પાટણમાં મંગળવારે વટ સાવિત્રી વ્રતની પ્રાચીન પરંપરા પ્રમાણે મહિલાઓએ વડવૃક્ષની પૂજા કરી. વહેલી સવારે મંત્રોચ્ચાર સાથે વૃક્ષની આરતી અને પ્રદક્ષિણા કરી, પતિની નિરોગી અને લાંબા આયુષ્ય માટે પ્રાર્થના કરી. ખંડોબા મહાદેવ, બગેશ્વર અને પત્રેશ્વર મંદિરમાં મોટી સંખ્યામાં મહિલાઓએ આ વ્રતની ઉજવણી કરી. હિન્દુ પરંપરામાં વટ સાવિત્રી વ્રતને ભક્તિ અને શ્રદ્ધાની પ્રતિક માનવામાં આવે છે, જે પતિ માટે શુભ અને સકારાત્મક અસર લાવે છે.