વડોદરા સાયબર ક્રાઈમ બ્રાન્ચે બેંક લોન અપાવવાના નામે લાખો રૂપિયાની છેતરપિંડી કરતી દિલ્હી સ્થિત ગેંગનો પર્દાફાશ કર્યો છે. પોલીસે આ કૌભાંડના મુખ્ય સૂત્રધાર જિતેન્દ્રકુમાર મૌર્ય અને અભિષેક હેમલકુમારને દિલ્હીથી ઝડપી પાડ્યા છે. આરોપીઓ ગેરકાયદે કોલ સેન્ટર ચલાવી, પ્રોસેસિંગ ફી અને GSTના નામે નિર્દોષ નાગરિકો પાસેથી ઓનલાઈન પૈસા પડાવતા હતા. પોલીસે તેમની પાસેથી મોબાઈલ, લેપટોપ અને સિમકાર્ડ સહિતનો મુદ્દામાલ જપ્ત કર્યો છે.