સુરત મહાનગરપાલિકા 5 R સિદ્ધાંત (Refuse, Reduce, Repair, Recycle, Reuse) દ્વારા પ્લાસ્ટિક કચરાના સુવ્યવસ્થાપનમાં દેશમાં પ્રથમ સ્થાન પર છે. 8 વર્ષમાં 6 લાખ મેટ્રિક ટનથી વધુ પ્લાસ્ટિક રિસાયકલ અને રીયુઝ કરાઈને 29 સ્થળોએ 38 કિલોમીટરના રોડ બનાવાયા છે. દરરોજ 200 ટન પ્લાસ્ટિક પ્રક્રિયા કરી પેલેટ્સ બનાવવામાં આવે છે, જેનાથી પર્યાવરણમાં પ્રદૂષણ ઘટે છે. SMC અને સુમુલ ડેરી સાથે મળીને પ્લાસ્ટિક થેલીઓના સંગ્રહ અને રિસાયકલિંગ માટે પણ કામ ચાલી રહ્યું છે. પ્રદૂષણ ઘટાડવા અને પ્લાસ્ટિકમુક્ત સુરત માટે નાગરિકો અને સરકારે મળીને કાર્ય ચાલુ રાખ્યું છે.