PM નરેન્દ્ર મોદી અને ડોનાલ્ડ ટ્રમ્પ વચ્ચે આજે(14 એપ્રિલ) ટેલિફોનિક વાતચીત થઈ છે. આશરે 40 મિનિટ સુધી ચાલેલી આ લાંબી ચર્ચામાં બંને નેતાઓ વચ્ચે વૈશ્વિક મુદ્દાઓ અને દ્વિપક્ષીય સંબંધો પર ઊંડાણપૂર્વક મંથન કરવામાં આવ્યું હતું. PM મોદી અને ટ્રમ્પ વચ્ચે આ વાતચીત એવા સમયે થઈ છે જ્યારે ટ્રમ્પે હોર્મુઝને સંપૂર્ણ રીતે બંધ કરવાનું એલાન કર્યું છે. PM મોદીએ ટ્રમ્પ સાથે થયેલી વાતચીતની માહિતી આપતા કહ્યું કે, આ વાતચીત દરમિયાન દ્વિપક્ષીય સહયોગમાં થયેલી મહત્ત્વપૂર્ણ પ્રગતિની સમીક્ષા કરાઈ. આ સિવાય બંને વચ્ચે મિડલ ઈસ્ટની સ્થિતિ પર પણ ચર્ચા થઈ.

છત્તીસગઢમાં વેદાંતા પાવર પ્લાન્ટમાં બોઇલર ફાટતાં ભયાનક વિસ્ફોટ થયો છે. રિપોર્ટ મુજબ, આ ઘટનામાં 9 શ્રમિકોના મોત થયા હોવાની અને 30થી 40 શ્રમિકો દાઝ્યા હોવાની માહિતી સામે આવી છે, જેના કારણે મોતનો આંકડો વધવાની આશંકા વ્યક્ત કરવામાં આવી છે. રિપોર્ટ મુજબ, રાજ્યના સક્તિ જિલ્લામાં સિંઘીતરાઈ ગામમાં વેદાંતાના પાવર પ્લાન્ટમાં આજે અનેક શ્રમિકો કામ કરી રહ્યા હતા. આ દરમિયાન અચાનક બોઇલર ફાટ્યા બાદ જોરદાર ધડાકો થયો હતો. જેના કારણે અહીં આખા વિસ્તારમાં અફરા-તફરી મચી ગઈ છે.

કેન્દ્ર સરકાર દ્વારા ભારતીય સંસદના નીચલા ગૃહ એટલે કે લોકસભાની સભ્ય સંખ્યામાં ધરખમ વધારો કરવાની દરખાસ્ત મૂકવામાં આવી છે. મળતી માહિતી અનુસાર, સરકારે સાંસદો સાથે 'બંધારણ (131મો સુધારો) બિલ, 2026' શેર કર્યું છે. આ બિલમાં લોકસભાની કુલ બેઠકોની મર્યાદા વધારીને 850 કરવાની જોગવાઈ કરવામાં આવી છે. આ બિલ આગામી વસતી ગણતરીના આધારે લોકસભા બેઠકોની સંખ્યા વધારીને વધુમાં વધુ 850 કરવા, મતવિસ્તારોના પુનઃનિર્ધારણ અને મહિલા અનામતના અસરકારક અમલીકરણ માટે વૈધાનિક માર્ગ મોકળો થશે.

બિહારના રાજકારણને લઈને મોટા સમાચાર સામે આવ્યા છે. બિહારના સૌથી લાંબા સમય સુધી મુખ્યમંત્રી રહેલા નીતિશ કુમારે મુખ્યમંત્રી પદેથી રાજીનામું આપી દીધું છે. નીતિશ કુમારના રાજીનામા બાદ ભાજપના નેતૃત્વવાળી સરકાર માટે રસ્તો ખુલ્લી ગયો છે. એવું કહેવામાં આવી રહ્યું છે કે હવે બિહારની સત્તા સમ્રાટ ચૌધરીના હાથમાં સોંપવામાં આવશે. એટલે કે સમ્રાટ ચૌધરી બિહારના નવા મુખ્યમંત્રી બનશે. 'સુશાસન બાબુ' તરીકે જાણીતા નીતિશ કુમારે બિહારના મુખ્યમંત્રી પદેથી રાજીનામું આપ્યું છે. હવે તેઓ રાજ્યસભાના સભ્ય તરીકે શપથ લેશે અને કેન્દ્રીય રાજકારણમાં સક્રિય ભૂમિકા ભજવશે.

ઉત્તર ભારતની કનેક્ટિવિટીમાં એક નવો અધ્યાય જોડાવા જઈ રહ્યો છે. PM નરેન્દ્ર મોદી મંગળવારે 213 કિલોમીટર લાંબા દિલ્હી-દેહરાદૂન આર્થિક કોરિડોરનું ઉદ્ઘાટન કરશે. ₹12,000 કરોડના ખર્ચે બનેલો આ છ-લેનનો એક્સપ્રેસ-વે દિલ્હી, ઉત્તર પ્રદેશ અને ઉત્તરાખંડને એકબીજાની વધુ નજીક લાવશે. ઉદ્ઘાટન પૂર્વે વડાપ્રધાન ધાર્મિક અને પર્યાવરણીય મુલાકાત પણ લેશે. વન્યજીવ કોરિડોર નિરીક્ષણ પણ તેઓ કરશે. વડાપ્રધાન સહારનપુર (UP) ખાતે એશિયાના સૌથી લાંબા વન્યજીવ એલિવેટેડ કોરિડોરની સમીક્ષા કરશે.

પશ્ચિમ એશિયામાં વધતા તણાવ વચ્ચે ઉર્જા સુરક્ષા સુનિશ્ચિત કરવા ભારતે ફરી રશિયા પાસેથી સસ્તું ક્રૂડ મેળવવાની રણનીતિ તેજ કરી છે. માર્ચ ૨૦૨૬માં રશિયા પાસેથી ક્રૂડની આયાત પ્રતિદિન ૧.૯૮ મિલિયન બેરલ સુધી પહોંચી છે, જે જૂન ૨૦૨૩ પછીનો સૌથી મોટો ઉછાળો છે. જોકે, એપ્રિલમાં આ આયાત ઘટીને ૧.૫૭ મિલિયન બેરલ થઈ છે, જેનું મુખ્ય કારણ માંગમાં ઘટાડો નહીં પરંતુ નાયરા એનર્જીની રિફાઇનરીમાં ચાલી રહેલું ટેકનિકલ મેન્ટેનન્સ શટડાઉન છે. ભારત સરકાર હાલ વૈશ્વિક અસ્થિરતા વચ્ચે રશિયન તેલ દ્વારા દેશની જરૂરિયાતો પૂરી કરવા પર ધ્યાન કેન્દ્રિત કરી રહી છે.

ભાવનગરના સરદારનગર સ્થિત નંદાલય હવેલીમાં 13 એપ્રિલ 2026ના રોજ વલ્લભાચાર્યજી શ્રીમહાપ્રભુજીનો પ્રાગટ્યોત્સવ Anandbavaના માર્ગદર્શન હેઠળ ઉજવાયો. જેમાં અનેક ધાર્મિક કાર્યક્રમો જેવા કે ધોળ પદ કીર્તન આધારિત અંતાક્ષરી, રાસની રમઝટ, છબીલાજી પ્રભુના વિવાહ ખેલ મનોરથ, પ્રભાતફેરી, સમૂહપાઠ, મંગલા આરતી, ફૂલ મંડળી અને વલ્લભ સાખીનું આયોજન થયું. આયોજનમાં રમેશભાઈ મહેતા, વિજયભાઈ જગડ અને સર્વે વૈષ્ણવોએ જહેમત ઉઠાવી.

સુરતના મોટા વરાછા વિસ્તારમાં એક સ્કોર્પિયો કારે ત્રણ મહિલાને ટક્કર મારી, જેમાં એકનું ઘટનાસ્થળે જ મોત થયું. આ અકસ્માતમાં બે મહિલા ગંભીર રીતે ઘાયલ થઈ છે. 19 વર્ષીય કાર ચાલક રોશન માલવિયા અને તેના મિત્રો ભાડેથી સ્કોર્પિયો કાર લઈ રખડવા નીકળ્યા હતા, ત્યારે આ ઘટના બની. લોકોએ રોશનને પકડીને માર માર્યો, પોલીસે તેની અટકાયત કરી છે અને વધુ તપાસ હાથ ધરી છે.

સુરતમાં ગરમીથી રાહત મેળવવા તાપી નદીમાં નહાવા પડેલા ડીંડોલીના યુવકનું ડૂબી જવાથી મોત. 31 વર્ષીય વિકાસ તેના મિત્રો સાથે ડભોલી બ્રિજ નીચે નદીમાં નહાવા પડ્યો અને ડૂબી ગયો. ફાયર બ્રિગેડે બીજા દિવસે મૃતદેહ શોધી કાઢ્યો. પરિવારે આર્થિક આધાર ગુમાવ્યો.

પ્રધાનમંત્રી નરેન્દ્ર મોદીએ તમિલ નવા વર્ષ પુથાંડુ નિમિત્તે શુભેચ્છાઓ પાઠવી. PM મોદીએ દેશના વિકાસ અને અન્ય મહત્વપૂર્ણ મુદ્દાઓ પર નેતાઓ સાથે વાતચીત કરી હતી. આ શુભ અવસરે દેશવાસીઓને શુભેચ્છા આપવામાં આવી અને દેશની પ્રગતિ માટે પ્રાર્થના કરવામાં આવી.

રાજકોટમાં ચૂંટણી ટાણે શાંતિ જાળવવા પોલીસની મેગા ડ્રાઈવ જેમાં દારૂના ગેરકાયદેસર વેપલા સાથે સંકળાયેલા 4 નામી બુટલેગરો વિરુદ્ધ PASA હેઠળ કાર્યવાહી થઈ છે. ભાવેશ ભોજા, રાજુ પોલા, સામત ભીમા અને રાજુ ડાયા જેવા આરોપીઓની ધરપકડ કરી સુરત, વડોદરા, અમદાવાદ અને ભુજની જેલોમાં ખસેડાયા છે.

ગુજરાતમાં ચૂંટણી ટાણે PCB ટીમે નરોડામાં દરોડા પાડી વિદેશી દારૂનો મોટો જથ્થો ઝડપ્યો. બુટલેગરોએ ભાગવાનો પ્રયાસ કર્યો, પોલીસે પીછો કરી આંતર્યા. પોલીસે 4.85 લાખનો દારૂ જપ્ત કર્યો અને 12.95 લાખનો મુદ્દામાલ જપ્ત કર્યો. પોલીસે બે શખ્સોની ધરપકડ કરી હતી, જે દારૂની હેરાફેરીમાં સંડોવાયેલા હતા.

અમદાવાદના કાલુપુર રેલ્વે સ્ટેશન પર ACBએ ટ્રેપ ગોઠવી ચીફ ક્લાર્કને ₹100ની લાંચ લેતા ઝડપ્યો. ટિકિટ ઇસ્યુ કરતી વખતે મુસાફરો પાસેથી વધુ રૂપિયા લેતો હતો. ACB એક્શનમાં આવી, કારણ કે પેસેન્જરો પાસેથી ટિકિટ દીઠ ₹10 થી 500 સુધીની લાંચ માંગવામાં આવતી હતી. ડીકોય લાંચના છટકામાં તે પકડાઈ ગયો.

સ્થાનિક સ્વરાજ્યની ચૂંટણીને કારણે, પોલીસે ગેરકાયદેસર પ્રવૃત્તિઓ પર નજર રાખીને, નરોડામાં PCB ટીમે ફિલ્મી ઢબે દારૂ ભરેલી ગાડી ઝડપી. રાજસ્થાનથી આવેલો દારૂ પીસીબી ટીમે રોકવાનો પ્રયત્ન કરતા, કાર ચાલકે ગાડી ભગાવી. પોલીસે પીછો કરી કારનો કાચ તોડી ડ્રાઇવરને બહાર કાઢ્યો. પોલીસે બે આરોપીઓની ધરપકડ કરી અને 1785 દારૂની બોટલો મળી. ક્રાઇમ બ્રાન્ચે પણ નરોડામાંથી 58,000નો દારૂનો જથ્થો ઝડપ્યો.

ગીર સોમનાથમાં ભાજપના "વિજય વિશ્વાસ" કાર્યક્રમમાં મહિલા ઉમેદવારોની ગેરહાજરી ચર્ચામાં રહી. Ticket મહિલાને, પણ ખુરશી પર પતિઓ બિરાજમાન હતા. સાંસદ અને ધારાસભ્યએ ટકોર કરી કે બહેનોને ઘરની બહાર કાઢજો. આ ઘટના 'સરપંચ પતિ' જેવી પ્રથાઓ યથાવત્ હોવાનું દર્શાવે છે અને મહિલા સશક્તિકરણ પર સવાલ ઉઠાવે છે. Women empowerment આંકડામાં છે પણ વાસ્તવિકતા જુદી છે.

નોઇડામાં સેંકડો કર્મચારીઓ રસ્તા પર ઉતરતા હંગામો થયો, ફેક્ટરીઓમાં તોડફોડ થઈ. પોલીસની તૈયારી કેમ નહોતી? LIUની નિષ્ફળતા કે બેદરકારી? ગુરૂગ્રામની ઘટનાથી પાઠ લેવાયો નહીં. 9 એપ્રિલથી હડતાલ શરૂ થઈ હતી, છતાં પોલીસ બળ વધારાયું નહોતું. આંદોલનકારીઓ પર નજર રાખવામાં આવી નહોતી?

વડાપ્રધાન નરેન્દ્ર મોદી 14મી એપ્રિલે 28મી વખત ઉત્તરાખંડની મુલાકાતે જશે. તેઓ દિલ્હી-દેહરાદૂન EXPRESSWAY અને અન્ય પ્રોજેક્ટ્સનું ઉદ્ઘાટન કરશે, જે કનેક્ટિવિટી અને વિકાસને પ્રોત્સાહન આપશે. તેઓ સહારનપુરમાં વાઇલ્ડલાઇફ કોરિડોરનું નિરીક્ષણ કરશે અને દહેરાદૂનના દાટ કાલી મંદિરમાં દર્શન કરશે. તેઓ રોડ શો કરશે અને ત્યારબાદ દિલ્હી-દેહરાદૂન ECONOMIC કોરિડોરનું ઉદ્ઘાટન કરશે. ટિહરીમાં 1000 મેગાવોટના પંપ સ્ટોરેજ પ્લાન્ટનું લોકાર્પણ કરવામાં આવશે. દિલ્હી-દેહરાદૂનની મુસાફરી 6 કલાકથી ઘટીને 2.5 કલાકની થશે.

નોઇડામાં મજૂરોના આંદોલનને પગલે યોગી સરકારે મજૂરોના Minimum Wageમાં ₹1,000થી ₹3,000 સુધીનો વધારો કર્યો છે. આ નવો નિયમ 1 એપ્રિલ, 2026થી લાગુ થશે. નોઈડા, ગ્રેટર નોઈડા અને ગાઝિયાબાદના Unskilled મજૂરનો પગાર વધીને ₹13,690 થશે. અન્ય મહાનગરપાલિકા વિસ્તારોમાં ₹13,006 થી ₹16,025 ની વચ્ચે પગાર મળશે અને નાના જિલ્લાઓમાં ₹12,356 થી ₹15,224 ની વચ્ચે વેતન મળશે. સરકારે આ નિર્ણય મજૂરોને રાહત આપવા લીધો છે.

સુરત 'ઓર્ગન ડોનર સિટી' તરીકે ઓળખાય છે. બ્રેઈનડેડ રત્નકલાકારના પરિવારે અંગદાનનો નિર્ણય લીધો, જેનાથી 7 જરૂરિયાતમંદ દર્દીઓને નવું જીવન મળ્યું. રત્નકલાકાર અમદાવાદથી પરત ફર્યા બાદ ઢળી પડ્યા, અને તેમને બ્રેઈનડેડ જાહેર કરવામાં આવ્યા. પરિવારે સમાજ માટે દાખલો બેસાડ્યો. હૃદય, ફેફસા, કિડની, લિવર અને ચક્ષુદાન જેવા અંગોનું દાન કરવામાં આવ્યું.

હવામાન વિભાગે 14થી 20 એપ્રિલ સુધી આકરી ગરમીની આગાહી કરી છે, તાપમાન 41 ડિગ્રીથી વધુ રહેવાની શક્યતા છે. AMC દ્વારા 'હોટસ્પોટ' નક્કી કરાયા છે, જેની માહિતી વેબસાઇટ પર મળશે. વધતી ગરમીથી બચવા AMC દ્વારા હીટ એક્શન પ્લાન અમલી બનાવાયો છે, જેમાં ORS અને પીવાના પાણીની સુવિધા ઉપલબ્ધ કરાવાઈ છે. હોસ્પિટલોમાં સ્પેશિયલ બેડ અને શાળાઓના સમયમાં ફેરફાર કરાયા છે. AMTS-BRTS દ્વારા પણ મુસાફરો માટે ખાસ વ્યવસ્થા કરાઈ છે.

ગુજરાતમાં માવઠા બાદ ગરમીનો રાઉન્ડ શરૂ; 10 શહેરોમાં તાપમાન 40 ડિગ્રીને પાર. રાજકોટ 42.4 ડિગ્રી સાથે સૌથી ગરમ. અમદાવાદમાં 41 ડિગ્રી તાપમાન નોંધાયું. છેલ્લા બે દિવસથી કાળઝાળ ગરમીની શરૂઆત થઈ. આગામી સાત દિવસમાં વરસાદની કોઈ શક્યતા નથી અને ગરમી યથાવત રહેશે.

અમરેલીમાં ચૂંટણી પેટ્રોલિંગ દરમિયાન ખાંભા પોલીસે વોન્ટેડ આરોપીને પકડ્યો, જેની કારમાંથી દારૂ અને ગુજરાત પોલીસનું નકલી ID મળ્યું. આરોપી અમદાવાદના હનીટ્રેપ કેસનો મુખ્ય આરોપી ચિરાગ જાદવ છે, જે ફરાર હતો. તેણે નકલી પોલીસ બનીને પૈસા પડાવ્યા હતા. તેની સામે મારામારી અને લૂંટ સહિત 6થી વધુ ગુના નોંધાયેલ છે. કોર્ટે 4 દિવસના રિમાન્ડ મંજૂર કર્યા છે.

સુરતમાં શાંતિ જાળવવા પોલીસ કમિશનરની ગુનેગારો સામે ઝુંબેશ, અસામાજિક પ્રવૃત્તિ અને ગુનાહિત ઇતિહાસ ધરાવતા તત્વોને ડામવા PASA હેઠળ કાર્યવાહી. છેલ્લા આઠ દિવસમાં 31 આરોપીઓ વિરુદ્ધ PASA વોરંટ ઈશ્યુ કરાયા અને અમદાવાદ, વડોદરા જેવી જેલોમાં મોકલાયા. ચાલુ વર્ષે 257 આરોપીઓ વિરુદ્ધ PASA નો ઉપયોગ થયો.

ગુજરાતમાં સ્થાનિક સ્વરાજ્યની ચૂંટણીમાં ભાજપે 300થી વધુ બેઠકો બિનહરીફ જીતી. કોંગ્રેસ દ્વારા ઉમેદવારોની તડજોડ ટાળવા રાજકોટ, સુરતમાં ફોર્મ માન્ય રહ્યા એવા ઉમેદવારોને ગુપ્ત સ્થળે ખસેડાયા. Surat મહાનગર પાલિકાની ચૂંટણીમાં કોંગ્રેસે 40 જેટલા ઉમેદવારોને શહેરથી દૂર રાખ્યા. Rajkot મહાપાલિકામાં BJP દ્વારા ઉમેદવારોના ખરીદ-વેંચાણને અટકાવવા કોંગ્રેસની વ્યુહરચના. બુધવારે ફોર્મ પરત ખેંચવાનો છેલ્લો દિવસ.

મોસમ વિભાગના જણાવ્યા મુજબ, દિલ્હીમાં તાપમાન 40 ડિગ્રી સેલ્સિયસ સુધી પહોંચી શકે છે. IMDએ દક્ષિણ-પશ્ચિમ મોન્સૂન અંગે ચિંતા વ્યક્ત કરી છે, અને જૂનથી સપ્ટેમ્બર દરમિયાન ઓછો વરસાદ થવાની શક્યતા છે. આસામ, મેઘાલય સહિત અન્ય રાજ્યોમાં 14થી 17 એપ્રિલ દરમિયાન વરસાદની શક્યતા છે. મહારાષ્ટ્ર, મધ્ય પ્રદેશ અને ઓડિશામાં લૂનું એલર્ટ છે. ઉત્તર-પશ્ચિમ ભારતમાં તાપમાન વધવાની શક્યતા છે.

ઉત્તર, મધ્ય અને પશ્ચિમી રાજ્યોમાં તાપમાન વધ્યું છે. IMD મુજબ, આગામી બે અઠવાડિયા સુધી કોઈ નવી સિસ્ટમ સક્રિય થશે નહીં, જેનાથી ગરમી વધશે. ગુજરાત, રાજસ્થાન, MP સહિત છત્તીસગઢ અને આંધ્ર પ્રદેશમાં પારો 40°C ને પાર; અરુણાચલ પ્રદેશ અને સિક્કિમમાં ભારે વરસાદની આગાહી છે. રાજસ્થાનના બાડમેર-જેસલમેરમાં પારો 41°C ને પાર થયો છે અને 16 એપ્રિલથી MP માં HEATWAVE નું એલર્ટ છે.

નવસારી જિલ્લાની ગણદેવી નગરપાલિકાની ચૂંટણીમાં પક્ષનો મેન્ડેટ નહીં હોવાનાં કારણે કોંગ્રેસનાં તમામ 20 ઉમેદવારી ફોર્મ રદ થયા હતા. જ્યારે એક અપક્ષનું ફોર્મ રદ થતાં ભાજપ કુલ 24 પૈકી 21 બેઠકો પર બિનહરીફ થઈ છે. આમ કોંગ્રેસે ગણદેવી નગર પાલિકા ગુમાવી દીધી છે. હવે મેદાનમાં 3 ઉમેદવારો છે. સંભવત: ફોર્મ ખેંચવાનાં દિવસે આ ત્રણ સીટ પણ બિન હરીફ કરવાની તૈયારી ભાજપે કરી લીધી છે.

હોર્મુઝની ખાડીમાં તણાવ વચ્ચે ઈરાને ભારતીય જહાજો પાસેથી કોઈ 'ટોલ ટેક્સ' નહીં વસૂલવાનો નિર્ણય કર્યો છે. ઈરાને ભારતને પોતાનો વિશ્વસનીય સાથી ગણાવીને મુશ્કેલ સમયમાં સુરક્ષિત રસ્તો આપવાની ખાતરી આપી છે. ઈરાનના રાજદૂતે જણાવ્યું કે ભારત સરકારને પૂછી શકો છો કે શું અમે અત્યાર સુધી કોઈ રકમ વસૂલી છે?

સૌરાષ્ટ્રના જિલ્લાઓમાં વૃદ્ધોને નિશાન બનાવી ઘરેણાંની ચીલ ઝડપ કરનાર સુનિલ ઉર્ફે લાંબો સોલંકીને પોલીસે PASA હેઠળ જેલમાં ધકેલી દીધો છે. આરોપી અશક્ત વૃદ્ધોને ટાર્ગેટ કરતો, તેમના ગળામાંથી સોનાના ઘરેણાં ખેંચી ફરાર થઈ જતો. તેની સામે રાજકોટ, જામનગર, જૂનાગઢ, અમરેલીમાં ગુના નોંધાયેલા છે. તેની ગુનાહિત પ્રવૃત્તિઓને રોકવા માટે પોલીસે PASA હેઠળ કાર્યવાહી કરી છે.

સુરત મ્યુનિસિપલ કોર્પોરેશનની ચૂંટણી પહેલા AAPમાં આંતરિક અસંતોષ સામે આવ્યો. ઉમેદવારોની પસંદગીને કારણે કાર્યકરોમાં રોષ છે. ખાસ કરીને વિવાદાસ્પદ ચહેરાઓને ટિકિટ આપવા મુદ્દે નારાજગી છે. શહેર મહિલા મોરચાના 9 હોદ્દેદારોએ રાજીનામા આપ્યા, પૈસા લઇને ટિકિટ આપવાનો આક્ષેપ કરાયો. શહેર મહિલા પ્રમુખ નીતા પટેલે આક્રોશ ઠાલવતા જણાવ્યું કે, પાર્ટીમાં મહિલાઓ સાથે અન્યાય થયો છે, અને પૈસાદાર લોકોને ટિકિટો વેચાઈ છે.