નવસારીમાં લોક ડાયરામાં ગીતા રબારીના કાર્યક્રમમાં મોટી સંખ્યામાં લોકો ઉમટી પડ્યા. સમાજના સેવાકીય પ્રકલ્પો માટે દાતાઓએ ₹1.01 કરોડનું અનુદાન આપ્યું, જે હોસ્પિટલ, સ્કૂલ-કોલેજ, વાડી અને કન્યા છાત્રાલયના વિકાસ માટે વપરાશે.

'હમણાં પેલું બહું ચાલે છે નહીં?' - આ લાઇન જેન-ઝી માટે વપરાય છે. 1998-2012 વચ્ચે જન્મેલા આ લોકો પ્લે-લિસ્ટ સિવાય કશું નથી માનતા. તેમને જાપાન-કોરિયાના કાલ્પનિક પાત્રોમાં રસ છે, આપણા ઈષ્ટદેવમાં નહીં. તેઓ છોડને પણ માણસ માનીને આર.ઓ. પાણી આપે છે. પોતાની પેઢી સિવાય કોઈમાં રસ નથી, પણ સી.એમ.નું નામ પણ ખબર નથી. તેઓ ઓછું બોલે છે, વધુ ટાઇપ કરે છે, અને Instagram-YouTube તેમના ક્લાસરૂમ છે.

ગુરુદેવ ટાગોર, વિશ્વમાનવ અને કવિઓના કવિ, તેમનું અમદાવાદ (કર્ણાવતી) સાથે ઘનિષ્ઠ નાતું હતું. તેઓ જીવનકાળ દરમિયાન સાત વખત અમદાવાદ આવ્યા અને અહીં ‘શૈશવસંગીત’માં પ્રગટ થયેલી ત્રણ કાવ્યગાથાઓ રચી. તેમણે ‘ક્ષુધિત પાષાણ’ જેવી વાર્તાના બીજ પણ અહીં રોપ્યા. ગુજરાતી સાહિત્ય પરિષદના અધિવેશનમાં ભાગ લીધો, ગાંધીજી સાથે આશ્રમમાં રહ્યા અને અનેક ભાષણો આપ્યા. આ અમદાવાદી સ્મૃતિઓ તેમની રચનાઓમાં પ્રતિબિંબિત થાય છે.

દરેક ક્ષેત્રમાં એઆઈના વધતા પ્રભાવ વચ્ચે જાહેરાત- ફિલ્મમેકર્સને અન્ય ટેકનિકલ કામો માટે આર્ટિફિશિયલ ઈન્ટેલિજન્સના ઉપયોગની મંજૂરી આપવામાં આવી. એકેડમી ઓફ મોશન પિક્ચર આર્ટ્સ એન્ડ સાયન્સે ઓસ્કાર એવોર્ડ્સ માટેના નિયમોમાં મહત્વપૂર્ણ ફેરફારો જાહેર કર્યા છે. નવા નિયમો મુજબ, સંપૂર્ણપણે AI દ્વારા કરવામાં આવેલ અભિનય અને સ્ક્રીનપ્લે એવોર્ડને પાત્ર નહીં ગણાય. નવા નિયમો અનુસાર, અભિનય માટે હ્યુમન આટસ્ટનો સ્પષ્ટ ભાગ હોવો જરૂરી છે.

રાજકોટનું લાયન સફારી પાર્ક જુલાઈના અંત સુધીમાં ખુલવાની શક્યતા ઓછી છે. વહીવટી પ્રક્રિયા અને બાંધકામના બાકી બે ફેઝ (તબક્કા) ને કારણે ઉનાળુ વેકેશનમાં પ્રવાસીઓને નિરાશા મળશે. પ્રોજેક્ટ ખર્ચમાં ૭ કરોડનો વધારો થયો છે, જેના કારણે કામગીરી ધીમી પડી છે.

ઉત્તરાખંડના પિથોરાગઢમાં શિવ-પાર્વતી મંદિરના કપાટ ખુલ્યા, આદિ કૈલાસ યાત્રાનો શુભારંભ. 200થી વધુ શ્રદ્ધાળુઓ માઇનસ 1 ડિગ્રી તાપમાનમાં રવાના થયા. યાત્રા 5-7 દિવસમાં પૂરી થાય છે, ખર્ચ 25 હજારથી 1 લાખ રૂપિયા. PMના પ્રવાસ બાદ આકર્ષણ વધ્યું, સરહદી ગામોમાં આર્થિક બદલાવ.

મહેસાણાના ખાવડ ગામમાં 800 વર્ષ જૂનો માંડવી મહોત્સવ ઉજવાયો. વૈશાખ સુદ પૂનમના દિવસે મહાકાળી માતાજીના મંદિરે યોજાયેલા આ મહોત્સવમાં હજારો ભક્તો જોડાયા. પરંપરા મુજબ, 125 કાંસાની થાળીઓથી સજાવેલા રથ પરથી દર વર્ષે એક થાળી ચમત્કારિક રીતે નીચે પડે છે, જેને માતાજીની કૃપા માનવામાં આવે છે. આ ઉત્સવ ગામની શ્રદ્ધા અને સાંસ્કૃતિક વારસાનું પ્રતિક છે.

૧ એપ્રિલ, ૨૦૨૬ના રોજ હાઈકોર્ટે દિવંગત સુપરસ્ટાર રાજેશ ખન્ના અને અનિતા અડવાણીના સંબંધો અંગે મહત્વનો ચુકાદો આપતા અનિતાની અરજી ફગાવી દીધી છે. કોર્ટે આ સંબંધને કાયદેસરના લગ્ન તરીકે માન્યતા આપવાનો ઇનકાર કરતા તેને 'લિવ-ઇન રિલેશનશિપ' ગણાવી છે. અનિતા અડવાણીનો દાવો છે કે તેઓ એક દાયકા સુધી સાથે રહ્યા હતા અને ખાનગીમાં લગ્ન કર્યા હતા, જ્યારે રાજેશ ખન્નાના પરિવારે આ દાવાઓને નકારી કાઢ્યા છે. જોકે, અનિતાએ પોતાના સન્માન માટે કાયદાકીય લડત ચાલુ રાખવાની મક્કમતા દર્શાવી છે.

બોલિવૂડના સુપરસ્ટાર રણવીર સિંહ અને ડિરેક્ટર ફરહાન અખ્તર વચ્ચે 'ડોન 3' ફિલ્મને લઈને સર્જાયેલો વિવાદ હવે ચર્ચાનું કેન્દ્ર બન્યો છે. આ હાઈ-પ્રોફાઈલ પ્રોજેક્ટ હવે મુશ્કેલીમાં મુકાયો હોય તેમ જણાય છે. એક અહેવાલ અનુસાર, રણવીર સિંહ ઈચ્છતો હતો કે 'ડોન 3'માં તેનો નેગેટિવ રોલ આજના સમયના ટ્રેન્ડ મુજબ વધુ હિંસક અને 'ડાર્ક' હોય. રણવીરનું માનવું હતું કે પ્રેક્ષકોને અત્યારે પડદા પર લોહીલુહાણ દ્રશ્યો અને ગાળાગાળીવાળી ભાષા વધુ પસંદ આવી રહી છે. તેણે આગ્રહ રાખ્યો હતો કે ડોનના ડાયલોગ્સમાં ગાળોનો ઉપયોગ થવો જોઈએ, પરંતુ ફરહાન અખ્તર આ વિચારના સખત વિરોધમાં હતો.

મદુરાઈ શહેર વૈગાઈ નદીના કિનારે ભવ્ય કલ્લાઝાગર ઉત્સવની ઉજવણી કરી રહ્યું છે. હજારો ભક્તો ભગવાન કલ્લાઝાગરના દર્શન કરવા અને આશીર્વાદ મેળવવા એકત્રિત થયા છે. આ ઉત્સવ ધાર્મિક ઉત્સાહ અને સાંસ્કૃતિક પરંપરાઓનું અનોખું મિશ્રણ દર્શાવે છે. પરંપરા મુજબ દેવતાનો વૈગાઈ નદીમાં આગમન શુભ સંકેત માનવામાં આવે છે. ઉત્સવ દરમિયાન શહેરમાં ધાર્મિક અને સાંસ્કૃતિક માહોલ છવાઈ ગયો હતો. ભગવાન કલ્લાઝાગરના દર્શનથી ભક્તોમાં આનંદ અને ભક્તિનો માહોલ સર્જાયો.

બ્રિસ્ટલ યુનિવર્સિટીની સિનેમા લેબમાં દર્શકોની શારીરિક પ્રતિક્રિયાઓ, આંખ પટપટાવવાની ગતિવિધિ અને હૃદયના ધબકારા રેકોર્ડ કરાય છે. આ ડેટાના આધારે, સંશોધકો ભવિષ્યમાં વધુ આકર્ષક અને સાર્થક ફિલ્મો બનાવવા માટે મદદરૂપ થશે. આ ટેકનિક OTT, ગેમિંગ અને વર્ચ્યુઅલ રિયાલિટીમાં પણ બદલાવ લાવી શકે છે.

યમી ગૌતમ તેની કારકિર્દીમાં એક રોમાંચક નવો તબક્કો શરૂ કરી રહી છે, જે રહસ્ય, રમૂજ અને પારલૌકિકનું મિશ્રણ છે. પોતાની વર્સેટિલિટી માટે જાણીતી, યમી હવે એક હોરર કોમેડીમાં નવા અવતારમાં જોવા મળશે. ૭ એપ્રિલે શરૂ થયેલા શૂટિંગ સાથે, આ ફિલ્મ તેની ફિલ્મોગ્રાફીમાં એક મસ્તમજાનો ઉમેરો કરશે. ફિલ્મનું નામ હજી જાહેર થયું નથી, પરંતુ યમી એક નવી દુલ્હન તરીકે જોવા મળશે જેનું વ્યક્તિત્વ રહસ્યમય છે.

અમેરિકાના જ્યોર્જિયામાં આયોજિત 'મહાકુંભ: A Divine Gathering' ફોટો પ્રદર્શનમાં કુંભ મેળાની ઝલક જોવા મળી. વિપુલ માનેના ફોટોગ્રાફ્સ દ્વારા, ભારતીયોએ કુંભમાં હાજરી આપ્યાનો અનુભવ કર્યો, જેનાથી તેમની ત્યાં જવાની ઈચ્છા પ્રબળ બની.

ઇન્ટરનેશનલ ડાન્સ ડે નિમિત્તે, 15+ નૃત્ય સંસ્થાઓ અને સોલો પર્ફોર્મર્સ દ્વારા કમાટીબાગ એમ્ફિથિયેટરમાં સાંસ્કૃતિક કાર્યક્રમ યોજાયો. નરસિંહજીની ભક્તિગાથા, શૃંગાર, ક્રોધ જેવા ભાવની અનુભૂતિ કરાઇ. નૃત્ય કલા, ભાવનાઓની અભિવ્યક્તિ, સંસ્કૃતિનો ભાગ છે. શાસ્ત્રીય, લોક, આધુનિક નૃત્યના રંગો મંચ પર લાવ્યા.

અમદાવાદના એક ઇવેન્ટ ઑર્ગેનાઇઝરને ગેરકાયદેસર રીતે ગોંધી રાખી ઢોર માર મારવાના ગંભીર આરોપ સાથે થયેલી અરજી પર સુનાવણી કરતાં ગુજરાત હાઇકોર્ટે કિર્તીદાન ગઢવી સહિત CID ક્રાઇમ સાયબર સેલના અધિકારીઓને નોટિસ ફટકારી છે. અમદાવાદના ખોડિયારનગર વિસ્તારમાં રહેતા ઇવેન્ટ ઑર્ગેનાઇઝર જયેશ પરમારે હાઇકોર્ટમાં અરજી કરી હતી, જેમાં તેમનો દાવો છે કે વર્ષ 2025ની નવરાત્રિ ઇવેન્ટના આયોજન માટે જયેશ પરમાર અને કિર્તીદાન ગઢવી વચ્ચે ભાગીદારી થઈ હતી. જો કે હિસાબ-કિતાબ અને નાણાકીય લેવડદેવડમાં વિવાદ સર્જાયો હતો.

અભિનેતા રણવીર સિંહ અને ડિરેક્ટર આદિત્ય ધર ફરી એકવાર સાથે કામ કરવા જઈ રહ્યા છે. 'ઉરી' જેવી બ્લોકબસ્ટર ફિલ્મ આપનાર આદિત્ય ધર અને પોતાની એનર્જી માટે જાણીતા રણવીર સિંહની જોડીએ પોતાના આગામી પ્રોજેક્ટ પર કામ શરૂ કરી દીધું છે. તેમની ફિલ્મ 'ધુરંધર' ફ્રેન્ચાઇઝીની મોટી સફળતા અને પાછલી ફિલ્મમાં મળેલા શાનદાર રિસ્પોન્સ બાદ આ જોડીએ ફરી સાથે આવવાનો નિર્ણય લીધો છે. આદિત્ય ધરનું માનવું છે કે રણવીર સિંહ તેના પાત્રોને પડદા પર ખૂબ જ સુંદર રીતે જીવંત કરે છે, તેથી જ તેણે પોતાની આગામી મોટી ફિલ્મ માટે રણવીરને જ પહેલી પસંદ બનાવ્યો છે. આ ફિલ્મનું શૂટિંગ માર્ચ 2027માં શરૂ થવાની સંભાવના છે.

સિદ્ધાર્થ કન્નન સાથેની વાતચીતમાં અન્નુ કપૂરે એક જૂનો કિસ્સો શેર કરતા જણાવ્યું કે, એક ફિલ્મમાં ઇન્ટિમેટ સીન શૂટ કરતી વખતે હીરો બેકાબૂ થઈ ગયો હતો. અન્નુ કપૂરે કહ્યું કે, ડિરેક્ટરે 'કટ' બોલ્યા પછી પણ તે હીરોએ હીરોઈનને છોડી નહોતી. અંતે અભિનેત્રીએ તેનાથી પીછો છોડાવીને સેટ પરથી ભાગવું પડ્યું હતું. આ ઘટનાથી અભિનેત્રી એટલી હદે ડરી ગઈ અને માનસિક રીતે ભાંગી પડી હતી કે તે સતત બે દિવસ સુધી પોતાના રૂમમાંથી બહાર નીકળી નહોતી. જોકે, અન્નુ કપૂરે આ બંને કલાકારોના નામ જાહેર કરવાનું ટાળ્યું હતું.

વાપીના યુવાન કલાકાર કરણ વિશ્વકર્માએ દમણના ઐતિહાસિક કિલ્લા પર પૂર્વ ક્રિકેટર મહેન્દ્ર સિંહ ધોનીનું ૨૫ ફૂટ લાંબુ મહાકાય સ્કેચ બનાવીને પોતાની કલાનો પરિચય આપ્યો છે. ૫૦૦થી વધુ A4 સાઈઝના પેપર જોડીને તૈયાર કરેલી આ કલાકૃતિ પાછળ કરણે સાત દિવસનો કઠોર પરિશ્રમ કર્યો હતો. તેજ પવન અને કાગળ જોડવાના પડકારો છતાં, પોતાના મનપસંદ ખેલાડી પ્રત્યે આદર વ્યક્ત કરવા તેણે આ અનોખું ચિત્ર તૈયાર કર્યું છે. કરણની ઈચ્છા છે કે આ અદભુત ભેટ ખુદ ધોની સુધી પહોંચે.

હિન્દી સિનેમા જગત માટે માઠા સમાચાર સામે આવ્યા છે. જાણીતા પીઢ અભિનેતા ભરત કપૂરનું સોમવારે 80 વર્ષની વયે નિધન થયું છે. અહેવાલો અનુસાર, તેઓ છેલ્લા ચાર દિવસથી બીમાર હતા અને મુંબઈની સાયન હોસ્પિટલમાં સારવાર હેઠળ હતા. જોકે, તેમના મૃત્યુનું ચોક્કસ કારણ હજુ સુધી સત્તાવાર રીતે જાહેર કરવામાં આવ્યું નથી. ફિલ્મ નિર્માતા અશોક પંડિતે સોશિયલ મીડિયા પર આ દુ:ખદ સમાચારની પુષ્ટિ કરતા શ્રદ્ધાંજલિ અર્પી હતી. તેમણે ભરત કપૂર સાથેના જૂના સંસ્મરણો તાજા કરતા તેમને એક શ્રેષ્ઠ માણસ ગણાવ્યા હતા.

બોલિવૂડ અભિનેત્રી દીપિકા પાદુકોણ તેની પ્રેગ્નેન્સી દરમિયાન પણ એટલીના નિર્દેશનમાં બની રહેલી ફિલ્મ 'રાકા'નું શૂટિંગ ચાલુ રાખશે. અલ્લુ અર્જુન સાથેની આ ફિલ્મમાં દીપિકાના રોલમાં કોઈ કાપ મૂકવામાં આવ્યો નથી. જોકે, તેની સુરક્ષાને ધ્યાનમાં રાખીને ભારે એક્શન દ્રશ્યો માટે 'બોડી ડબલ'ની મદદ લેવામાં આવશે, જ્યારે ઇમોશનલ અને ડ્રામેટિક સીન્સ તે પોતે જ શૂટ કરશે. ચાહકો દીપિકાના કામ પ્રત્યેના આ સમર્પણના વખાણ કરી રહ્યા છે અને અલ્લુ અર્જુન સાથે તેની કેમિસ્ટ્રી જોવા આતુર છે.

અક્ષય કુમારની આઇકોનિક ફિલ્મ 'હેરા ફેરી 3' કોપીરાઇટ વિવાદને કારણે મુશ્કેલીમાં મુકાઈ છે. ફિલ્મના નિર્માતા ફિરોઝ નડિયાદવાલાએ ફ્રેન્ચાઇઝીના માલિકી હક બાબતે જી.પી. વિજયકુમાર અને અન્ય વિરુદ્ધ મુંબઈમાં છેતરપિંડીની FIR નોંધાવી છે. સેવન આર્ટસ ઈન્ટરનેશનલે મદ્રાસ હાઈકોર્ટમાં કરેલા દાવા સામે નડિયાદવાલાએ મજબૂત પુરાવા રજૂ કર્યા છે. આ કાનૂની લડાઈને કારણે ફિલ્મનું શૂટિંગ લાંબા સમય સુધી અટકી શકે છે, જે ચાહકો માટે નિરાશાજનક છે. આ વિવાદ ઉકેલાતા હજુ બે થી ત્રણ વર્ષનો સમય લાગી શકે તેવી શક્યતા છે.

મણિપુરનું લોકટક તળાવ ઉત્તર-પૂર્વ ભારતનું સૌથી મોટું મીઠા પાણીનું સરોવર અને કુદરતી અજાયબી છે. તેની મુખ્ય વિશેષતા માટી અને વનસ્પતિથી બનેલા 'ફુમદી' નામના તરતા ટાપુઓ છે, જેના પર લોકો ઘર બનાવીને રહે છે. અહીં વિશ્વનો એકમાત્ર તરતો રાષ્ટ્રીય ઉદ્યાન 'કેઇબુલ લામજાઓ' આવેલો છે, જે દુર્લભ 'સંગાઈ' હરણનું નિવાસસ્થાન છે. સ્થાનિકો માટે આજીવિકાનો સ્ત્રોત ગણાતું આ તળાવ હાલ પ્રદૂષણના પડકારોનો સામનો કરી રહ્યું છે, જેના સંરક્ષણ માટે તેને 'રામસર સાઇટ' જાહેર કરવામાં આવ્યું છે.

ઉનાળામાં કપડાંની પસંદગી આરામદાયક હોવી જરૂરી છે. આ સીઝનમાં સ્ત્રીઓ માટે જીન્સના અનેક 'બ્રીધેબલ' વિકલ્પો ઉપલબ્ધ છે. સ્લિટ કટ ડેનિમ, હાઈ વેસ્ટ, બુટ કટ અને વાઈડ લેગ જીન્સ ગરમીમાં વેન્ટિલેશન સાથે સ્ટાઈલિશ લુક આપે છે. ખાસ કરીને વર્કિંગ વુમન અને કોલેજ યુવતીઓ માટે 90ના દાયકાની 'રિલેક્સ્ડ ફિટ' અને 'વાઈડ લેગ' ફેશન ફરી લોકપ્રિય બની છે. આ લેટેસ્ટ ડિઝાઈન્સ પરસેવાની ચિંતા વગર આખો દિવસ કૂલ અને એલિગન્ટ રાખવામાં મદદરૂપ થાય છે, જે આત્મવિશ્વાસમાં પણ વધારો કરે છે.

લેજેન્ડ ઓફ પોપ ગણાતા માઈકલ જેક્સનની બાયોપિક ફિલ્મ 'Michael'એ નબળા રિવ્યૂ અને નિર્માણ દરમિયાનની મુશ્કેલીઓને પાછળ છોડીને બોક્સ ઓફિસ પર ઈતિહાસ રચી દીધો છે. આ ફિલ્મે વિશ્વભરમાં તેના પ્રથમ સપ્તાહમાં $217 મિલિયન(આશરે ₹1800 કરોડથી વધુ)ની કમાણી કરીને અત્યાર સુધીની કોઈપણ બાયોપિક માટે સૌથી મોટી ઓપનિંગનો વર્લ્ડ રેકોર્ડ બનાવ્યો છે. આ ફિલ્મે ક્રિસ્ટોફર નોલનની 'ઓપનહાઇમર'($180.4 મિલિયન) અને ક્વીન બેન્ડની 'બોહેમિયન રેપ્સોડી' ($124 મિલિયન)ના ઓપનિંગ રેકોર્ડ્સને પણ ધ્વસ્ત કરી દીધા છે.

આ વાર્તા 2001 ની છે, જ્યારે યુવા ભારતીય ટીમ કેન્યા અને સાઉથ આફ્રિકામાં ત્રિકોણીય શ્રેણી માટે પ્રવાસ કરી રહી હતી. ટીમમાં યુવરાજ સિંઘ નામનો એક પ્રતિભાશાળી યુવાન ખેલાડી હતો, જેને સૌરવ ગાંગુલીએ (દાદા) શિસ્તના પાઠ ભણાવ્યા. એક ઘટના પછી, ગાંગુલીએ યુવરાજને શિસ્તનું મહત્વ સમજાવ્યું, જેના પરિણામે યુવરાજે 'NatWest Series' જીતીને દાદાનું સપનું પૂરું કર્યું.

આયર્લેન્ડ, હરિયાળીથી ભરપૂર ભૂપ્રદેશ માટે 'એમરાલ્ડ ટાપુ' તરીકે ઓળખાય છે, યુરોપમાં એક અનોખો દેશ છે. પ્રવાસન સ્થળ તરીકે આયર્લેન્ડમાં પ્રાકૃતિક સૌંદર્ય માણવા માટે ટ્રિપનું પ્લાનિંગ કરવું, ડ્રાઇવિંગ માટે લાયસન્સ મેળવવું, શહેરમાં પબ્લિક ટ્રાન્સપોર્ટનો ઉપયોગ કરવો, અને VAT refund મેળવવાનું ભૂલવું નહિં. કપડાં સમજી વિચારીને પેક કરવા. આઇરિશ લોકો સાથે વિવેકપૂર્ણ વ્યવહાર રાખવો.

'ઇન્ડસ્ટ્રીમાં ટકી રહેવા અને બહોળા ઓડિયન્સ સુધી પહોંચવા માટે કમર્શિયલ નિર્ણયો લેવા જરૂરી હતા. મારે સાબિત કરવું  હતું કે હું માત્ર ગંભીર પાત્રો નિભાવતી અભિનેત્રી નથી, હું ગ્લેમરસ હિરોઈન પણ બની શકું છું...'- 'હું ફિલ્મોની પસંદગી ફિલ્મની સમગ્ર વાર્તા મને કેટલી  પ્રભાવિત કરે છે તેના આધારે કરવા માગું છું, ફિલ્મમાં મને કેવી રીતે પ્રદર્શિત કરવામાં આવશે તેના આધારે નહિ.

ફિલ્મ ધૂરંધર ભારત સહિત વિશ્વમાં રેકોર્ડ તોડી રહી છે. Aditya Dhar દિગ્દર્શિત ફિલ્મની વાર્તા, કલાકારો, સંગીત અને મેકિંગની ચર્ચા છે. તેઓ સ્ટાર ડિરેક્ટર બન્યા છે. ભારતમાં સત્ય ઘટના પર આધારિત ફિલ્મમાં કલ્પના ઉમેરી મનોરંજન પીરસ્યું છે. આ ફિલ્મ નોન-લિનિયર સ્ટોરી ટેલિંગથી પ્રભાવિત છે, જેના માસ્ટર ક્વિન્ટન ટેરેન્ટિનો છે. ટેરેન્ટિનોની ફિલ્મોમાં નોન-લિનિયર સ્ટોરી ટેલિંગ અને ફ્લેશબેકનો ઉપયોગ થાય છે, જે દર્શકોને આકર્ષે છે. Kill Bill જેવી ફિલ્મોમાં તેમની શૈલી જોવા મળે છે. તેમની ફિલ્મો દર્શકોને નૈતિકતા પર વિચાર કરવા મજબૂર કરે છે.

મલયાલમ સિનેમા હંમેશા તેની વિશિષ્ટ વાર્તાઓને કારણે જાણીતું રહ્યું છે, પરંતુ તાજેતરમાં બોક્સ ઓફિસ પર 'વાઝા 2: બાયોપિક ઓફ અ બિલિયન બોયઝ' ફિલ્મે અકલ્પનીય સફળતા મેળવીને સૌને ચોંકાવી દીધા છે. જ્યાં મોટા બજેટની ફિલ્મોને 100 કરોડ સુધી પહોંચતા પરસેવો પડી જાય છે, ત્યાં 'વાઝા 2' એ રિલીઝના માત્ર 20 દિવસમાં જ વિશ્વભરમાં 200 કરોડ રૂપિયાથી વધુનું કલેક્શન કરીને મોલિવૂડના અનેક જૂના રેકોર્ડ્સ તોડી નાખ્યા છે. આ ફિલ્મની સફળતામાં 'વર્ડ ઓફ માઉથ' એટલે કે લોકોની પ્રશંસાએ મુખ્ય ભૂમિકા ભજવી છે, જેના કારણે રિલીઝના ત્રીજા અઠવાડિયે પણ સિનેમાઘરોમાં પ્રેક્ષકોની ભીડ યથાવત જોવા મળી રહી છે.

પોરબંદરમાં ફ્લેમિંગોના પ્રણય નૃત્યની ઉજવણી માટે 2 દિવસીય પિંક સેલિબ્રેશન યોજાયું હતું. જેમાં ગુજરાત, રાજસ્થાન, મહારાષ્ટ્રના 85 પક્ષી પ્રેમીઓ જોડાયા. મોકર સાગર વેટલેન્ડ કંઝરવેશન કમિટી દ્વારા આયોજન થયું. પિંક સેલિબ્રેશન 2015 થી યોજાય છે. જેમાં ફ્લેમિંગોના પ્રણય નૃત્યની ઉજવણી થાય છે અને તજજ્ઞો દ્વારા પ્રેઝન્ટેશન આપવામાં આવ્યા હતા. સાથે ઇકો ફ્રેન્ડલી બાયનોક્યુલર બેગ પણ આપવામાં આવ્યું.