રાજ્યના નાગરિક પુરવઠા વિભાગનું ઓનલાઈન સર્વર છેલ્લા ચાર દિવસથી ખોરવાઈ ગયું છે, જેના કારણે સમગ્ર રાજ્યમાં રેશનિંગ વિતરણ વ્યવસ્થા સંપૂર્ણપણે પડી ભાંગી છે. નવરાત્રી નજીક હોવા છતાં, સર્વરમાં ટેકનિકલ ખામી સર્જાતા અમદાવાદ સહિત 72 લાખથી વધુ કાર્ડધારકો મુશ્કેલીમાં મુકાયા છે. ઓક્ટોબર મહિનાનું અનાજ અને ખાંડ લેવા માટે લોકોને વ્યાજબી ભાવની દુકાનોના ધક્કા ખાવા પડી રહ્યા છે. તહેવારોનો સ્પેશિયલ જથ્થો પણ પહોંચી ગયો હોવા છતાં, ઓનલાઈન એન્ટ્રી વગર વિતરણ શક્ય નથી, જેના કારણે દુકાનદારો અને ગ્રાહકો વચ્ચે ઘર્ષણ સર્જાઈ રહ્યું છે. 'તેલિયા ચોખા'નું વિતરણ પણ અટકી પડ્યું છે.