કેરલમ વિધાનસભા ચૂંટણીમાં યુનાઈટેડ ડેમોક્રેટિક ફ્રન્ટ (UDF) ની શાનદાર જીત બાદ હવે મુખ્યમંત્રી કોણ બનશે તેને લઈને કોંગ્રેસમાં ભારે ગજગ્રાહ શરૂ થયો છે. ખાસ કરીને વી.ડી. સતીશને મુખ્યમંત્રી પદ સિવાય અન્ય કોઈ પણ ભૂમિકા સ્વીકારવાનો ઈનકાર કરી દેતા હાઈકમાન્ડ મૂંઝવણમાં મુકાયું છે. આ પરિસ્થિતિ કર્ણાટકમાં સિદ્ધારમૈયા અને ડી.કે. શિવકુમાર વચ્ચે સર્જાયેલા ટકરાવની યાદ અપાવી રહી છે. કોંગ્રેસના કેન્દ્રીય નેતૃત્વ અને સ્થાનિક નેતાઓ વચ્ચે પસંદગીને લઈને ભારે મતભેદ જોવા મળી રહ્યા છે. કે.સી વેણુગોપાલ રાહુલ ગાંધીની પ્રથમ પસંદગી હોવાનું મનાય છે અને રાજ્યના ધારાસભ્યોનું પણ તેમને સમર્થન છે.