સુરતના પાંડેસરા વિસ્તારમાં સ્પેશિયલ ઓપરેશન ગ્રુપ (SOG) અને આરોગ્ય વિભાગે સંયુક્ત કાર્યવાહી કરીને 16 બોગસ ડોક્ટરોને ઝડપી પાડ્યા છે. આ આરોપીઓ, જેઓ અગાઉ કમ્પાઉન્ડર તરીકે કામ કરતા હતા અને જેમની શૈક્ષણિક લાયકાત ઓછી હતી, તેઓ બિહાર અને પશ્ચિમ બંગાળ જેવા રાજ્યોમાં પણ પ્રેક્ટિસ કરી ચૂક્યા છે. તેઓ લેબર વિસ્તારોમાં સામાન્ય બીમારીઓની સારવારના નામે એલોપેથીક દવાઓ આપી લોકોના જીવ જોખમમાં મૂકતા હતા. તેમની પાસેથી મોટી માત્રામાં દવાઓ જપ્ત કરવામાં આવી છે.