અમદાવાદમાં 42 કરોડ રૂપિયાની છેતરપિંડીના નાણાં પરત અપાવવાનું કહીને એક દંપતીએ વેપારી પાસે 28.50 લાખ રૂપિયા પડાવી લીધા. નિકોલમાં રહેતા જલ્પીન ભીમાણી નામના વેપારીએ આ અંગે CID ક્રાઇમમાં ફરિયાદ નોંધાવી છે. વર્ષ 2021-22માં તેમની સાથે 42 કરોડ રૂપિયાની છેતરપિંડી થઈ હતી. આ રકમ પરત અપાવવાની લાલચ આપીને થલતેજમાં રહેતા અનિલ વિભાણી અને તેની પત્ની રાજવીએ વિશ્વાસ કેળવ્યો. તેમણે પોલીસ અને મંત્રીઓ સાથે સંબંધ હોવાનું જણાવી એડવાન્સમાં નાણાંની માંગણી કરી. જલ્પીનભાઈએ કુલ 28.50 લાખ રૂપિયા ચૂકવ્યા. જ્યારે સમય વીતી ગયો અને નાણાં પાછા ન મળતાં, તેમને શંકા ગઈ અને ફરિયાદ નોંધાવતા પોલીસે તપાસ હાથ ધરી.