બનાસકાંઠા જિલ્લામાં ગ્રામ પંચાયત ચૂંટણી ૨૦૨૫ને લઇને મતદારોમાં ભારે ઉત્સાહ જોવા મળે છે. આજે સવારે ૭ વાગ્યાથી કુલ ૩૨૨ ગ્રામ પંચાયતોમા શાંતિપૂર્ણ માહોલમાં મતદાન શરૂ થયું છે. ૩૦૩ સામાન્ય અને ૧૯ પેટા ચૂંટણીઓનું આયોજન થયું છે. વરસાદી માહોલ હોવા છતાં લોકો ઉત્સાહ સાથે મતદાન માટે આવ્યા છે. જિલ્લા ચૂંટણી અધિકારી અને વહીવટી તંત્રએ લોકોને વધુમાં વધુ મતદાન કરવાનુ આહવાન કર્યુ છે. ચુસ્ત પોલીસ બંદોબસ્ત હેઠળ શાંતિપૂર્ણ રીતે મતદાન પ્રક્રિયા ચાલી રહી છે.