અમદાવાદના સોલા ભાગવત વિસ્તારમાં રાષ્ટ્રીય સ્વયંસેવક સંઘ ભાગવતનગર દ્વારા રમતોત્સવનું આયોજન થયું જેમાં 300થી વધુ બાળકો અને વાલીઓએ ભાગ લીધો. ડિજિટલ યુગમાં બાળકોને પરંપરાગત રમતો જેવી કે સતોલીયું, ગિલ્લી-દંડા, ટાયર દોડ અને ભમરડા દ્વારા પરિચિત કરાવવામાં આવ્યા. આ ઉઘાટનનો મુખ્ય હેતુ બાળકોને મોબાઇલથી દૂર રાખીને મેદાની રમતો તરફ આકર્ષિત કરવાનું અને તેમની સર્વાંગી વિકાસમાં સહાયરૂપ થવાનું હતું. બાળકોને નવું શીખવાનો અને આનંદ માણવાનો અવસર મળ્યો.