દાહોદ જિલ્લાના દેવગઢ બારીઆ અને ધાનપુર તાલુકામાં મનરેગા યોજનાના ગેરરીતિ મામલે એજન્સીઓ અને સરકારી અધિકારીઓ સામે પોલીસ ફરિયાદ નોંધાઈ હતી. તપાસ દરમ્યાન કામ અપૂર્ણ હોવા છતાં ખોટા પુરાવા રજૂ કરીને પૂર્ણ પેમેન્ટ આપવામાં આવ્યું હોવાનું આવ્યું હતું. આમાં કરાર આધારિત કર્મચારીઓ સહિત અનેકના નામ આવ્યાં, જેમાં ડીઆરડીએના તત્કાલીન ડીડીપીસી હામીદ આલમને દાહોદ પોલીસે અટકાયત કરી હતી. ચાર દિવસના રિમાન્ડ બાદ હામીદ આલમને જ્યુડિશિયલ કસ્ટડીમાં મોકલાયો છે. આ મામલે રાજ્ય મંત્રી બચુભાઈ ખાબડના પુત્રો સહિત વધુ કર્મચારીઓની ધરપકડ થઈ છે.