'ઑલ ઈન્ડિયા ઓર્ગેનાઈઝેશન ઓફ કેમિસ્ટ્સ એન્ડ ડ્રગિસ્ટ્સ' (AIOCD) દ્વારા 20 મેના રોજ દેશવ્યાપી હડતાળની જાહેરાત કરવામાં આવી છે. ઓનલાઈન ફાર્મસી અને ક્વિક-કોમર્સ એપ્સના વધતા પ્રભાવ સામે પરંપરાગત મેડિકલ સ્ટોર સંચાલકોમાં ભારે રોષ જોવા મળી રહ્યો છે. કેમિસ્ટ સંગઠનોનો આક્ષેપ છે કે ઈ-ફાર્મસી પ્લેટફોર્મ્સ પૂરતી સરકારી દેખરેખ વગર દવાઓનું વેચાણ કરી રહ્યા છે, જેમાં પ્રિસ્ક્રિપ્શન ચકાસણી, દવાઓના યોગ્ય સ્ટોરેજ અને ડિલિવરીના નિયમોનું પાલન થતું નથી. સંગઠનના મતે આ માત્ર વેપારનો મુદ્દો નહીં પરંતુ દર્દીઓની સલામતી અને આરોગ્ય સાથે સીધો સંબંધિત ગંભીર મુદ્દો છે, જેના કારણે દેશભરમાં વિરોધ ઉગ્ર બન્યો છે.

અફઘાનિસ્તાન સામેની ટેસ્ટ અને વનડે સિરીઝ માટે ભારતીય ટીમની જાહેરાત કરવામાં આવી છે. ટેસ્ટ સ્ક્વોડમાં શુભમન ગિલ (કેપ્ટન), યશસ્વી જયસ્વાલ, KL રાહુલ, સાઈ સુદર્શન, ઋષભ પંત, દેવદત્ત પડિક્કલ, નીતીશ કુમાર રેડ્ડી, વોશિંગ્ટન સુંદર, કુલદીપ યાદવ, મોહમ્મદ સિરાજ, પ્રસિદ્ધ કૃષ્ણા, માનવ સુથાર, ગુરનૂર બ્રાર, હર્ષ દુબે, ધ્રુવ જુરેલનો સમાવેશ કરવામાં આવ્યો છે. વનડે સ્ક્વોડમાં શુભમન ગિલ (કેપ્ટન), રોહિત શર્મા, વિરાટ કોહલી, શ્રેયસ અય્યર, KL રાહુલ, ઈશાન કિશન, હાર્દિક પંડ્યા, નીતીશ કુમાર રેડ્ડી, વોશિંગ્ટન સુંદર, કુલદીપ યાદવ, અર્શદીપ સિંહ, પ્રિન્સ યાદવ, પ્રસિદ્ધ કૃષ્ણા, ગુરનૂર બ્રાર, હર્ષ દુબેનો સમાવેશ કરવામાં આવ્યો છે.

ઇન્દર કૌર ઉર્ફે યશઇન્દર કૌરની હત્યાના મામલે પંજાબમાં ચકચાર મચી ગઈ છે. સોમવારે તેની લાશ નીલો નહેરમાંથી મળી આવી હતી. માહિતી મુજબ લગભગ છ દિવસ પહેલા બંદૂકની અણીએ તેનું અપહરણ કરવામાં આવ્યું હતું અને ત્યારથી પરિવાર તેની શોધખોળ કરી રહ્યો હતો. પરિવારના આક્ષેપ મુજબ મોગાના એક યુવક દ્વારા ઇન્દર પર જબરદસ્તી લગ્ન માટે દબાણ કરવામાં આવતું હતું. ઇન્દરે ઇનકાર કરતાં આરોપીએ અપહરણ કરી હત્યાનું કાવતરું ઘડ્યું હતું. પરિવારનો દાવો છે કે આરોપી કેનેડાથી નેપાળ મારફતે પંજાબ આવ્યો અને ગુનો આચરી ફરી કેનેડા ભાગી ગયો.

સલમાન ખાનના મુંબઈ સ્થિત ગેલેક્સી એપાર્ટમેન્ટમાં સોમવારે એક ધામણ સાપ દેખાતા રેસ્ક્યુ ઓપરેશન હાથ ધરાયું હતું. પાર્કિંગ વિસ્તારમાં શટર નજીક સાપ જોવા મળતાં સુરક્ષા કર્મચારીઓએ તરત જ કાર્યવાહી કરી અને સ્થાનિક સ્નેક રેસ્ક્યુર વિકી દુબેને જાણ કરી હતી. રેસ્ક્યુ ટીમે શાંતિપૂર્ણ રીતે સાપને કાબૂમાં લઈને સુરક્ષિત સ્થળે ખસેડ્યો હતો. પકડાયેલો સાપ ઇન્ડિયન રેટ સ્નેક તરીકે ઓળખાય છે, જે બિનઝેરી હોય છે અને સામાન્ય રીતે ઉંદરો ખાય છે. આ ઘટના બાદ એપાર્ટમેન્ટમાં થોડો સમય ચિંતા અને ગભરાટનો માહોલ સર્જાયો હતો.

ભારત સરકાર ₹70,000 કરોડની સબમરીન ડીલ દ્વારા નૌકાદળની તાકાત વધારશે. Project-75 India હેઠળ 6 સબમરીન ખરીદાશે, જેમાં જર્મનીની Thyssenkrupp Marine Systems ટેકનોલોજી અને ડિઝાઈન આપશે. મઝગાંવ ડૉકયાર્ડ સાથે મળી ભારતમાં જ નિર્માણ થશે. AIP ટેકનોલોજી સબમરીનને લાંબો સમય પાણીમાં રહેવા સક્ષમ બનાવશે, જે દુશ્મનો માટે પડકારરૂપ બનશે. આ ડીલ પાકિસ્તાન અને ચીન જેવા દેશો માટે ચિંતાનો વિષય છે.

લિયોનલ મેસીના કોલકાતા કાર્યક્રમ દરમિયાન થયેલી ગેરવ્યવસ્થાના મામલે નવો વળાંક આવ્યો છે. ‘GOAT India Tour’ના આયોજક શતાદ્રુ દત્તાએ પૂર્વ રમતગમત મંત્રી અરૂપ બિસ્વાસ, કાઉન્સિલર જુઈ બિસ્વાસ અને પૂર્વ DGP રાજીવ કુમાર વિરુદ્ધ પોલીસ ફરિયાદ નોંધાવી છે. ફરિયાદમાં સુરક્ષા ભંગ અને મેસીની સુરક્ષા જોખમમાં મુકાઈ હોવાના ગંભીર આરોપો લગાવવામાં આવ્યા છે. ડિસેમ્બર 2025માં સોલ્ટ લેક સ્ટેડિયમમાં ભારે ધમાલ અને તોડફોડ સર્જાઈ હતી, જેના બાદ શતાદ્રુ દત્તાની ધરપકડ થઈ હતી અને તેમણે 37 દિવસ જેલમાં વિતાવ્યા હતા. હવે આ મામલે રાજકીય અને રમતગમત જગતમાં ફરી ગરમાવો આવ્યો છે.

'વન નેશન-વન ઈલેક્શન' મુદ્દે સંયુક્ત સંસદીય સમિતિ (JPC) ટીમ ગુજરાત આવી રહી છે. પ્રિયંકા ગાંધી, સંબિત પાત્રા, બાંસુરી સ્વરાજ સહિત 39 સભ્યો ત્રણ દિવસીય પ્રવાસે છે. તેઓ મુખ્યમંત્રી, અધિકારીઓ અને રાજકીય પક્ષોના નેતાઓ સાથે ચર્ચા કરશે. ભાજપ સમર્થન કરે છે, કોંગ્રેસ ચિંતાઓ રજૂ કરશે. JPC અધ્યક્ષ પી.પી. ચૌધરી છે.

અમદાવાદમાં SRT10 અલ્ટેવોલ એકેડેમીની મુલાકાત દરમિયાન, Sachin Tendulkar એ યુવા ક્રિકેટર્સ સાથે સંવાદ સાધ્યો. તેમણે રમતગમતમાં શિસ્ત, ધીરજ અને શીખવાની ખુશી પર ભાર મૂક્યો. તેમણે કહ્યું કે, "ભારતનું રમતગમતનું ભવિષ્ય પાયાના સ્તરે રોકાણ અને ભયમુક્ત પ્રોત્સાહન પર નિર્ભર રહેશે." ટેલેન્ટ ભગવાન આપે છે, પરંતુ તેનું શું કરવું તે તમારા હાથમાં છે, શોર્ટકટથી સફળતા મળતી નથી, તેમણે જણાવ્યું.

ઈરાન દ્વારા દરિયામાં નાંખેલા ઈન્ટરનેટ કેબલ પર ટેક્સ વસૂલવાની ધમકીથી વૈશ્વિક સ્તરે ચિંતા વધી છે. ઈરાન અને અમેરિકાના તણાવની અસર હવે ક્રૂડ ઓઈલ, સપ્લાય ચેઈન અને ઈન્ટરનેટ પર પણ દેખાઈ રહી છે. હોર્મુઝની ખાડીમાંથી પસાર થતી અનેક મોટી ઈન્ટરનેટ કેબલ્સ પર ટેક્સ લાગુ કરવાથી દુનિયાભરનું ઈન્ટરનેટ ઠપ થવાનો ખતરો છે. ભારત પણ આનાથી પ્રભાવિત થઈ શકે છે, કારણ કે ઘણી કેબલ્સ મુંબઈ અને ચેન્નાઈ સાથે જોડાયેલી છે. ઈન્ટરનેટના અભાવે બેન્કિંગ, UPI, અભ્યાસ અને વેપાર જેવી દૈનિક પ્રવૃત્તિઓ ખોરવાઈ શકે છે.

અમરેલી જિલ્લામાં પેટ્રોલ અને ડીઝલની ભારે અછત સર્જાતા વાહનચાલકો અને ખેડૂતો મુશ્કેલીમાં મુકાયા છે. સાવરકુંડલા, બાબરા અને વડીયા સહિતના વિસ્તારોમાં પેટ્રોલ પંપો પર લાંબી કતારો લાગી છે અને મોટાભાગના પંપોએ ‘નો સ્ટોક’ના બોર્ડ લગાવી દીધા છે. ખેડૂતોને 200 લીટર ડીઝલ આપવાના નિયમ હોવા છતાં માત્ર મર્યાદિત જથ્થો આપવામાં આવતા રોષ ફેલાયો છે. ખેતીની સીઝન દરમિયાન ડીઝલની અછતને કારણે ટ્રેક્ટર અને કૃષિ સાધનોનું કામ પ્રભાવિત થઈ રહ્યું છે. લોકો કલાકો સુધી રાહ જોઈ રહ્યા છે અને તંત્ર સામે ભારે અસંતોષ વ્યક્ત કરી રહ્યા છે.

પુતિન ચીનના પ્રવાસે બેઇજિંગ પહોંચે તે પહેલાં કાળા સમુદ્રમાં મોટો તણાવ સર્જાયો છે. યુક્રેનના ઓડેસા બંદર તરફ જઈ રહેલા બે નાગરિક જહાજો પર રશિયાએ ડ્રોન હુમલો કર્યો હતો, જેમાં એક જહાજ ચીનની માલિકીનું હોવાનું સામે આવ્યું છે. યુક્રેનના અહેવાલ મુજબ રશિયાના ‘શાહેદ’ ડ્રોને ‘KSL ડેયાંગ’ કાર્ગો જહાજને નિશાન બનાવ્યું હતું. હુમલામાં જહાજનો ભાગ નુકસાનગ્રસ્ત થયો છે. યુક્રેન પર આક્રમણ બાદ રશિયા દ્વારા નાગરિક જહાજો પર સતત હુમલા થઈ રહ્યા છે, પરંતુ પુતિન અને જિનપિંગની બેઠક પહેલાં થયેલી આ ઘટના વૈશ્વિક સ્તરે ગંભીર માનવામાં આવી રહી છે.

PM મોદીના યુરોપ પ્રવાસ દરમિયાન નોર્વેમાં યોજાયેલા પ્રેસ કાર્યક્રમ બાદ રાજકીય અને મીડિયા વર્તુળોમાં ચર્ચા તેજ બની છે. કાર્યક્રમમાં મોદીએ નોર્વેના વડાપ્રધાન સાથે સંયુક્ત નિવેદન આપ્યું હતું, પરંતુ મીડિયાના સવાલો લીધા નહોતા. ત્યારબાદ વિદેશ મંત્રાલયની પ્રેસ કોન્ફરન્સમાં નોર્વેની મહિલા પત્રકારે ભારતમાં માનવાધિકાર અને પ્રેસ સ્વતંત્રતા મુદ્દે તીખા સવાલો પૂછ્યા હતા. તેના જવાબમાં વિદેશ મંત્રાલયના પશ્ચિમી મામલાના સચિવ સિબી જ્યોર્જે કડક શબ્દોમાં ભારતનો પક્ષ રજૂ કર્યો હતો. મોદી હાલ પાંચ દેશોના યુરોપ પ્રવાસ પર છે, જેમાં નોર્વે તેમનો ચોથો પડાવ રહ્યો છે.

દિલ્હી દારૂ નીતિ કેસમાં આમ આદમી પાર્ટીના ટોચના નેતાઓ સામે હવે ક્રિમિનલ કન્ટેમ્પ્ટની કાર્યવાહી શરૂ થઈ છે. સોશિયલ મીડિયા પર ન્યાયાધીશ વિરુદ્ધ ચલાવવામાં આવેલા કથિત અભિયાનને ગંભીર ગણાવી દિલ્હી હાઈકોર્ટે પૂર્વ મુખ્યમંત્રી અરવિંદ કેજરીવાલ સહિત મનીષ સિસોદિયા, સંજય સિંહ, વિનય મિશ્રા, દુર્ગેશ પાઠક અને સૌરભ ભારદ્વાજને નોટિસ ફટકારી છે. જસ્ટિસ નવીન ચાવલા અને જસ્ટિસ રવિન્દર દુદેજાની બેન્ચે તમામ નેતાઓને ચાર સપ્તાહમાં જવાબ આપવા આદેશ કર્યો છે. કોર્ટે સોશિયલ મીડિયા અને ઈલેક્ટ્રોનિક પ્લેટફોર્મ પરની કથિત અપમાનજનક સામગ્રી સુરક્ષિત રાખવા પણ રજિસ્ટ્રીને નિર્દેશ આપ્યો છે.

દેશમાં પેટ્રોલ-ડીઝલના ભાવમાં ચાર દિવસમાં બીજી વખત વધારો થતાં સામાન્ય જનતા પર મોંઘવારીનો વધુ બોજ પડ્યો છે. કોંગ્રેસ અને સમાજવાદી પાર્ટી સહિતના વિપક્ષોએ કેન્દ્ર સરકાર પર આકરા પ્રહારો કરતા ભાવવધારાને જનતા વિરોધી ગણાવ્યો છે. કોંગ્રેસે સોશિયલ મીડિયા પર સરકારને ‘મોંઘવારી મેન’ કહી નિશાન સાધ્યું, જ્યારે વિપક્ષે ચૂંટણી બાદ વસૂલાત વધારવાનો આરોપ લગાવ્યો. બીજી તરફ ભાજપે વૈશ્વિક ઓઇલ કટોકટી અને યુદ્ધની પરિસ્થિતિને જવાબદાર ઠેરવી સરકારનો બચાવ કર્યો છે. વધતા ઇંધણ ભાવોને કારણે લોકોમાં અસંતોષ વધી રહ્યો છે અને રાજકીય માહોલ પણ ગરમાયો છે.

સુપ્રીમ કોર્ટે રખડતા કૂતરાઓને હટાવવાના જૂના આદેશમાં ફેરફારનો ઇનકાર કર્યો. દેશમાં કૂતરા કરડવાના વધતા બનાવોને ધ્યાનમાં રાખીને, કોર્ટે કહ્યું કે જાહેર સુરક્ષા સર્વોપરી છે. જરૂર પડ્યે હડકાયા કે હિંસક કૂતરાઓને દયામૃત્યુ (Euthanasia) આપવાનો પણ નિર્દેશ આપ્યો. દરેક જિલ્લામાં 'Animal Birth Control Center' ફરજિયાત બનાવવા અને કાયદાનું કડકાઈથી પાલન કરવા જણાવ્યું.

જામનગરના જડેશ્વર પાર્ક વિસ્તારમાં મહાનગરપાલિકાના ડિમોલિશન સામે આહિર સમાજ એકજુથ થયો છે. વૃદ્ધ દંપતી નંદુબેન અને નારણભાઈ બેરા સાથે થયેલા અન્યાય સામે સમાજે રોષ વ્યક્ત કર્યો છે. તેમણે 'નંદુમાંનો આશરો કાયમ રહેશે' તેવો સંકલ્પ કર્યો છે અને જમીન માલિકીનો દાવો કરી કાનૂની લડતની તૈયારી દર્શાવી છે. પ્રતિકાત્મક બાંધકામ દ્વારા એકતાનો સંદેશ અપાયો.

અમદાવાદ-ભાવનગરની તમામ એસટી વોલ્વો બસનો રૂટ બદલી દેવાયો છે. અગાઉ અમદાવાદથી દરરોજ બાવળા, ધોળકા, ધંધુકા થઈને ભાવનગર સુધી વોલ્વોની 12 રાઉન્ડ ટ્રિપનું સંચાલન કરાતું હતું. તેની જગ્યાએ હવે આ તમામ ટ્રિપ ધોલેરા એક્સપ્રેસવે તરફ ડાયવર્ટ કરી દેવાઈ છે. એટલે હવે ભાવનગરની તમામ વોલ્વો બસ ધોલેરા એક્સપ્રેસવે થઈને જશે. જેથી અમદાવાદ-ભાવનગર વચ્ચેનો અંતર ઘટી જતા ભાડામાં પણ 14 રૂપિયાનો ઘટાડો કરાયો છે. 351 રૂપિયાના બદલે હવે મુસાફરોએ 337 રૂપિયા ટિકિટ ભાડું ચૂકવવાનું રહેશે.

ભરૂચના ભાજપ સાંસદ મનસુખ વસાવા દેડિયાપાડામાં પોતાની પાર્ટીના સ્થાનિક હોદ્દેદારો પર જાહેરમાં આકરા થયા. તેમણે જિલ્લા ભાજપ પ્રમુખ અને મહામંત્રી પર કાર્યકર્તાઓને ડરાવવાનો અને યોજનાઓ લોકો સુધી ન પહોંચાડવાનો આરોપ લગાવ્યો. તેમણે કહ્યું કે, 'ચૈતર વસાવા ડરાવે એ બરાબર, પણ ભાજપના નેતાઓ કેમ ડરાવે છે?' આ વીડિયો વાયરલ થતાં રાજકારણમાં ગરમાવો આવી ગયો છે.

અમેરિકાના પ્રતિબંધોની છૂટ સમાપ્ત થયા બાદ પણ ભારત રશિયા પાસેથી ક્રૂડ ઓઇલની આયાત ચાલુ રાખશે. પેટ્રોલિયમ મંત્રાલયના સંયુક્ત સચિવ સુજાતા શર્માએ જણાવ્યું હતું કે આયાત યોજના પર કોઈ અસર નહીં થાય. વૈશ્વિક પુરવઠાને સ્થિર કરવા માટે, યુએસ ટ્રેઝરી વિભાગે સમુદ્રમાં ફસાયેલા રશિયન તેલના જહાજોમાંથી તેલ ખરીદવા માટે 30 દિવસનું અસ્થાયી લાઇસન્સ આપ્યું છે. આનાથી ઊર્જા-સંવેદનશીલ દેશોને રાહત મળશે. ભારતે મે મહિનામાં રેકોર્ડ 23 લાખ બેરલ પ્રતિ દિવસ ક્રૂડ ઓઇલની આયાત કરી.

ભારત તેની ભવ્ય અને વિશાળ સાંસ્કૃતિક તેમજ ધાર્મિક વિવિધતા માટે સમગ્ર વિશ્વમાં એક વિશેષ ઓળખ ધરાવે છે. દેશની અસંખ્ય પરંપરાઓમાં કેટલાક એવા અનોખા નગરો છે જે કડક શાકાહારી જીવનશૈલીનું પાલન કરે છે. બિહારના ગયા જિલ્લામાં આવેલું બિહિયાન ગામ ભારત દેશના સૌથી કડક અને સંપૂર્ણપણે શાકાહારી ગામોમાં અગ્રેસર ગણાય છે. અહીંના સ્થાનિક ગ્રામજનો છેલ્લા 300 વર્ષથી પણ વધુ સમયથી ઊંડી ધાર્મિક શ્રદ્ધા અને સામુદાયિક શિસ્તના આધારે આ જીવનશૈલી જીવે છે. લોકો માને છે કે શાકાહારી પ્રથાઓ પાળવાથી તેઓ બ્રહ્મા બાબાના ક્રોધથી બચે છે અને તેમના આશીર્વાદ ગામ પર સદાય રહે છે.

શુભેન્દુ અધિકારી સરકારે ગેરકાયદેસર પ્રવાસીઓને દેશ બહાર મોકલવાની કાર્યવાહી શરૂ કરવાની જાહેરાત કરી છે. મતદાર યાદીમાંથી તેમની ઓળખ અને ડિલીશન પ્રક્રિયા પૂર્ણ થઈ ચૂકી છે. TMC શાસનમાં વસ્તી ગણતરીમાં થયેલા વિલંબ અંગે પણ ઉલ્લેખ કર્યો. વિપક્ષ અને બાંગ્લાદેશના તત્વો પર પ્રહારો કરતા સુરક્ષા પર ભાર મૂક્યો. ભ્રષ્ટાચાર વિરૂદ્ધ પણ કડક પગલાં લેવાશે, ચાર અગ્રણીઓ સામે કાનૂની તપાસના આદેશ. કાયદો અને વ્યવસ્થા જાળવવા પર ભાર.

ઉત્તર અને મધ્ય ભારતના 10 રાજ્યોમાં આ અઠવાડિયે તીવ્ર ગરમી ચાલુ રહેશે. ઘણા વિસ્તારોમાં તાપમાન 45°C થી વધુ પહોંચી ગયું છે. 24 મે સુધી હીટવેવની અસર રહેશે. ઉત્તર પ્રદેશનું બાંદા 47.6°C સાથે સૌથી ગરમ રહ્યું. રાજસ્થાન, મધ્ય પ્રદેશ, પંજાબ, હરિયાણા અને મહારાષ્ટ્રમાં પણ તાપમાન 46°C થી વધુ રહ્યું.

ભોપાલમાં ટ્વીશા શર્માના રહસ્યમય death કેસમાં નવો વળાંક. CCTV ફૂટેજમાં તે ટેરેસ પર એકલી દેખાય છે. એક કલાક પછી, પતિ, પાડોશી અને નોકર CPR આપતા દેખાય છે. પતિ સમર્થ સિંહ ફરાર, તેના પર રૂ. 10,000નું ઇનામ. સાસુએ દહેજ ઉત્પીડનના આરોપો નકારી, માનસિક બીમારીનો દાવો કર્યો. SIT તપાસ કરી રહી છે.

આંતરરાષ્ટ્રીય ક્રૂડ ઓઇલના ભાવ વધારાને કારણે પેટ્રોલ-ડીઝલના દરોમાં ફરી વધારો થયો છે. છેલ્લા પાંચ દિવસમાં આ બીજી વૃદ્ધિ છે. 2022ની જેમ ભાવ વધવાની ચિંતા છે. મહાનગરોમાં Petrol ₹98.64 થી ₹109.70 અને Diesel ₹91.58 થી ₹96.11 થયું છે. મધ્ય પૂર્વના તણાવને કારણે તેલ સંકટ ઘેરું બન્યું છે.

US જસ્ટિસ ડિપાર્ટમેન્ટ અને ટ્રમ્પ વહીવટીતંત્રે Adani Group સામેના કાનૂની વિવાદો પાછા ખેંચતા, $10 બિલિયનના વિશાળ રોકાણનો માર્ગ મોકળો થયો છે. આનાથી ઈન્ફ્રાસ્ટ્રક્ચર, એનર્જી, લોજિસ્ટિક્સ અને ડેવલપમેન્ટ ક્ષેત્રે વિસ્તરણને નવી દિશા મળશે. U.S. Securities and Exchange Commission સાથે પણ પારદર્શક સમજૂતીની પ્રક્રિયા ચાલી રહી છે.

સ્થાનિક સ્વરાજ્યની ચૂંટણીના પરિણામને ત્રણ સપ્તાહનો સમય વીત્યો છે ત્યારે હજુય નગરપાલિકા અને મ્યુનિસિપલ કોર્પોરેશનમાં ભાજપ હજુ મેયર, ડેપ્યુટી મેયર, સ્ટેન્ડિંગ કમિટીના ચેરમેનની પસંદગી કરી શક્યું નથી. નવા પદાધિકારીઓની પસંદગીને લઈને ભાજપમાં મથામણ જામી છે. એટલું જ નહીં, મેયર સહિતના પદાધિકારીઓના નામની સત્તાવાર જાહેરાત માટે હજુ બે-ચાર દિવસની રાહ જોવી પડે તેમ છે. ચૂંટણીમાં ભાજપનો દબદબોસ્થાનિક સ્વરાજ્યની ચૂંટણીમાં ભાજપે જોરદાર દેખાવ કર્યો છે.

દક્ષિણ-પશ્ચિમ ચોમાસું બંગાળની ખાડી, અંડમાન-નિકોબાર અને અરબી સમુદ્રમાં પહોંચ્યું. આગામી 3-4 દિવસમાં ગતિ વધશે, અનેક રાજ્યોમાં વરસાદની શક્યતા. 50-60 કિમી/કલાક પવન ફૂંકાઈ શકે. ઓડિશા, પશ્ચિમ બંગાળ, આસામ સહિત 8 રાજ્યોમાં એલર્ટ. 26 મે સુધીમાં કેરળમાં સત્તાવાર પ્રવેશની ધારણા.

વન નેશન વન ઈલેક્શન માટે બંધારણીય સુધારાનો અભ્યાસ કરતી JPC, કર્ણાટકથી આવીને ગુજરાતમાં ત્રણ દિવસ રોકાશે. તેઓ રાજ્યના મુખ્ય સચિવ, પોલીસ વડા, CM ભૂપેન્દ્ર પટેલ, વિધાનસભાના અધ્યક્ષ, રાજકીય આગેવાનો, કાયદાવિદો અને પત્રકારો સાથે ચર્ચા કરશે.

ઋષિકેશમાં શન્ટિંગ કામગીરી દરમિયાન ઉજ્જૈની એક્સપ્રેસના એન્જિન અને અનેક કોચ પાટા પરથી ઉતરી ગયા. ખાલી કોચ નિયંત્રણ બહાર જઈ થાંભલા સાથે અથડાયો, પરંતુ સદભાગ્યે કોઈ મુસાફરને ઈજા થઈ નથી. આ ઘટના રેલ્વેની સુરક્ષા પ્રણાલી પર સવાલો ઉભા કરે છે.

આગામી દિવસોમાં દિલ્હી, હરિયાણા, રાજસ્થાન, UP અને MP સહિત અનેક રાજ્યોમાં હીટવેવ રહેશે. તાપમાન 45 ડિગ્રી પાર જશે, લૂનો પ્રકોપ વધશે. બાળકો, વૃદ્ધો માટે જોખમી. બહાર નીકળતી વખતે સાવચેતી રાખો.