પંચમહાલ જિલ્લામાં ચાંદીપુરમ વાયરસના નિયંત્રણ માટે આરોગ્ય તંત્ર સક્રિય બન્યું છે. ગત વર્ષે અહીં 16 કેસ નોંધાયા હતા, જેમાં 7 બાળકોનું મોત થયું હતું. જિલ્લા આરોગ્ય અધિકારી ડૉ. વિપુલ ગ્રામીત અનુસાર, 595 ગ્રામ્ય વિસ્તારોમાં તબક્કાવાર ડસ્ટિંગ કામગીરી ચાલી રહી છે અને 52 પીએચસી સેન્ટરો પર 250 ટીમો કાર્યરત છે. આશા, ફીમેલ હેલ્થ અને મલ્ટિપર્પઝ વર્કર્સ દ્વારા સર્વે અને સેમ્પલ એકત્રિત કરવામાં આવ્યા છે. પ્રાઇવેટ અને સરકારી હોસ્પિટલોમાં પણ આ માટે વિશેષ વ્યવસ્થાઓ કરવામાં આવી છે.