ગુજરાતના ગીરના જંગલમધ્યે, ગીર સોમનાથ જિલ્લાના દ્રોણ ગામમાં આવેલું છે 'દ્રોણેશ્વર મહાદેવ' શિવાલય. આ અતિપૌરાણિક મંદિર મહાભારતકાળનું છે, જેની સ્થાપના પાંડવો-કૌરવોના ગુરુ દ્રોણાચાર્યએ કરી હતી. દંતકથા અનુસાર, દ્રોણાચાર્ય મચ્છુન્દ્રી નદી કાંઠે આવ્યા હતા જ્યાં તેમણે ભગવાન ભોળાનાથની ઉપાસના માટે શિવલિંગ સ્થાપ્યું. યોગ શક્તિથી તેમણે શિલામાં તીર મારી ગંગાજી પણ પ્રગટ કર્યા, જે આજે પણ શિવલિંગ પર અવિરત જળધારા સ્વરૂપે વહે છે. વિજ્ઞાન પણ આ રહસ્ય જાણી શક્યું નથી. અહીં નંદીના મુખમાંથી નીકળતી જળધારા શિવલિંગ પર પડે છે. સ્થાનિકો અને પ્રવાસીઓ માટે આ શ્રદ્ધાનું કેન્દ્ર છે.