ગોધરા કલેક્ટર કચેરીમાં જમીન વિવાદનો એક કિસ્સો સામે આવ્યો છે. નિસાર એહમદ અબ્દુલરઉફ ઝભાએ બી ડિવિઝન પોલીસ સ્ટેશનમાં નોન કોગ્નીઝેબલ ફરિયાદ નોંધાવી છે. ફરિયાદ મુજબ, દરૂણિયા પાસેની સર્વે નંબર 661/26 અને 661/27/1ની જમીનનો કેસ કલેક્ટર કચેરીમાં ચાલી રહ્યો છે. 9 જૂનના રોજ નિસાર તેમના કાકાના દીકરા સુલેમાન ઇશાક ઝભા સાથે કેસની મુદત માટે કચેરીએ ગયા હતા. આ દરમિયાન ઐયુબ એહમદ કલંદર અને યાકુબ ઇશાક કલંદર નામના બે વ્યક્તિઓએ ત્યાં આવીને તેમણે ખોટો કેસ પાછો ખેંચી લેવા દબાણ કર્યું. આરોપીઓએ કેસ પાછો ન ખેંચવા પર જાનથી મારી નાખવાની ધમકી આપી અને અપ શબ્દો બોલ્યા. 14 જૂનના રોજ નિસાર ઝભાએ બંને આરોપીઓ વિરુદ્ધ પોલીસ ફરિયાદ નોંધાવી છે. પોલીસે આ મામલે તપાસ શરૂ કરી છે.