કેન્દ્રીય મંત્રી શ્રી અશ્વિની વૈષ્ણવે 'સેમિકોન 2.0' યોજનાના 6 સ્તંભો (Pillars) માટે નોટિફિકેશન બહાર પાડી, ભારતની સેમિકન્ડક્ટર ઇકોસિસ્ટમને નવી ઊંચાઈએ લઈ જવાનો માર્ગ મોકળો કર્યો છે. આ યોજના હેઠળ, ભારતે 10 વર્ષમાં 85,000 સેમિકન્ડક્ટર એન્જિનિયર વિકસાવવાના લક્ષ્યને 4 વર્ષમાં પાર કર્યું છે અને હવે 1 લાખ નવા એન્જિનિયરો તૈયાર કરવાનું લક્ષ્ય છે. ટાયર-2 અને ટાયર-3 શહેરોના વિદ્યાર્થીઓએ 250 થી વધુ સેમિકન્ડક્ટર ચિપ્સ ડિઝાઇન કરી છે. આ પહેલથી 50,000 થી 60,000 પ્રત્યક્ષ રોજગારી સર્જાશે અને આગામી વર્ષોમાં વૈશ્વિક સેમિકન્ડક્ટર બજારનો 10% હિસ્સો ભારત હસ્તગત કરશે. ઇન્ડિયા સેમિકન્ડક્ટર મિશન (ISM) આ યોજના માટે નોડલ એજન્સી રહેશે.