ કોર્પોરેશનમાં ભાજપ હજુ મેયર, ડેપ્યુટી મેયર, સ્ટેન્ડિંગ કમિટીના ચેરમેનની પસંદગી કરી શક્યું નથી. નવા પદાધિકારીઓની પસંદગીને લઈને ભાજપમાં મથામણ જામી છે. એટલું જ નહીં, મેયર સહિતના પદાધિકારીઓના નામની સત્તાવાર જાહેરાત માટે હજુ બે-ચાર દિવસની રાહ જોવી પડે તેમ છે.ચૂંટણીમાં ભાજપનો દબદબોસ્થાનિક સ્વરાજ્યની ચૂંટણીમાં ભાજપે જોરદાર દેખાવ કર્યો છે.

અમેરિકાના કેલિફોર્નિયામાં ઇસ્લામિક સેન્ટરમાં બે કિશોર હુમલાખોરોએ ગોળીબાર કરતાં 3 લોકોના મોત થયા. હુમલાખોરોએ બાદમાં આત્મહત્યા કરી લીધી. માતાએ પોલીસને જાણ કરી હતી. આ ઘટનાને 'હેટ ક્રાઇમ' તરીકે તપાસવામાં આવી રહી છે.

ઈરાને હોર્મુઝ સ્ટ્રેટ પર નિયંત્રણ કડક કર્યું, હવે પરવાનગી અને કરોડોની ફી વિના જહાજો પસાર નહીં થાય. 'પર્સિયન ગલ્ફ સ્ટ્રેટ ઓથોરિટી' (PGSA) દ્વારા નવી પરમિટ સિસ્ટમ લાગુ કરાઈ, જેમાં જહાજની વિગતો, વીમો, ક્રૂ, કાર્ગો અને રૂટ શેર કરવા પડશે. ફી યુઆનમાં વસૂલાશે, જે $2 મિલિયન પ્રતિ સફર સુધીની હોઈ શકે છે. આ પગલાંથી વૈશ્વિક વેપારમાં તણાવ વધ્યો છે.

વન નેશન વન ઈલેક્શન માટે બંધારણીય સુધારાનો અભ્યાસ કરતી JPC, કર્ણાટકથી આવીને ગુજરાતમાં ત્રણ દિવસ રોકાશે. તેઓ રાજ્યના મુખ્ય સચિવ, પોલીસ વડા, CM ભૂપેન્દ્ર પટેલ, વિધાનસભાના અધ્યક્ષ, રાજકીય આગેવાનો, કાયદાવિદો અને પત્રકારો સાથે ચર્ચા કરશે.

ઋષિકેશમાં શન્ટિંગ કામગીરી દરમિયાન ઉજ્જૈની એક્સપ્રેસના એન્જિન અને અનેક કોચ પાટા પરથી ઉતરી ગયા. ખાલી કોચ નિયંત્રણ બહાર જઈ થાંભલા સાથે અથડાયો, પરંતુ સદભાગ્યે કોઈ મુસાફરને ઈજા થઈ નથી. આ ઘટના રેલ્વેની સુરક્ષા પ્રણાલી પર સવાલો ઉભા કરે છે.

આજે અસારવા-સાબરમતી વચ્ચે ટ્રેક કામગીરી છે. આ કારણે, મેમુ ટ્રેનો નરોડા સુધી જશે/આવશે. ટ્રેન 69246, 69243, 69252 બદલાયા છે. કાનપુર સ્પેશિયલ (01906) 2 કલાક મોડી, સવારે 10:55 વાગ્યે ઉપડશે. મુસાફરોને નોંધ લેવા વિનંતી.

આગામી દિવસોમાં Delhi, Haryana, Rajasthan, UP અને MP સહિત અનેક રાજ્યોમાં હીટવેવ રહેશે. તાપમાન 45 ડિગ્રી પાર જશે, લૂનો પ્રકોપ વધશે. બાળકો, વૃદ્ધો માટે જોખમી. બહાર નીકળતી વખતે સાવચેતી રાખો.

ઓનલાઇન દવાનું વેચાણ સહિતના પ્રશ્નો યથાવતવારંવાર રજુઆતો છતાં ગંભીર પ્રશ્નો પર કોઈ ઠોસ કાર્યવાહી ન થતા દવાના વેપારીઓમાં ભારે રોષભાવનગર  - દેશભરના દવાના વેપારીઓના અસ્તિત્વ અને જન આરોગ્યની સુરક્ષા માટે આગામી તા.૨૦ મે ના રોજ રાષ્ટ્રવ્યાપી બંધનું એલાન અપાયુ છે.  ઓનલાઈન ફાર્મસીની અનિયંત્રીત કામગીરી અને શોષણકારી ભાવની નીતિ સામે રસ્તા પર ભાવનગર અને બોટાદ જિલ્લાના કેમીસ્ટસ રસ્તા પર  ઉતરશે. ગેરકાયદેસર ઈ-ફાર્મસી અને ડીપ ડિસ્કાઉન્ટના કારણે ૫ કરોડ આશ્રિતોની રોજીરોટી પર સંકટ છવાઈ જવા પામેલ છે.

મહુવા, પાલિતાણા અને વલ્લભીપુરનગરપાલિકામાં ભાજપને બહુમતી સાધારણસભામાં ભાજપના પ્રમુખ અને ઉપપ્રમુખના નામ જાહેર કરાશે ઃ પ્રમુખ-ઉપપ્રમુખના નામ જાણવાકાર્યકરો ઉત્સુકભાવનગર - 

સુરતમાં ટ્રાફિક સમસ્યા અને અકસ્માતો રોકવા જાહેરનામાનો કડક અમલ. લસકાણા પોલીસે પ્રતિબંધિત સમયે શહેરમાં પ્રવેશતા 22 ટ્રક-ડમ્પર સામે ગુનો નોંધી, જાહેરનામા ભંગ બદલ વાહનો ડિટેઈન કર્યા. ભારે વાહનોના ચાલકો સામે IPC અને Motor Vehicle Act હેઠળ કાર્યવાહી. નિયમોનું ઉલ્લંઘન કરનારાઓ સામે પોલીસની ઝુંબેશ ચાલુ રહેશે.

ગુજરાતમાં EV માર્કેટમાં સબસિડી બંધ થતાં અને ચાર્જિંગ સ્ટેશનોના અભાવે રજિસ્ટ્રેશન ઘટ્યું છે. ગ્રાહકો બેટરી બ્લાસ્ટના ડરથી ઇલેક્ટ્રિક વાહનો ખરીદવામાં ખચકાય છે. RTO આંકડા મુજબ ટુ-વ્હીલર અને કારના વેચાણમાં નોંધપાત્ર ઘટાડો થયો છે, જ્યારે અમુક RTOમાં કારના વેચાણમાં વધારો પણ જોવા મળ્યો છે. ડીલરો તાત્કાલિક સરકારી સબસિડીની માંગ કરી રહ્યા છે.