ICC ક્રિકેટના નિયમોમાં મોટા ફેરફારો લાવવાની તૈયારી કરી રહ્યું છે. નવા પ્રસ્તાવ મુજબ ટેસ્ટ મેચમાં ઓછી રોશની દરમિયાન લાલ બોલની જગ્યાએ ગુલાબી બોલનો ઉપયોગ થઈ શકે છે. વનડેમાં હેડ કોચને ડ્રિન્ક્સ બ્રેક દરમિયાન મેદાન પર જઈ વ્યૂહરચના બનાવવાની છૂટ આપવામાં આવી શકે છે. T20 ક્રિકેટમાં ઇનિંગ્સ વચ્ચેનો બ્રેક 20 મિનિટથી ઘટાડીને 15 મિનિટ કરવાનો વિચાર છે. ઉપરાંત Hawk-Eye ટેક્નોલોજીથી લાઈવ મેચ દરમિયાન જ શંકાસ્પદ બોલિંગ એક્શન પર કાર્યવાહી શક્ય બનશે. આ નિયમો પર 30 મેની અમદાવાદ બેઠકમાં ચર્ચા થશે.

ઇન્ડિયન પ્રીમિયર લીગ 2026 માં સનરાઇઝર્સ હૈદરાબાદ (SRH) ના યુવા બોલર સાકિબ હુસૈને ક્રિકેટ જગતમાં ધૂમ મચાવી છે. પોતાની ડેબ્યૂ મેચથી લઈને અત્યાર સુધી રમેલી તમામ 10 લીગ મેચોમાં સતત વિકેટ ઝડપીને તેણે IPL ના ઇતિહાસમાં એક અનોખો રેકોર્ડ બનાવ્યો છે. આ કારનામું કરનારો તે વિશ્વનો પ્રથમ બોલર બન્યો છે. સાકિબે આ સીઝનમાં કુલ 15 વિકેટ ઝડપી છે, જે ટીમના પ્લેઓફમાં પહોંચવામાં મદદરૂપ થયું છે.

હરિયાણાના ફરીદાબાદમાં એક આશાસ્પદ સ્ટેટ લેવલ બેડમિન્ટન ખેલાડીની પ્રેમ પ્રકરણમાં ક્રૂર હત્યાનો ચોંકાવનારો કિસ્સો સામે આવ્યો છે. કથિત રીતે સગીર પ્રેમિકાના પરિવારે 21 વર્ષીય મોનુનું અપહરણ કરી ત્રણ દિવસ સુધી બંધક બનાવીને ગોંધી રાખ્યો હતો અને બેરહેમીથી માર માર્યો હતો. ગંભીર ઈજાઓ સાથે હોસ્પિટલમાં દાખલ કરાયેલા મોનુનું સારવાર દરમિયાન મોત નીપજ્યું. પોલીસે ગુનો નોંધી બે આરોપીઓની ધરપકડ કરી વધુ તપાસ હાથ ધરી છે.

IPL 2026 માં રોયલ ચેલેન્જર્સ બેંગ્લોર (RCB) અને સનરાઇઝર્સ હૈદરાબાદ વચ્ચેની મેચ દરમિયાન વિરાટ કોહલી અને ટ્રેવિસ હેડ વચ્ચે મેદાન પર બોલાચાલી થઈ, જેણે બધાનું ધ્યાન ખેંચ્યું. મેચ પછી બંને ખેલાડીઓએ હાથ પણ ન મિલાવ્યા. હૈદરાબાદે 55 રનથી જીતીને IPL 2026 માં એક સિઝનમાં સૌથી વધુ 9મી વખત 200+ સ્કોર બનાવવાનો રેકોર્ડ બનાવ્યો. વિરાટ કોહલી T20 માં 211મી વખત ફિફ્ટી પાર્ટનરશિપમાં સામેલ થયો. આ મેચ અનેક રેકોર્ડ્સ અને યાદગાર ક્ષણોની સાક્ષી બની.

IPL 2026 માં RCB અને SRH વચ્ચે રમાયેલ હાઈ-વોલ્ટેજ મેચમાં વિરાટ કોહલી અને ટ્રેવિસ હેડ વચ્ચે ગરમાગરમ બોલાચાલી અને 'શીત યુદ્ધ'એ બધાનું ધ્યાન ખેંચ્યું. આ ઘટનાએ સોશિયલ મીડિયા પર ભારે ચર્ચા જગાવી. મેચના અંતે બંને ખેલાડીઓએ એકબીજા સાથે હાથ પણ ન મિલાવ્યા હોવાના વીડિયો વાઇરલ થતાં વિવાદ વધુ ઘેરો બન્યો અને ચાહકો વચ્ચે પણ ચર્ચાનો વિષય બન્યો.

ગુજરાત ટાઇટન્સે ચેન્નઈને 89 રનથી હરાવ્યું, IPL ઇતિહાસની સૌથી મોટી હાર. ગિલ-સુદર્શને પ્રથમ વિકેટ માટે 10મી સદીની ભાગીદારી કરી, દિગ્ગજોના ક્લબમાં સ્થાન મેળવ્યું. ગિલે T20માં 6 હજાર રન પૂરા કર્યા. સુદર્શને સતત પાંચમી ફિફ્ટી ફટકારી, ઓરેન્જ કેપ મેળવી. અંશુલ કંબોજે એક સિઝનમાં સૌથી વધુ 34 છગ્ગા આપવાનો રેકોર્ડ બનાવ્યો.

અમદાવાદના નરેન્દ્ર મોદી સ્ટેડિયમમાં IPL મેચ દરમિયાન ઠંડા પીણાં MRP કરતાં વધુ કિંમતે વેચાયાનો દર્શકોનો ગંભીર આક્ષેપ. QR કોડ દ્વારા વ્યક્તિગત ખાતામાં પેમેન્ટ લઈ ટેક્સ અને ઓડિટ ટાળવાનો પ્રયાસ. GCA અને IPL આયોજકો સામે કડક તપાસની માંગ.

IPL 2026ની છેલ્લી લીગ મેચમાં SRH vs RCB ટકરાશે. RCB જીતે તો ટોચનું સ્થાન પાકું, જ્યારે SRHને ક્વોલિફાયર-1 માટે મોટી જીત અને અન્ય ટીમોના પરિણામો પર નિર્ભર રહેવું પડશે. બંને ટીમોનું બેટિંગ લાઇન-અપ વિસ્ફોટક છે, પરંતુ SRHમાં સાતત્યતાનો અભાવ છે. RCB મજબૂત દાવેદાર છે.

નવસારીની કશિશ રાઠોડે નેશનલ એથ્લેટીક ચેમ્પિયનશીપમાં સ્કોટમાં ગોલ્ડ, બેન્ચ પ્રેસ અને ડેડ લિફ્ટમાં બ્રોન્ઝ મેડલ જીતી એશિયન ગેમ્સ માટે ક્વોલિફાય કર્યું. કુલ 327.5 કિલોગ્રામ વજન ઉંચકી, નિર્ધારિત 325 કિલોગ્રામનો માપદંડ પાર કર્યો. તેની આ સિદ્ધિ ગુજરાત અને માહ્યાવંશી સમાજ માટે ગૌરવપૂર્ણ છે.

બ્રિટિશ કોલંબિયાના સરેમાં કેનેડા ક્રિકેટ ચીફ અરવિંદ ખોસાના ઘર પર વહેલી સવારે અંધાધૂંધ ગોળીબાર થયો. આ ઘટના ખંડણીની વસુલાત સાથે સંકળાયેલી હોવાની પ્રાથમિક શંકા છે. સ્પેશ્યલ પોલીસ સર્વિસ (SPS) અને ઇન્ટીગ્રેટેડ ફોરેન્સિક આઈડેન્ટીફીકેશન સર્વિસીઝ (IFIS) તપાસ કરી રહ્યા છે. ક્રિકેટ કેનેડામાં ચાલી રહેલા આંતરિક વિખવાદ અને ભ્રષ્ટાચારના આરોપો વચ્ચે આ ઘટના બની છે.

વસીમ જાફરે મોહમ્મદ શમીને ભારતીય ટેસ્ટ ટીમમાંથી બહાર રાખવાના નિર્ણયની આકરી ટીકા કરી છે. તેમણે મુખ્ય પસંદગીકાર Ajit Agarkarની ફિટનેસ અંગેની દલીલને “બકવાસ” ગણાવી હતી. જાફરે સવાલ ઉઠાવ્યો કે જો આવા જ માપદંડ અપનાવવામાં આવે તો ભવિષ્યમાં જસપ્રીત બુમરાહ સાથે પણ આવું જ થશે? અગરકરે કહ્યું હતું કે શમી T20 માટે ફિટ છે, પરંતુ ટેસ્ટ ક્રિકેટનો લાંબો ભાર સહન કરવા માટે હજુ સંપૂર્ણ તૈયાર નથી.

MIને KKR સામે રોમાંચક મેચમાં હારનો સામનો કરવો પડ્યો. પાવરપ્લે સુધી મુંબઈએ માત્ર 46 રનમાં 4 મહત્વની વિકેટ ગુમાવી હતી અને આખી મેચમાં મોટાભાગની ભાગીદારી 20 રનથી ઓછી રહી હતી. ફિલ્ડિંગમાં થયેલી ચૂક અંગે નારાજગી વ્યક્ત કરતા હાર્દિકે કહ્યું, "મને સમજાતું નથી કે ફિલ્ડિંગમાં ક્યાં ભૂલ થઈ રહી છે. આ આખી સીઝન દરમિયાન અમારું ફિલ્ડિંગ પ્રદર્શન ઘણું નબળું રહ્યું છે. અમે ઘણા કેચ છોડ્યા છે, જે અલબત્ત કોઈ જાણી જોઈને કરતું નથી. પરંતુ રમતની આ સ્થિતિમાં તમે સત્ય છુપાવી શકતા નથી."

આગામી ICC વનડે વર્લ્ડ કપમાં રોહિત શર્મા અને હાર્દિક પંડ્યાની ફિટનેસને લઈને BCCI ચિંતિત છે. રોહિતની તાજેતરની હેમસ્ટ્રિંગ ઈજા અને વધતી ઉંમર પર પસંદગીકારો સવાલ ઉઠાવી રહ્યા છે. હાર્દિકની 10 ઓવર બોલિંગ કરવાની ક્ષમતા પણ ચર્ચાનો વિષય છે. આ પરિસ્થિતિમાં, BCCI નવા ઓપનર તરીકે યશસ્વી જયસ્વાલને તૈયાર કરવાની યોજના ધરાવે છે.

IPL 2026માં Mumbai Indians અને Kolkata Knight Riders વચ્ચેની મેચ દરમિયાન દીપક ચાહરનું અનોખું ‘ફેક નોટ સેલિબ્રેશન’ સોશિયલ મીડિયા પર વાયરલ થયું છે. ફિન એલનની વિકેટ બાદ દીપકે ખિસ્સામાંથી કલ્પિત ચિઠ્ઠી બતાવવાની સ્ટાઈલમાં સેલિબ્રેશન કર્યું, જેને યુવા ખેલાડીઓના લોકપ્રિય ‘નોટ સેલિબ્રેશન’ ટ્રેન્ડની મજાક તરીકે જોવામાં આવી રહ્યું છે. મેચમાં KKRએ મુંબઈને 4 વિકેટે હરાવી પ્લેઓફની આશા જીવંત રાખી હતી.

IPL 2026માં મુંબઈ ઇન્ડિયન્સ (MI)ના ખરાબ પ્રદર્શન બાદ હાર્દિક પંડ્યાના ભવિષ્ય અંગે અટકળો તેજ બની છે. ઇંગ્લેન્ડના પૂર્વ કેપ્ટન માઇકલ વૉએ હાર્દિક અને કોલકાતા નાઇટ રાઇડર્સ (KKR) વચ્ચે મોટી ટ્રેડ ડીલનો વિચાર રજૂ કર્યો છે. 2024માં મુંબઈમાં પરત ફર્યા બાદ હાર્દિકની કેપ્ટનશીપ હેઠળ ટીમ સતત નિષ્ફળ રહી છે, જેના કારણે હવે તેમને કેપ્ટનશીપ અને ટીમમાંથી દૂર કરવાની માંગ ઉઠી રહી છે.

પાકિસ્તાની સ્ટાર બોલર મોહમ્મદ આમિર હવે IPLમાં રમી શકે છે. રાજકીય કારણોસર પ્રતિબંધ હોવા છતાં, બ્રિટિશ નાગરિકતા મળવાને કારણે તે IPL 2027 Auction માટે Eligible બન્યો છે. તેની પત્ની બ્રિટિશ હોવાથી તેણે UK પાસપોર્ટ મેળવ્યો છે. આંતરરાષ્ટ્રીય ક્રિકેટમાંથી બે વાર નિવૃત્ત થયેલા આમિર પાસે T20 લીગનો અનુભવ છે. તેની Swing બોલિંગ અને Death Oversમાં રન રોકવાની ક્ષમતા ટીમો માટે આકર્ષણનું કેન્દ્ર બની શકે છે.

IPL 2026ની 65મી મેચમાં KKRએ MIને 4 વિકેટે હરાવ્યું. તિલક વર્માએ 25 બોલમાં પહેલી બાઉન્ડ્રી ફટકારી, જ્યારે મનીષ પાંડે બુમરાહ સામે પહેલીવાર આઉટ થયો. વરસાદને કારણે રમત 1 કલાક અટકી. દીપક ચાહરે એલનને બોલ્ડ કરી ચિઠ્ઠી કાઢવાની એક્ટિંગ કરી. રઘુવંશી-વરુણ વચ્ચે કેચ છોડવા પર બબાલ થઈ, ગ્રીનને રિવ્યુથી વિકેટ મળી અને બોશે શાનદાર કેચ પકડ્યો.

IPL 2026ની 66મી મેચ GT અને CSK વચ્ચે અમદાવાદમાં રમાશે. ચેન્નઈને પ્લેઑફ માટે જીતવું અનિવાર્ય છે, જે 12 પોઇન્ટ્સ સાથે છઠ્ઠા સ્થાને છે. ગુજરાત, જે પ્લેઑફમાં પહોંચી ગઈ છે, 16 પોઇન્ટ્સ સાથે બીજા સ્થાને છે અને ટૉપ-2 માં રહેવા પ્રયાસ કરશે. ગુજરાતનો હેડ-ટુ-હેડ રેકોર્ડ સારો છે.

હરદાસપુર ગામમાં યોજાયેલ મહિલા ક્રિકેટ ટુર્નામેન્ટમાં પારિવારિક સ્નેહ અને એકતા જોવા મળી. માતાની બોલિંગ સામે દીકરીની બેટિંગ, જેમાં માતાએ દીકરીને બોલ્ડ કરી રોમાંચ જગાવ્યો. દીકરો બન્યો અમ્પાયર. કાકી-ભત્રીજીની મેચમાં ભત્રીજીની ટીમે જીત મેળવી. આ નારી શક્તિનો ઉત્સવ છે.

અફઘાનિસ્તાન સામેની ટેસ્ટ અને ODI સિરીઝમાં મોહમ્મદ શમીની પસંદગી ન થતાં વિવાદ સર્જાયો છે. Chief Selector અજીત અગરકરે જણાવ્યું કે, મેડિકલ રિપોર્ટ મુજબ શમી માત્ર T20 ક્રિકેટ માટે ફિટ છે. સ્થાનિક ક્રિકેટમાં શાનદાર પ્રદર્શન છતાં તેની અવગણનાથી ફેન્સ નારાજ છે. શમી લાંબા સમયથી ફિટનેસ સમસ્યાઓથી પીડાઈ રહ્યો છે.

એક પ્રીમિયમ બેટ બનવાની સફર એક નાના છોડથી શરૂ થાય છે અને ખેલાડીના હાથ સુધી પહોંચવામાં 20 વર્ષ લે છે. કોહલી જે બેટથી રનનો વરસાદ કરે છે તેને સંપૂર્ણ રીતે તૈયાર થવામાં કેટલાય વર્ષોની સખત મહેનત અને પ્રક્રિયા લાગે છે. આ પ્રક્રિયામાં યોગ્ય હવામાન, ખાસ પ્રકારના વૃક્ષો અને કુશળ કારીગરોની વર્ષોની મહેનત શામેલ હોય છે. વિશ્વના મોટાભાગના પ્રીમિયમ ક્રિકેટ બેટ બનાવવા માટે ઇંગ્લેન્ડમાં ઉગતા ખાસ 'અંગ્રેજી વિલો' વૃક્ષોનો ઉપયોગ થાય છે. આ વૃક્ષોનું લાકડું વજનમાં ખૂબ જ હલકું અને અંદરથી અત્યંત મજબૂત હોય છે. ઇંગ્લેન્ડની ચોક્કસ માટીના કારણે જ ત્યાંના લાકડામાં એક ખાસ પ્રકારની પ્રીમિયમ ગુણવત્તા જોવા મળે છે.

રાજસ્થાન રોયલ્સે લખનઉ સુપર જાયન્ટ્સને 7 વિકેટે હરાવ્યું. વૈભવ સૂર્યવંશીએ એક સીઝનમાં સૌથી વધુ સિક્સર અને પાવરપ્લેમાં સૌથી વધુ રન બનાવવાનો રેકોર્ડ તોડ્યો. 'Baby Boss'એ 23 બોલમાં ફિફટી ફટકારી અને 93 રન બનાવ્યા. મેચ હાર્યા બાદ લાઈવ ઈન્ટરવ્યૂમાં રિષભ પંતે ગાળો ભાંડી.

રાજકોટના મંત્ર હરખાણી, ડાઉન સિન્ડ્રોમ (Down Syndrome) હોવા છતાં ગુજરાતનો પ્રથમ મનોદિવ્યાંગ ગ્રેજ્યુએટ બન્યો છે. તેણે પેરા ઓલિમ્પિકમાં સ્વિમિંગમાં 2 ગોલ્ડ મેડલ જીત્યા છે અને PM મોદીના હસ્તે 'રાષ્ટ્રીય બાળ પુરસ્કાર' મેળવ્યો છે. તેની માતાના અતૂટ વિશ્વાસ અને મંત્રની મહેનતથી તેણે શૈક્ષણિક અને રમતગમતના ક્ષેત્રમાં સિદ્ધિઓ મેળવી છે.

IPL 2026 માં રાજસ્થાન રોયલ્સના 15 વર્ષીય યુવા સનસનાટીભર્યા બેટ્સમેન વૈભવ સૂર્યવંશીએ પોતાના બેટથી નવો ઇતિહાસ રચી દીધો છે. જયપુરના સવાઈ માનસિંહ સ્ટેડિયમમાં રમાયેલી મેચમાં તેણે લખનઉ સુપર જાયન્ટ્સના બોલરોની બેરહેમ ધુલાઈ કરીને રાજસ્થાનને એક યાદગાર જીત અપાવી છે. તેણે મેદાનની ચારેય તરફ શોટ્સ ફટકારીને માત્ર 38 બોલમાં 244 થી વધુના સ્ટ્રાઈક રેટથી 93 રન (10 છગ્ગા, 7 ચોગ્ગા) ઠોકી દીધા હતા.

IPL 2026 ની 65મી મેચ KKR અને MI વચ્ચે ઈડન ગાર્ડન્સમાં રમાશે. KKR ને પ્લેઑફ માટે જીતવું અનિવાર્ય છે. MI પ્લેઑફની રેસમાંથી બહાર છે, પરંતુ KKR નું ગણિત બગાડી શકે છે. હાર્દિક પંડ્યા ઇજા બાદ કમબેક કરી શકે છે. KKR એ શરૂઆતની 6 હાર બાદ શાનદાર કમબેક કર્યું છે, પરંતુ મોડું થયું છે. ફિન એલન, અંગક્રિશ રઘુવંશી, રિંકુ સિંહ ફોર્મમાં છે. પીચ બેટર્સ માટે મદદરૂપ છે, જ્યાં હાઈ-સ્કોરિંગ મેચની શક્યતા છે.

અફઘાનિસ્તાન સામેની ટેસ્ટ અને વનડે સિરીઝ માટે ભારતીય ટીમની જાહેરાત કરવામાં આવી છે. ટેસ્ટ સ્ક્વોડમાં શુભમન ગિલ (કેપ્ટન), યશસ્વી જયસ્વાલ, KL રાહુલ, સાઈ સુદર્શન, ઋષભ પંત, દેવદત્ત પડિક્કલ, નીતીશ કુમાર રેડ્ડી, વોશિંગ્ટન સુંદર, કુલદીપ યાદવ, મોહમ્મદ સિરાજ, પ્રસિદ્ધ કૃષ્ણા, માનવ સુથાર, ગુરનૂર બ્રાર, હર્ષ દુબે, ધ્રુવ જુરેલનો સમાવેશ કરવામાં આવ્યો છે. વનડે સ્ક્વોડમાં શુભમન ગિલ (કેપ્ટન), રોહિત શર્મા, વિરાટ કોહલી, શ્રેયસ અય્યર, KL રાહુલ, ઈશાન કિશન, હાર્દિક પંડ્યા, નીતીશ કુમાર રેડ્ડી, વોશિંગ્ટન સુંદર, કુલદીપ યાદવ, અર્શદીપ સિંહ, પ્રિન્સ યાદવ, પ્રસિદ્ધ કૃષ્ણા, ગુરનૂર બ્રાર, હર્ષ દુબેનો સમાવેશ કરવામાં આવ્યો છે.

લિયોનલ મેસીના કોલકાતા કાર્યક્રમ દરમિયાન થયેલી ગેરવ્યવસ્થાના મામલે નવો વળાંક આવ્યો છે. ‘GOAT India Tour’ના આયોજક શતાદ્રુ દત્તાએ પૂર્વ રમતગમત મંત્રી અરૂપ બિસ્વાસ, કાઉન્સિલર જુઈ બિસ્વાસ અને પૂર્વ DGP રાજીવ કુમાર વિરુદ્ધ પોલીસ ફરિયાદ નોંધાવી છે. ફરિયાદમાં સુરક્ષા ભંગ અને મેસીની સુરક્ષા જોખમમાં મુકાઈ હોવાના ગંભીર આરોપો લગાવવામાં આવ્યા છે. ડિસેમ્બર 2025માં સોલ્ટ લેક સ્ટેડિયમમાં ભારે ધમાલ અને તોડફોડ સર્જાઈ હતી, જેના બાદ શતાદ્રુ દત્તાની ધરપકડ થઈ હતી અને તેમણે 37 દિવસ જેલમાં વિતાવ્યા હતા. હવે આ મામલે રાજકીય અને રમતગમત જગતમાં ફરી ગરમાવો આવ્યો છે.

અમદાવાદમાં SRT10 અલ્ટેવોલ એકેડેમીની મુલાકાત દરમિયાન, Sachin Tendulkar એ યુવા ક્રિકેટર્સ સાથે સંવાદ સાધ્યો. તેમણે રમતગમતમાં શિસ્ત, ધીરજ અને શીખવાની ખુશી પર ભાર મૂક્યો. તેમણે કહ્યું કે, "ભારતનું રમતગમતનું ભવિષ્ય પાયાના સ્તરે રોકાણ અને ભયમુક્ત પ્રોત્સાહન પર નિર્ભર રહેશે." ટેલેન્ટ ભગવાન આપે છે, પરંતુ તેનું શું કરવું તે તમારા હાથમાં છે, શોર્ટકટથી સફળતા મળતી નથી, તેમણે જણાવ્યું.

મહેન્દ્ર સિંહના IPL ભવિષ્યને લઈને ફરી ચર્ચા તેજ બની છે. ઈજાના કારણે ધોની આ સીઝનમાં એક પણ મેચ રમી શક્યા નથી અને ચેન્નઈના ચેપોક સ્ટેડિયમમાં રમાયેલી છેલ્લી મેચમાં પણ તેઓ મેદાનમાં ઉતર્યા નહોતા. તેમના નજીકના મિત્ર સુરેશ રૈનાએ ખુલાસો કર્યો કે ધોનીએ પોતાનું શરીર હવે નબળું પડી ગયું હોવાનું જણાવ્યું છે. જોકે, રૈનાએ આગામી સીઝનમાં વાપસી માટે દબાણ કરતાં ધોનીએ “મને જોવા દો” એવો જવાબ આપ્યો હતો. આથી ફેન્સમાં હજુ પણ આશા જીવંત છે કે ‘થાલા’ ફરી મેદાનમાં જોવા મળી શકે.

IPL 2026માં SRH એ CSK ને 5 વિકેટે હરાવ્યું. CSK એ 180 રન બનાવ્યા, SRH એ ક્લાસન, અભિષેકની મદદથી જીત મેળવી. ધોનીએ ટીમ સાથે ફોટોશૂટ કરાવ્યું. ક્લાસેન 58 ઇનિંગ્સમાં 2000 IPL રન, ગાયકવાડે ચેપોકમાં 1000 IPL રન પૂરા કર્યા.