ભારતીય ક્રિકેટ કન્ટ્રોલ બોર્ડ (BCCI)એ ભારત અને ન્યૂઝીલેન્ડ વચ્ચે રમાનાર સિરીઝના શેડ્યૂલની જાહેરાત કરી દીધી છે. જાન્યુઆરી 2026માં ન્યૂઝીલેન્ડ ટીમ ભારતના પ્રવાસે આવશે. બંને ટીમ વચ્ચે 3 વનડે અને 5 ટી20 મેચ રમાશે. ન્યૂઝીલેન્ડનો ભારત પ્રવાસ 11 જાન્યુઆરીથી 31 જાન્યુઆરી સુધી ચાલશે. જણાવી દઈએ કે, આગામી વર્ષે ફેબ્રુઆરી-માર્ચ મહિનામાં ટી20 વર્લ્ડ કપ રમાનાર છે. તે પહેલાં ન્યૂઝીલેન્ડ સામે ટી20 સિરીઝ ભારતીય ટીમ માટે વર્લ્ડ કપની તૈયારીઓની દૃષ્ટિએ મહત્વપૂર્ણ સાબિત થશે.