મૈસુર શહેરમાં ગુજરાતની હસ્તકલા, સંસ્કૃતિ અને પરંપરાએ ‘વોકલ ફોર લોકલ’ અને ‘આત્મનિર્ભર ભારત’ના સંકલ્પને ઉજાગર કર્યો. ઇન્ડેક્ષ્ટ-સી દ્વારા આયોજિત ૧૦ દિવસીય ‘ગુજરાત હસ્તકલા ઉત્સવ-૨૦૨૬’માં રૂ. ૧.૬૫ કરોડથી વધુનું વેચાણ નોંધાયું. આ ઉત્સવનો મુખ્ય ઉદ્દેશ્ય કારીગરોને સીધું બજાર પૂરું પાડી આવક વધારવાનો હતો. કચ્છી ભરતકામ, અજરખ બ્લૉક પ્રિન્ટ, બાંધણી જેવી કલાઓએ મૈસુરવાસીઓને ખૂબ આકર્ષ્યા. સાંસ્કૃતિક કાર્યક્રમોમાં રાસ, ગરબા અને ટીપણી નૃત્ય યોજાયા. ૧,૨૦૦થી વધુ વિદ્યાર્થીઓ માટે તાલીમ સત્ર પણ આયોજિત થયું, જેમાં મુક-બધિર વિદ્યાર્થીઓને વિશેષ તાલીમ અપાઈ.