દેશ 80મી આઝાદીની વર્ષગાંઠની ઉજવણી કરી રહ્યો છે ત્યારે ગૃહ મંત્રાલયના નવા પ્રોટોકોલ મુજબ વંદે માતરમના તમામ છ અંતરા ગાવા અંગે નિર્દેશ અપાયા છે. કોંગ્રેસ મુખ્યાલય ખાતે તિરંગો લહેરાવવામાં આવ્યો અને વંદે માતરમનું ગાન પણ થયું. પરંતુ, ભાજપે આરોપ લગાવ્યો કે સોનિયા ગાંધી અને રાહુલ ગાંધીએ ગીત અટકાવવાનો પ્રયાસ કર્યો. કોંગ્રેસે 1937ના ઐતિહાસિક નિર્ણયનો ઉલ્લેખ કરીને સ્પષ્ટતા કરી કે, તે સમયે કોંગ્રેસ વર્કિંગ કમિટીમાં મહાત્મા ગાંધી અને નેતાજી સુભાષચંદ્ર બોઝની હાજરીમાં ગુરુદેવ રવીન્દ્રનાથ ટાગોરની સલાહ મુજબ પ્રથમ બે અંતરા ગાવાનો નિર્ણય લેવાયો હતો. આ વિવાદે રાજકીય ગરમાવો વધાર્યો છે.