જેઠ મહિનાની પૂનમે મહાકાળી માતાજી મંદિર ખાતે વટ સાવિત્રી પર્વ ભવ્ય રીતે ઉજવવામાં આવ્યું. સૌભાગ્યવતી મહિલાઓએ પોતાના પતિના દીર્ઘાયુષ્ય માટે વટસાવિત્રીનું વ્રત કર્યું. આ પર્વ સાવિત્રી-સત્યવાનની પૌરાણિક કથાથી સંકળાયેલું છે જેમાં સાવિત્રીએ યમરાજ પાસેથી પતિના પ્રાણ પાછા લીધા હતા. મહાકાળી મંદિરે બહેનો સોળે શણગાર કરી શાસ્ત્રોક્ત વિધિથી વડના ઝાડનું પૂજન કર્યું. કેટલાક ઉપવાસ રાખશે, જ્યારે કેટલાક ફરાળ સાથે ઉજવણી કરશે. શહેર અને જિલ્લામાં પણ વિવિધ જગ્યાએ પૂજા આયોજન કરવામાં આવ્યા છે.