વડોદરાથી દિલ્હી જતી ઈન્ડિગો ફ્લાઇટમાં GPU ટેકનિકલ ખામી સર્જાતા AC અને લાઇટો બંધ થઈ, મુસાફરો 25 મિનિટ અંધારપટ અને ગરમીમાં પરેશાન થયા. હાથેથી પવન નાખવાની ફરજ પડી. ટેકનિકલ ટીમે પાવર પૂર્વવત કરતાં રાહત મળી.

વાઘોડિયા : વાઘોડિયાની ITM વોકેશનલ યુનિ.ના ટ્રેનિંગ અને પ્લેસમેન્ટ ડિપાર્ટમેન્ટ દ્વારા યુનિ.ના રવાલ કેમ્પસ ખાતે ભવ્ય મેગા જોબફેર-2026 યોજાયો હતો.જેમાં દેશ-વિદેશની પ્રતિષ્ઠિત 35 જેટલી કંપનીએ ભાગ લીધો હતો. જેમાં એપોલો ટાયર્સ, MRF, હિલ્ટી, RR કાબેલ, એક્સિસ બેંક,રિલાયન્સ જિયો, ટોરેન્ટ ફર્મા અને લુપિન જેવી નામાંકિત બ્રાન્ડ્સ રહી હતી. આ મેગા જોબફેરમાં ફર્મા, ઇન્ફેર્મેશન ટેકનોલોજી (IT),એન્જિનિયરિંગ, મેનેજમેન્ટ અને હેલ્થકેર જેવા વિવિધ ક્ષેત્રોમાં કુલ 1000થી વધુ ખાલી જગ્યા 800થી વધુ સ્નાતક, અનુસ્નાતક વિદ્યાર્થીએ ઇન્ટરવ્યૂ આપ્યા હતા.

શાઓમીનું રેડમી ટર્બો સિરીઝ ભારતમાં ડેબ્યુ કરશે. MediaTek Dimensity 8500-Ultra પ્રોસેસર, 16GB RAM, 512GB સ્ટોરેજ, 7560mAh બેટરી, 100W ફાસ્ટ ચાર્જિંગ, IP69K વોટરપ્રૂફ રેટિંગ સાથે. 1.5K AMOLED ડિસ્પ્લે અને 50MP કેમેરા પણ મળશે. કિંમત ₹45,000ની આસપાસ હોઈ શકે.

લગ્નજીવનમાં શારીરિક નિકટતા મહત્વની છે. વજાઇનિસ્મસ, એક સાયકોલોજિકલ બીમારી, જેના કારણે કપલ સંબંધ બાંધી શકતા નથી. આ બીમારીના કારણે સુખી લગ્નજીવનમાં તિરાડ પડે છે અને સંતાન પણ નથી થઇ શકતું. સેક્સોલોજિસ્ટ ડૉ. પારસ શાહે આ બીમારીના કારણો અને સારવાર વિશે વિસ્તૃત ચર્ચા કરી છે.

સુરેન્દ્રનગર જિલ્લામાં આરોગ્ય વિભાગની સઘન ડોર-ટુ-ડોર કામગીરી અને લોકોની જાગૃતિને કારણે ડેન્ગ્યુના કેસોમાં નોંધપાત્ર ઘટાડો થયો છે. 2019 માં 260 કેસથી ઘટીને 2026 માં માત્ર 2 કેસ નોંધાયા છે. આરોગ્ય ટીમો દ્વારા પાણીના પાત્રોની નિયમિત તપાસ અને જંતુનાશક દવાનો છંટકાવ કરવામાં આવે છે. લોકો પણ પોતાના ઘરની આસપાસ પાણી જમા ન થાય તે માટે સતર્ક બન્યા છે.

જૂનાગઢમાં આંતરરાષ્ટ્રીય હિન્દુ પરિષદ દ્વારા યુવતીઓ માટે યુવા શૈૌર્ય પ્રશિક્ષણ વર્ગ યોજાયો. જ્યાં 100 યુવતીઓએ જૂડો, કરાટે, નિશાનેબાજી, એરગન અને ખાસ કરંટ ડિવાઈસ વડે આત્મરક્ષણની તાલીમ મેળવી. આ ડિવાઈસ પર્સમાં રાખી શકાય છે અને હુમલા સમયે બટન દબાવવાથી કરંટ આપે છે, જેથી યુવતીઓ સુરક્ષિત રહી શકે.

કચ્છમાં PHC-CHCની 55 એમ્બ્યુલન્સનું સંચાલન ‘108’ને સોંપાતા ગ્રામીણ ઈમરજન્સી આરોગ્ય સેવાઓ ઝડપી બની છે. આ નિર્ણયથી કટોકટી સમયે ગ્રામીણ જનતાને તાત્કાલિક લાભ મળી રહ્યો છે, જ્યારે આરોગ્ય સ્ટાફ માટે ફિલ્ડ વર્કની વ્યવસ્થાઓ બદલાઈ છે. ડોક્ટરો અને નર્સોને ફિલ્ડ વિઝીટ અને રસીકરણ જેવી કામગીરી માટે હવે પ્રાઈવેટ વાહનો ભાડે લેવા પડે છે, જેનો ખર્ચ 'રોગી કલ્યાણ સમિતિ'માંથી ચૂકવાશે. આ પરિવર્તનથી સરકારી વાહનોનો બિનજરૂરી ઉપયોગ ઘટ્યો છે અને ઈમરજન્સી રિસ્પોન્સ સિસ્ટમ મજબૂત બની છે.

અસહ્ય ગરમીથી રાહત મેળવવા રાજપીપળા પાસેનું 'ધોબીશાલ' સ્થળ પ્રવાસીઓનું આકર્ષણ બન્યું છે. કરજણ નદીના ઠંડા પાણીમાં સ્નાન અને સુંદર નજારાનો આનંદ માણવા લોકો ઉમટી રહ્યા છે. ધોબીશાલના કાંઠે સાંજના પાંચ વાગ્યા પછી જામતી ભીડને કારણે અહીં સ્થાનિક રોજગારીની નવી તકો પણ ઊભી થઈ છે.

મુંબઈ ઈન્ડિયન્સના યુવા બેટ્સમેન તિલક વર્મા ફરી અંગત જીંદગીને લઈને ચર્ચામાં છે. સૂર્યકુમાર યાદવના 'in love' કહેતા વીડિયો બાદ તેલુગુ અભિનેત્રી શ્રીલીલા સાથે ડેટિંગની અફવાઓ તેજ થઈ છે. અગાઉ તિરુમાલા મંદિર અને IPL મેચ વખતે બંનેની હાજરીએ ચર્ચા જગાવી હતી. જોકે, બંનેએ કોઈ પ્રતિક્રિયા આપી નથી.

કોંગો અને યુગાન્ડામાં બુંડીબુગ્યો વાયરસ (Bundibugyo virus) નામના ઈબોલાના ઘાતક સ્ટ્રેનના ફેલાવાને કારણે WHO એ જાહેર આરોગ્યની આંતરરાષ્ટ્રીય ચિંતાની કટોકટી જાહેર કરી છે. આ સ્ટ્રેન અગાઉની મોટાભાગની મહામારીઓમાં ફેલાયેલા 'ઝૈરે' (Zaire) સ્ટ્રેન કરતાં અલગ છે. બુંડીબુગ્યો સ્ટ્રેનની શોધ વર્ષ 2007-2008માં યુગાન્ડાના બુંડીબુગ્યો જિલ્લામાં થઈ હતી, જ્યાં તે પહેલીવાર સામે આવ્યો હતો. ત્યારે તેણે 116થી વધુ લોકોને સંક્રમિત કર્યા હતા અને તેના કારણે આશરે 34-40 ટકા લોકોના મોત થયા હતા.

અનુરાગ કશ્યપ પર બ્રહ્મસમાજ વિરુદ્ધ અપમાનજનક ટિપ્પણી કરવા બદલ સુરત કોર્ટે કડક વલણ અપનાવ્યું છે. કોર્ટે BNSની કલમ 196, 352, અને 353(2) હેઠળ ગુનો નોંધી કાનૂની પ્રોસેસ ઈસ્યુ કરવાનો હુકમ કર્યો છે. ફિલ્મના વિવાદિત દ્રશ્યો સામે પ્રતિક્રિયા રૂપે આ પોસ્ટ કરાઈ હતી. ફરિયાદીએ ડિજિટલ પુરાવા રજૂ કર્યા બાદ કોર્ટે આદેશ આપ્યો છે.

જયમ રવિ અંગત પીડા વ્યક્ત કરતા રડી પડ્યા. છૂટાછેડાના વિવાદ, ટ્રોલિંગ અને સિંગર કેનિશા ફ્રાન્સિસ સાથે જોડાતા નામથી કંટાળીને તેમણે જાહેરાત કરી કે જ્યાં સુધી કોર્ટ દ્વારા છૂટાછેડા મંજૂર નહીં થાય, ત્યાં સુધી તેઓ અભિનય નહીં કરે. તેમણે પત્ની અને સાસરિયા પર ગુલામ જેવી ટ્રીટમેન્ટ અને બ્લેકમેલ કરવાનો આરોપ લગાવ્યો.

તાપી જિલ્લામાં એક વર્ષમાં 4741 આરોગ્ય જાગૃતિ કેમ્પ યોજાયા, જેમાં 4.25 લાખથી વધુ નાગરિકોના બ્લડપ્રેશરની તપાસ થઈ. આ તપાસ દરમિયાન 60 હજારથી વધુ હાઇપરટેન્શન (Silent Killer) ના નવા દર્દીઓ મળ્યા, જેમની સમયસર સારવાર અને દવાઓ આપી આરોગ્ય સુરક્ષા સુનિશ્ચિત કરાઈ રહી છે.

સામાન્ય પરિવારમાંથી આવતા ડો. ચિરાગ ભોરણિયાએ ડેન્ટલ ક્ષેત્ર છોડી UPSCની તૈયારી શરૂ કરી. પિતાની બીમારી અને આર્થિક સંઘર્ષ વચ્ચે, મર્યાદિત સંસાધનો અને જાતે અભ્યાસ કરીને તેમણે સફળતા મેળવી. HIV ગ્રસ્ત બાળકો સાથેના સેવાકાર્યે તેમની વહીવટી સમજને વધુ પુખ્ત બનાવી. આખરે, તેમણે લક્ષ્યવેધ સિદ્ધ કરી ભારતીય સૂચના સેવામાં પોતાની સેવા આપી.

મલયાલમ ફિલ્મ 'વિક્રુથિ' એક સત્ય ઘટના પર આધારિત છે. કોચી મેટ્રોમાં એક મૂક-બધિર વ્યક્તિનો ફોટો ખોટી અફવા સાથે વાયરલ થતાં તેનું જીવન ઊથલપાથલ થઈ જાય છે. આ ફિલ્મ દર્શાવે છે કે સોશિયલ મીડિયા પર શેયર થતી ખોટી માહિતી કેટલી ભયાનક સાબિત થઈ શકે છે.

જીવનમાં બદલાવ અનિવાર્ય છે, છતાં લોકો એવું માને છે કે બધું સ્થિર રહેશે. વાસ્તવમાં, જીવનમાં કશું કાયમી નથી. બદલાવ અચાનક કે ધીરેધીરે આવી શકે છે. લોકો આવી પરિસ્થિતિઓ સામે લડવા અને અનુકૂલન સાધવા સક્ષમ છે. તેઓ મુશ્કેલીઓમાંથી શીખીને વધુ મજબૂત બને છે. અંગત અને વૈશ્વિક પડકારોનો સામનો કરતાં, લોકો જીવનને સામાન્ય ગતિમાં ધબકતું રાખવાનો પ્રયાસ કરે છે. આ સર્વાઇવલની પ્રક્રિયામાં, તેઓ પોતાની જાતને ભૂંસાઈ જવાથી બચાવે છે.

ઓનલાઈન દવા વેચાણ અને અન્ય મુદ્દાઓ પર ગુજરાત સહિત દેશભરના કેમિસ્ટો ૨૦મીએ એક દિવસીય હડતાળ કરશે. આ દેશવ્યાપી હડતાળમાં ગુજરાતના ૩૫ હજાર અને દેશભરના લાખો કેમિસ્ટ જોડાશે. લોકો, ખાસ કરીને જેમની દવાઓ ખાલી થઈ રહી છે, તેમણે ૨૦મી મે પહેલાં ખરીદી કરી લેવી. સરકાર દ્વારા ઓનલાઈન દવા વેચાણ પર નિયંત્રણ અને ડુપ્લિકેટ દવાઓ સામે કડક કાયદાની માંગ છે. ઇમરજન્સી સેવાઓ માટે દવાઓની ઉપલબ્ધતા સુનિશ્ચિત કરવામાં આવશે.

વેકેશનમાં નોકરીયાત માતાપિતા સમય ન આપતાં બાળકો એકલતા અને તણાવનો ભોગ બની રહ્યા છે. છેલ્લા 5 દિવસમાં 3 સગીરોએ ગુસ્સે થઈ તોડફોડ, ઘર છોડવાની અને આત્મહત્યાની ધમકી આપી, જેના પગલે 181 અભયમ હેલ્પલાઇનમાં ફરિયાદ નોંધાઈ. સાઇકોલોજિસ્ટના મતે, બાળકોને ગેજેટ્સ નહીં, પણ ક્વોલિટી ટાઇમ આપવો જોઈએ.

પોરબંદરમાં દૂધ તપાસવાનું મશીન 18 મહિનાથી બંધ છે, જેના કારણે ભેળસેળિયા દૂધનું જોખમ વધ્યું છે. 1000 ડેરીઓમાં રોજ 50,000 લિટર દૂધનું વેચાણ થાય છે, છતાં તંત્ર નિષ્ક્રિય છે. દૂધના સેમ્પલ વડોદરા મોકલવા પડે છે, જ્યાં સુધી રિપોર્ટ આવે ત્યાં સુધી દૂધ વપરાઈ જાય છે.

ઓપરેશન સિંદૂર પર ફિલ્મ બનાવવા માટે ઘણાં નિર્માતાઓ મેદાનમાં આવ્યા હતા. ઘણાં ટાઇટલ્સ રજિસ્ટર્ડ થયા, પણ એક વર્ષ પછી પણ મોટાભાગની અરજીઓ પેન્ડિંગ છે. વિવેક અગ્નિહોત્રી 'ધ અનટોલ્ડ સ્ટોરી ઓફ ધ ઇન્ડિયાઝ ડીપ સ્ટ્રાઇકસ ઇનસાઇડ પાકિસ્તાન' પર આધારિત ફિલ્મ બનાવી રહ્યા છે. બીજી ફિલ્મ 'ટેરર રિપોર્ટ' છે, જેમાં આતંકી હુમલાઓની વાત છે. નિર્માતાઓ ટાઇટલ મેળવવા માટે સંગઠનોનો સંપર્ક કરે છે. IMPA, WIFPA, IFTPC અને Producers Guild of India મુખ્ય સંગઠનો છે.

બોલિવૂડની પાવરફુલ એક્ટ્રેસ અને ન્યૂ મોમ કિયારા અડવાણીએ તાજેતરમાં મોર્ડન રિલેશનશિપ, પેરેન્ટિંગ અને પોતાની નાની દીકરી સારાયાહ મલ્હોત્રાના ભવિષ્યને લઈને એવું નિવેદન આપ્યું છે જેની સોશિયલ મીડિયામાં ખૂબ ચર્ચા થઈ રહી છે. એક પોડકાસ્ટમાં કિયારાએ જણાવ્યું કે, તે પોતાની દીકરી પર ક્યારેય કોઈ પરંપરાગત દબાણ લાવવા નથી માંગતી. તે ઈચ્છે છે કે તેની દીકરી પોતાની જિંદગી મુક્તપણે જીવે અને પોતાની પસંદગી જાતે કરે.

હેન્ટા વાઇરસ વાયરસની ઝપેટમાં આવેલા ક્રૂઝ શિપ ‘એમવી હોન્ડિયસ’ને લઈને નેધરલેન્ડ્સ સરકારે મોટો અને કડક નિર્ણય લીધો છે. આગામી સોમવારે નેધરલેન્ડ્સના રોટરડેમ બંદરે પહોંચી રહેલા આ જહાજના મોટાભાગના ક્રૂ મેમ્બર્સને આગામી 6 અઠવાડિયા માટે ફરજિયાત ક્વોરેન્ટાઈનમાં મોકલવામાં આવશે. ઓપરેટર કંપની ‘ઓશનવાઈડ એક્સપિડિશન્સ’ના રિપોર્ટ અનુસાર, આ જહાજ પર હાલ 25 ક્રૂ મેમ્બર્સ અને બે તબીબી કર્મચારીઓ સહિત કુલ 27 લોકો સવાર છે. જેમાં ફિલિપાઈન્સના 17, નેધરલેન્ડ્સના 4, યુક્રેનના 4, રશિયાનો એક અને પોલેન્ડના એક નાગરિકનો સમાવેશ થાય છે.

'ધુરંધર-2' પાકિસ્તાનમાં નંબર-1 પર ટ્રેન્ડિંગ છે. એક ક્રિએટરે વીડિયો શેર કરી દાવો કર્યો છે કે, ફિલ્મ રિલીઝ થતાં જ Netflix ક્રેશ થઈ ગયું. અગાઉ 'ધુરંધર-1'ને પણ પાકિસ્તાનીઓએ પસંદ કરી હતી. આદિત્ય ધરની ફિલ્મ પર શાહબાજ શરીફ સરકારે પ્રતિબંધ મૂક્યો હોવા છતાં, 'ધુરંધર ધી રિવેન્જ' OTT પર જોરદાર છવાઈ ગઈ છે.

કોંગોમાં ઇબોલા વાયરસથી ઓછામાં ઓછાં 65 મૃત્યુ નોંધાયાં છે અને સેંકડો લોકો તેથી સંક્રમિત છે. આ પૂર્વે 2018 થી 2020 સુધીમાં આ વાયરસના પ્રકોપથી કોંગોમાં 32 હજારથી વધુ લોકોનાં મૃત્યુ થયાં હતાં. માત્ર શ્વાસથી પણ ફેલાતા, આ ભયંકર રોગે ડેમોક્રેટિક રીપબ્લિક ઓફ કોંગો (ડીઆરસી)માં 65 નાં તો મૃત્યુ નોંધાયા જ છે. પરંતુ 100થી વધુ સંદિગ્ધોને હોસ્પિટલમાં દાખલ કરાયા છે. હજી સુધીમાં ઈબોલા સંક્રમિત તેના 246 કેસો જાણવા મળ્યાં છે.

ભરૂચ સિવિલ હોસ્પિટલમાં વધતી ગરમી અને હીટ સ્ટ્રોકના કેસોને પહોંચી વળવા ખાસ એસી વૉર્ડ શરૂ કરાયો છે. આધુનિક સુવિધાઓ, દવાઓ, ઈમરજન્સી સાધનો અને તબીબી સ્ટાફની દેખરેખ સાથે દર્દીઓને તાત્કાલિક સારવાર આપવામાં આવશે. આરોગ્ય વિભાગ સંપૂર્ણપણે સજ્જ છે અને નાગરિકોને પણ સાવચેતી રાખવા અપીલ કરાઈ છે.

'અલ્ટ્રા મોર્ડન એજન્સી'એ દાહોદ, ભાવનગર, તાપીના 1500 કર્મચારીઓના 5.88 કરોડ ચાઉં કર્યા. પેમેન્ટ શીટમાં ગરબડ કરી 'લીવ ઓન કેશ' રકમ સીધી પોતાના ખાતામાં ડાયવર્ટ કરી. નોટરી કરાવી કર્મચારીઓના હક્કો છીનવી લીધા. તપાસ બાદ રિકવરીના આદેશ, 1 કરોડ પરત મળ્યા, 4.88 કરોડની વસૂલાત બાકી.

87 વર્ષીય પદ્માકરભાઈ પાનવલકરના નિધન બાદ પરિવાર દ્વારા બરોડા મૅડિકલ કૉલેજમાં દેહદાન કરાયું, જે તેમના પરિવારનું ત્રીજું દેહદાન છે. 2010માં મોટા ભાઈ અને 2024માં પત્નીએ પણ દેહદાન કર્યું હતું. પરિવારનો આ નિર્ણય તબીબી અભ્યાસ કરતા વિદ્યાર્થીઓને સહયોગ આપવા અને સંશોધનમાં મદદરૂપ થવાના ઉમદા આશયથી લેવાયો છે.

ભારતીય સિનેમાની 'ધક-ધક ગર્લ' માધુરી દીક્ષિત આજે તેમનો 59મો જન્મદિવસ ઉજવી રહ્યા છે. 15 મે, 1967ના રોજ જન્મેલી આ અભિનેત્રીએ દાયકાઓથી પોતાની સુંદરતા અને અભિનયથી ચાહકોના દિલ જીત્યા છે. આ ખાસ અવસરે નેટફ્લિક્સ પર તેમની આગામી ક્રાઈમ-કોમેડી ફિલ્મ 'મા બેન'ની જાહેરાત કરવામાં આવી છે, જે 4 જૂન, 2026ના રોજ રિલીઝ થશે. 'તેજાબ' અને 'હમ આપકે હૈ કૌન' જેવી સુપરહિટ ફિલ્મો આપનાર માધુરી આજે પણ 'ડાન્સિંગ ક્વીન' તરીકે લોકપ્રિય છે. સોશિયલ મીડિયા પર ચાહકો અને બોલિવૂડ જગત તેમને જન્મદિવસની હાર્દિક શુભેચ્છાઓ પાઠવી રહ્યું છે.

ગુજરાતમાં 2 લાખથી વધુ બાળકો દુર્લભ બીમારીથી પીડિત છે. ભારતમાં 7 કરોડ લોકો આવી બીમારી ધરાવે છે. સ્પાઈનલ મસ્ક્યુલર એટ્રોફી જેવી બીમારીઓની દવા કરોડોમાં આવે છે. કેન્દ્ર સરકારના સેન્ટર ઓફ એક્સલન્સ હેઠળ આર્થિક સહાય મળે છે, પરંતુ રાજ્ય સરકાર દ્વારા હજુ સુધી કોઈ સહાય કેન્દ્રો શરૂ કરાયા નથી.

શિહોરી રેફરલ હોસ્પિટલમાં 7 મહિલાઓની સફળ નોર્મલ ડીલીવરી થતાં પરિવારજનોમાં ખુશી. જન્મેલા બાળકો તંદુરસ્ત. ડો. પંકજ ગોહિલ અને મેડિકલ સ્ટાફનો આભાર. ડોક્ટર-સ્ટાફ્ની ખડેપગે સેવા. હોસ્પિટલમાં આરોગ્ય સેવાઓમાં સુધારો, લોકોનો વિશ્વાસ વધ્યો.