ગુજરાત માધ્યમિક અને ઉચ્ચતર માધ્યમિક શિક્ષણ બોર્ડે શૈક્ષણિક વર્ષ 2025-26 માટે શાળાકીય કેલેન્ડર જાહેર કર્યું છે. નવી શાળા વર્ષની શરૂઆત 9 જૂન 2025થી થશે અને પ્રથમ સત્ર 15 ઓક્ટોબર સુધી ચાલશે. દિવાળી વેકેશન 16 ઓક્ટોબરથી 5 નવેમ્બર સુધી હશે. બીજું સત્ર 6 નવેમ્બર 2025થી 3 મે 2026 સુધી રહેશે, જેમાં કુલ 249 કાર્યદિવસ રહેશે. ઉનાળુ વેકેશન માટે 35 અને દિવાળી માટે 21 દિવસની રજા મળશે. ધોરણ 10 અને 12ની બોર્ડ પરીક્ષા 27 ફેબ્રુઆરી 2026થી શરૂ થશે, અને સંપૂર્ણ સમયપત્રક બોર્ડ દ્વારા જાહેર કરવામાં આવશે.