અફઘાનિસ્તાનના હિન્દુકુશ વિસ્તારમાં શનિવારે સાંજે 6.2ની તીવ્રતાનો શક્તિશાળી ભૂકંપ આવ્યો. National Centre for Seismology અનુસાર, ભૂકંપનું કેન્દ્ર 215 કિલોમીટરની ઊંડાઈએ હતું. આ કારણે પાકિસ્તાન, ઉત્તર ભારત, ચીન અને મધ્ય એશિયાના અનેક દેશોમાં તેના આંચકા અનુભવાયા. દિલ્હી-NCR અને જમ્મુ-કાશ્મીરમાં પણ લોકોએ ભૂકંપના આંચકા અનુભવ્યા અને ગભરાઈને ઘરની બહાર દોડી આવ્યા. હાલમાં કોઈ જાન-માલના નુકસાનની માહિતી નથી. હિન્દુકુશ ભૂકંપની દ્રષ્ટિએ સંવેદનશીલ વિસ્તાર છે.

મહારાષ્ટ્રમાં TET પરીક્ષાના 24 કલાક પહેલા પ્રશ્નપત્ર લીક થતાં રાજકારણ ગરમાયું છે. વિપક્ષે સરકાર પર આકરા પ્રહારો કરતા કહ્યું છે કે, જે સરકાર પરીક્ષાઓ પણ યોગ્ય રીતે કરાવી શકતી નથી, તેણે સત્તા છોડી દેવી જોઈએ. કોંગ્રેસે આ ઘટનાને વહીવટી નિષ્ફળતા ગણાવી છે. મહારાષ્ટ્ર રાજ્ય પરીક્ષા પરિષદે પરીક્ષા સ્થગિત કરવાની સત્તાવાર પુષ્ટિ કરી છે અને નવી તારીખોની જાહેરાત ટૂંક સમયમાં કરવામાં આવશે. આ કૌભાંડમાં મોટા માથાઓ સામે કડક કાર્યવાહીની માંગ કરવામાં આવી રહી છે.

કેન્દ્રીય કૃષિ રાજ્ય મંત્રી ભગીરથ ચૌધરી કમર્શિયલ કાકડી ખેતી પ્રોજેક્ટ માટે પોતાના જ મંત્રાલય હેઠળની યોજનામાંથી ₹99.03 લાખની સબસિડી મેળવી વિવાદમાં આવ્યા છે. વિપક્ષે 'ભ્રષ્ટાચાર'નો આરોપ લગાવ્યો છે. મંત્રી ચૌધરીએ કહ્યું કે તેઓ બાળપણથી ખેડૂત છે અને 2018માં (મંત્રી બન્યા પહેલા) જ અરજી કરી હતી. તેમણે તમામ વિગતો જાહેર કરી છે અને કહ્યું કે દેશભરમાં હજારો ખેડૂતો આવી સબસિડી લે છે. તેઓ આ ફાર્મનો ઉપયોગ ખેડૂતોને ટ્રેનિંગ આપવા માટે કરે છે.

અમદાવાદ શહેરના લોકો અને વિદ્યાર્થીઓની સુરક્ષા સુનિશ્ચિત કરવા માટે અમદાવાદ ફાયર એન્ડ ઇમરજન્સી સર્વિસિસ (AFES) દ્વારા ફાયર સેફ્ટીના નિયમોનું પાલન ન કરતી સંસ્થાઓ સામે સઘન ચકાસણી ઝુંબેશ હાથ ધરાઈ હતી. આ ઝુંબેશ હેઠળ, 154 હોટલો અને 62 શૈક્ષણિક/કોચિંગ સંસ્થાઓને ફાયર સેફ્ટી નિયમોના ઉલ્લંઘન બદલ નોટિસ ફટકારવામાં આવી છે. ગંભીર બેદરકારી દાખવનાર 13 હોટલો અને 1 શૈક્ષણિક સંસ્થા સહિત કુલ 14 એકમોને તાત્કાલિક અસરથી સીલ કરવામાં આવ્યા છે. આ કાર્યવાહી શહેરમાં નાગરિકોની સુરક્ષા સુનિશ્ચિત કરવાના ઉદ્દેશ્ય સાથે આગામી દિવસોમાં પણ ચાલુ રહેશે.

અમેરિકા-ઈરાન શાંતિ વાર્તા બાદ ઈરાની ક્રૂડ પરના પ્રતિબંધ હટ્યા છે અને સ્ટ્રેટ ઓફ હોર્મુઝ પણ ખુલ્યું છે. આ કારણે ઈરાની ક્રૂડ સસ્તું થઈ ગયું છે અને વચેટિયાઓ ભારતીય રિફાઇનરીઓને પ્રતિ બેરલ 3-4 ડોલર સસ્તા ભાવે ઓફર કરી રહ્યા છે. જોકે, ભારતીય રિફાઇનરીઓની સંગ્રહ ક્ષમતા મર્યાદિત છે અને મોટાભાગનો પુરવઠો પહેલેથી જ સુરક્ષિત છે. વિવિધ દેશો સાથેના કરાર અને મોટા ક્રૂડ રિઝર્વને કારણે ભારત સસ્તું ઈરાની ક્રૂડ વધુ ખરીદી શકતું નથી.

મહારાષ્ટ્રમાં TET પરીક્ષાનું પેપર લીક થતાં રાજ્ય વહીવટીતંત્રે એક મોટો નિર્ણય લીધો છે. 28 જૂન, 2026 ના રોજ યોજાનારી આ પ્રતિષ્ઠિત શિક્ષક પાત્રતા પરીક્ષા (TET) પેપર લીક થવાની આશંકાને કારણે તાત્કાલિક અસરથી રદ કરવામાં આવી છે. ઠાણે વિસ્તારમાંથી પેપર લીક થયાની માહિતી મળતાં, પરીક્ષાની ગોપનીયતા અને પારદર્શિતા જાળવવા માટે વહીવટીતંત્રે આ કડક પગલું ભર્યું છે. આ નિર્ણયથી રાજ્યભરના લાખો ઉમેદવારોને મોટો આંચકો લાગ્યો છે, જેઓ આ પરીક્ષા માટે સખત તૈયારી કરી રહ્યા હતા. આ સમગ્ર મામલાની ઉચ્ચ સ્તરીય તપાસ શરૂ કરવામાં આવી છે અને નવી પરીક્ષાની તારીખો ટૂંક સમયમાં જાહેર કરવામાં આવશે.

વડોદરાના સમા પોલીસ સ્ટેશનમાં નોંધાયેલા પ્રોહિબિશન કેસમાં ફરાર આરોપી રાહુલ અને રોહન ખાચરની આગોતરા જામીન અરજી ત્રીજા એડિશનલ સેશન્સ કોર્ટે નામંજૂર કરી છે. કોર્ટે નોંધ્યું કે બંનેના નામ એફઆઈઆરમાં સ્પષ્ટ છે અને દારૂની હેરાફેરીમાં તેમની સંડોવણીની પ્રાથમિક માહિતી સામે આવી છે. તપાસ ચાલુ હોવાથી કસ્ટોડિયલ પૂછપરછ જરૂરી હોવાનું માનવામાં આવ્યું. અગાઉ સમા પોલીસે દરોડામાં રૂ.1.63 લાખની કિંમતની 582 દારૂની બોટલો જપ્ત કરી હતી, જેમાં ઝડપાયેલા આરોપીએ બંનેના નામ કબૂલ્યા હતા.

અમદાવાદ ગ્રામ્ય વિસ્તારની એક ઇન્ટરનેશનલ સ્કૂલમાં હાઉસકીપિંગ સ્ટાફ તરીકે ફરજ બજાવતા 54 વર્ષીય સફાઈ કામદારે એક પાંચ વર્ષીય વિદ્યાર્થિની પર શારીરિક અડપલાં કર્યા હોવાની ચોંકાવનારી ઘટના સામે આવી છે. આરોપીએ બાળકીને ધમકી પણ આપી હતી કે તે આ વિશે કોઈને કહે નહીં. બાળકીના વાલીની ફરિયાદ બાદ પોલીસે તાત્કાલિક કાર્યવાહી કરી આરોપી સફાઈ કામદારની ધરપકડ કરી જેલ ભેગો કર્યો છે. બોપલ પોલીસ મથકે POCSO એક્ટ અને BNS હેઠળ FIR નોંધી વધુ તપાસ હાથ ધરી છે.

જૂન મહિનામાં સોના અને ચાંદીના ભાવમાં નોંધપાત્ર ઘટાડો થતાં રોકાણકારોને મોટો ઝટકો લાગ્યો છે. MCX પર સોનું પ્રતિ 10 ગ્રામ રૂ. 17,000 અને ચાંદી પ્રતિ કિલો રૂ. 51,000 સુધી સસ્તી થઈ છે. વૈશ્વિક બજારમાં પણ બંને કિંમતી ધાતુઓના ભાવ ઘટ્યા છે. ઈરાન-અમેરિકા યુદ્ધવિરામ, અમેરિકી ફેડરલ રિઝર્વ દ્વારા વ્યાજદર વધારાના સંકેતો, પ્રોફિટ બુકિંગ અને રોકાણકારોનું શેરબજાર તરફ વળતર આ ઘટાડાના મુખ્ય કારણો માનવામાં આવી રહ્યા છે.

ભારત અને અમેરિકા વચ્ચેના વ્યૂહાત્મક અને વેપાર સંબંધોને નવી ગતિ આપવા માટે અમેરિકાના રાષ્ટ્રપ્રમુખ ડોનાલ્ડ ટ્રમ્પ આગામી વર્ષની શરૂઆતમાં ભારતની મુલાકાતે આવશે. અમેરિકાના વિદેશ મંત્રી માર્કો રુબિયોએ આ જાહેરાત કરતાં જણાવ્યું કે તેઓ પણ પ્રવાસની તૈયારીઓ અને લાંબા સમયથી પ્રસ્તાવિત ટ્રેડ ડીલને અંતિમ સ્વરૂપ આપવા ભારત આવશે. આ મુલાકાતથી બંને દેશો વચ્ચે વેપાર, રોકાણ અને ટેરિફ સંબંધિત કરારોને વેગ મળશે તેમજ દ્વિપક્ષીય સંબંધો વધુ મજબૂત બનવાની આશા વ્યક્ત કરવામાં આવી છે.

મદ્રાસ હાઈકોર્ટની મદુરાઈ બેન્ચે એક મહત્વપૂર્ણ કેસમાં ચુકાદો આપ્યો છે કે, જે વ્યક્તિ ઇસ્લામ ધર્મ અપનાવે છે તે માત્ર ‘મુસ્લિમ’ ગણાશે અને વિશેષ પછાત મુસ્લિમ સમુદાયના નામે અનામતનો લાભ મેળવી શકશે નહીં. હાઈકોર્ટે તામિલનાડુ સરકારના 2024 ના તે સરકારી આદેશને પણ રદ કર્યો છે, જેમાં ધર્મ પરિવર્તન કરનારાઓને Other Backward Classes (OBC Muslim) નો દરજ્જો આપવાની જોગવાઈ હતી. અદાલતે જણાવ્યું કે, 1951 થી સ્થાપિત કાનૂની સિદ્ધાંત મુજબ, ધર્મ પરિવર્તન કરનારનો સામાજિક દરજ્જો તેની જૂની જ્ઞાતિથી નક્કી થતો નથી.

પશ્ચિમ બંગાળના મુખ્યમંત્રી શુભેન્દુ અધિકારીએ રાજ્યમાં ટૂંક સમયમાં જ ધર્માંતરણ વિરોધી કડક કાયદો લાવવાની જાહેરાત કરી છે. આ સાથે, સમાન નાગરિક સંહિતા (UCC) અને રાષ્ટ્રીય નાગરિક રજિસ્ટર (NRC) પણ લાગુ કરવામાં આવશે. અધિકારીએ સરહદ પારથી થતી ઘૂસણખોરીને રાજ્યની વસ્તી અને રાષ્ટ્રીય સુરક્ષા માટે ખતરો ગણાવ્યો. બીજી તરફ, TMC સાંસદ મહુઆ મોઇત્રાએ આ પગલાંને કટોકટી સાથે સરખાવીને સરકાર પર વિપક્ષને ડરાવવાનો આરોપ લગાવ્યો છે.

રાજકોટના કુવાડવા રોડ પર એક સગીર દ્વારા કાર ચલાવવામાં આવતા 4 વર્ષની બાળકી જીયાંશીનું દુઃખદ મૃત્યુ થયું છે. આ ગંભીર અકસ્માતમાં અન્ય એક બાળકી વૈશાલીને પણ ઈજા પહોંચી હતી. ચામુંડા સોસાયટીના મેદાનમાં રમતી વખતે આ ઘટના બની હતી. કારની ચાવી બેદરકારીપૂર્વક સગીરને આપનાર વ્યક્તિ સામે પોલીસ ફરિયાદ નોંધાઈ છે. બી.ડિવિઝન પોલીસે આ મામલે સગીર કાર ચાલક સામે ગુનો નોંધી વધુ તપાસ હાથ ધરી છે.

અયોધ્યા રામ મંદિરના દાન પાત્રમાંથી થયેલી કથિત ચોરી અને નાણાકીય અનિયમિતતા અંગે બાગેશ્વર ધામના પીઠાધીશ્વર ધીરેન્દ્ર કૃષ્ણ શાસ્ત્રીએ આકરા પ્રતિક્રિયા આપ્યા છે. તેમણે આરોપીઓની સરખામણી રાવણ સાથે કરતા કહ્યું કે, રાવણે માતા જાનકીનું હરણ કર્યું હતું, જ્યારે આ લોકોએ શ્રદ્ધાળુઓની આસ્થા ચોરી છે. આ કેસમાં 8 આરોપીઓની ધરપકડ કરવામાં આવી છે અને BNS તથા ભ્રષ્ટાચાર અધિનિયમ હેઠળ ગુનો દાખલ કરાયો છે. SIT ના રિપોર્ટ બાદ આ કાર્યવાહી થઈ છે. જોકે, કેટલાક લોકો નાના કર્મચારીઓ પર કાર્યવાહી કરી મોટા લોકોને બચાવવાનો આરોપ લગાવી રહ્યા છે.

વડોદરાના વાઘોડિયા ચોકડી નજીક મોડી રાત્રે કારમાં પસાર થઈ રહેલા ગારમેન્ટ વેપારી આશિષ મદનલાલ બાકોલિયા પર બાઈક સવાર બે અજાણ્યા શખસોએ ઓવરટેક કરીને ફાયરિંગ કર્યું. ગોળી તેમના ખભામાં વાગતા તેઓ લોહીલુહાણ થઈ ગયા. આ ઘટનાથી સમગ્ર વિસ્તારમાં ચકચાર મચી ગઈ છે. પોલીસ ઘટનાસ્થળે પહોંચી અને CCTV ફૂટેજ તેમજ ટેક્નિકલ પુરાવાના આધારે હુમલાખોરોની શોધખોળ શરૂ કરી છે. અંગત અદાવત કે અન્ય કારણોની તપાસ માટે પોલીસ ટીમો કામે લાગી છે.

ગુજરાતમાં વર્ષ 2025-26 દરમિયાન 8.43 લાખ MSME એકમો નોંધાયા, જેમાંથી 1.96 લાખ મહિલાઓની માલિકીના છે. છતાં મહિલાઓની માલિકી હેઠળના નવા ઉદ્યોગોમાં ગુજરાત દેશના ટોચના 10 રાજ્યોમાં સ્થાન મેળવી શક્યું નથી. તેલંગાણા અને મહારાષ્ટ્ર આ ક્ષેત્રમાં અગ્રેસર છે, જ્યારે બિહાર, ઓડિશા અને પશ્ચિમ બંગાળ પણ ગુજરાતથી આગળ છે. નિષ્ણાતોના મતે લોન, જમીન, સુરક્ષા અને પરિવાર આધારિત ઉદ્યોગો પુરુષોના નામે નોંધાવવાના કારણે મહિલાઓ પાછળ રહી છે.

ભારત ટેક્સી એપ, જે નાગરિકોને સસ્તી કેબ સેવા આપવાના ઉદ્દેશ્યથી શરૂ કરાઈ હતી, તે હવે તેના દાવાઓ પર ખરી ઉતરતી નથી. અમદાવાદમાં તેના ભાડા ખાનગી કંપનીઓ કરતાં પણ વધુ હોવાનું જણાય છે. 'ઝિરો કમિશન'ના વાયદાઓ વચ્ચે, ટેક્સી ચાલકો પાસેથી ચાર્જ વસૂલવાનું શરૂ કરાયું છે, જે સરકારના 'સહકારી' અને 'સસ્તી' હોવાના દાવાને ખોટા પાડે છે. આ પરિસ્થિતિ મુસાફરો અને ચાલકો બંને માટે મુશ્કેલી ઊભી કરી રહી છે.

બોપલ પોલીસ સ્ટેશનના મહિલા PSI અને હેડ કોન્સ્ટેબલ પર એક અરજીમાં ગુનો દાખલ ન કરવા માટે 10 લાખની માંગણી કરવાનો આરોપ છે. રકઝકના અંતે 5 લાખની રકમ નક્કી થઇ હતી. જોકે, ફરિયાદી લાંચ આપવા ઇચ્છતા ન હોવાથી તેમણે નડિયાદ ACBમાં ફરિયાદ નોંધાવી હતી. ACBએ શીલજ બીટની સાયબર ક્રાઇમ ઓફિસમાં છટકું ગોઠવી હેડ કોન્સ્ટેબલ દિલીપ ભોઇને 5 લાખ રોકડા લેતા ઝડપી પાડ્યા. મહિલા PSI પી જે ચૌધરી ફરાર છે અને તેમની શોધખોળ ચાલુ છે. અન્ય એક કિસ્સામાં, એરપોર્ટ પોલીસ સ્ટેશનના ASI શશિકાંત જાદવ પણ લાંચ લેતા ઝડપાયા.

મુંબઈના બાંદ્રા-વર્લી સી લિંક પરથી ઝંપલાવીને 51 વર્ષીય ગુજરાતી બિઝનેસમેન ભાવેશ નવીનચંદ્ર મજીઠીયાએ આપઘાત કર્યો. પોલીસને નાણાકીય તણાવની શંકા છે. ટેક્સીમાં મુસાફરી દરમિયાન, તેમણે ઉબકા આવવાનું કહી વાહન રોકાવ્યું અને સી લિંક પરથી દરિયામાં કૂદી પડ્યા. ટેક્સી ડ્રાઇવર દ્વારા પોલીસને જાણ કરાતા, રેસ્ક્યૂ ટીમ અને પોલીસ દ્વારા બચાવ પ્રયાસો શરૂ કરાયા. દરિયાઈ પરિસ્થિતિને કારણે શોધ કાર્યમાં વિલંબ થયો, અંતે મૃતદેહ મળી આવ્યો. વર્લી પોલીસ સ્ટેશનમાં અકસ્માત મૃત્યુનો અહેવાલ નોંધાયો.

પશ્ચિમ બંગાળના મુખ્યમંત્રી શુભેન્દુ અધિકારીએ રાજ્યમાં સમાન નાગરિક સંહિતા (UCC) લાગુ કરવાની જાહેરાત કરી છે. તેમણે જણાવ્યું કે લેન્ડ જિહાદ, લવ જિહાદ અને બળજબરીથી ધર્માંતરણ વિરુદ્ધ કડક કાયદા લાવવામાં આવશે. ગેરકાયદેસર રીતે દેશમાં પ્રવેશ કરી સંસ્કૃતિ કે સુરક્ષા વિરુદ્ધ પ્રવૃત્તિઓમાં સામેલ ઘૂસણખોરોને ઓળખી દેશનિકાલ કરાશે. આ જાહેરાત તેમણે 'વંદે માતરમ'ના 150 વર્ષ પૂર્ણ થવા પર કોલકાતામાં આયોજિત કાર્યક્રમમાં કરી.

વાહન ઉત્પાદકોના સંગઠન સિયામે કેન્દ્રીય પ્રદૂષણ નિયંત્રણ બોર્ડને જણાવ્યું છે કે હાલના બેટરી રિસાયક્લિંગ નિયમોના કારણે ઇલેક્ટ્રિક વાહનોની કિંમતમાં 3થી 5 ટકા વધારો થઈ શકે છે, જે ઈવી વેચાણને અસર કરશે. સિયામના જણાવ્યા મુજબ, લિથિયમ આયર્ન ફોસ્ફેટ બેટરીનું આયુષ્ય લાંબું હોવાથી વર્તમાન રિસાયક્લિંગ લક્ષ્યો વ્યવહારુ નથી. સંસ્થાએ નિયમોમાં સરળતા લાવવાની માંગ સાથે જણાવ્યું કે હાલના નિયમોથી ઉત્પાદકો પર વધારાનો આર્થિક બોજ પડશે.

લતીફ ગેંગનો શાર્પ શૂટર મહમ્મદ તસ્લીમ, જે રાધિકા જીમખાના કેસમાં આજીવન કેદની સજા ભોગવી રહ્યો હતો, પેરોલ પર છૂટીને પરિવાર સાથે રહેવા ભાગી ગયો હતો. 24 વર્ષ જેલમાં રહ્યા બાદ, 2020માં મળેલી પેરોલનો દુરુપયોગ કરીને તે ઉદયપુર પહોંચી ગયો હતો. અમદાવાદ ક્રાઇમ બ્રાન્ચની ટીમે 6 વર્ષ બાદ તેને ઉદયપુરમાંથી ઝડપી પાડ્યો, જ્યાં તે અલગ નામથી પરિવાર સાથે રહેતો હતો. પોલીસે તેને પકડીને ફરી જેલ ભેગો કર્યો છે.

જિલ્લા ગ્રામ્યમાં પરિવારના બે સભ્ય દારુ પીને દંગલ કરવા મામલે ફરિયાદ થતાં પોલીસે તાત્કાલિક કાર્યવાહી હાથ ધરી હતી. લખતર પોલીસ સ્ટેશનમાં નાના અંકેવાળીયા ગામના મેહુલ રમેશભાઈ ઝીંઝુવાડીયાએ અરજી કરી હતી. જેમાં તેમના ભાઈ રાકેશ અને પિતા રમેશ દારૂ પી ઘર પાસે તોફાન કરતા હોવાનું જણાવ્યું હતું. લખતર પોલીસે સ્થળ પર પહોંચી દારૂ પીધેલી હાલતમાં તોફાન કરતા 51 વર્ષીય રમેશ નાગજીભાઈ ઝીંઝુવાડીયા અને 28 વર્ષીય રાકેશ રમેશભાઈ ઝીંઝુવાડીયાને ઝડપી પાડ્યા હતા.

હળવદ તાલુકાના જુના દેવળીયા ગામે ગત તા.24મીના રોજ રામજી ગોરધનભાઇ દેવીપૂજક નામના શખ્સે પોતાના બુલેટ બાઈક પર અન્ય બે શખ્સો સાથે બેફામ ગતિએ વાહન ચલાવી રોડની સાઈડમાં સ્કૂલથી ઘરે જતી ચાર દીકરીઓને અડફેટે લીધી. આ ગમખ્વાર અકસ્માતમાં રોશનીબેન નામની છાત્રાનું કરૂણ મોત નીપજ્યું હતું. બનાવ અંગે પોલીસ ફરિયાદ નોંધાઈ હોવા છતાં, બુલેટ ચાલક રામજી ગોરધનભાઇ દેવીપૂજક હજુ ફરાર છે, જેના કારણે સ્થાનિકોમાં ભારે રોષ જોવા મળી રહ્યો છે.

સુરેન્દ્રનગરના થાન ખાતે 3-2-25ના રોજ રાત્રે વિજય જેઠસુરભાઈ ખાચર પાસે દારૂ ભરેલ વાહન હોવાની બાતમી પર પોલીસે રેડ કરી હતી. બોલેરો કારમાંથી વિદેશી દારૂની 228 બોટલો અને 4752 ચપલા મળી આવ્યા હતા. આ કેસમાં 8,40,936 રૂપિયાનો દારૂ અને 7 લાખની કાર સહિત કુલ 15,40,936 રૂપિયાનો મુદ્દામાલ કબજે કરાયો હતો. બાદમાં તપાસમાં કનુ જેઠસુરભાઈ ખાચરનું નામ ખુલ્યું હતું, જેને સુરેન્દ્રનગર પેરોલ ફર્લો સ્કવોડે થાન પોલીસને સોંપ્યો.

સુરેન્દ્રનગરના ચુડા તાલુકાના કુડલા ગામે કૌટુંબિક ઝઘડામાં એક મહિલા અને તેના પરિવાર પર લોખંડના પાઈપ વડે હુમલો કરવામાં આવ્યો હતો. આ ઘટનામાં બે મહિલા સહિત કુલ પાંચ લોકો સામે મારમારી અને જાનથી મારી નાખવાની ધમકી આપવા બદલ પોલીસ ફરિયાદ નોંધાઈ છે. ચુડા પોલીસ આ મામલે વધુ તપાસ હાથ ધરી રહી છે. આ બનાવને કારણે સમગ્ર વિસ્તારમાં ચકચાર મચી ગઈ છે.

રાણાવાવમાં પોલીસે એક શખ્સને 188 ગ્રામ ગાંજા સાથે ઝડપી પાડ્યો છે. બાતમીના આધારે પોલીસે દરોડો પાડી સ્કૂટરમાંથી આ ગાંજો ઝડપી લીધો હતો. પોરબંદર પોલીસ અધિક્ષક ભગીરથસિંહ જાડેજા દ્વારા નશીલા પદાર્થોની હેરાફેરી અને વેચાણ બંધ કરવાના સુચનોને પગલે, નાયબ પોલીસ અધિક્ષક ધ્રુવલ સી. સુતરીયા અને રાણાવાવ પોલીસ સ્ટેશનના પીઆઇ બી.જી.ડાંગરના માર્ગદર્શન હેઠળ કાર્યવાહી કરાઈ હતી. પોલીસે આરોપી રાજા ઉર્ફે કારૂ ગીગા મોઢવાડીયા પાસેથી ગાંજો, સ્કૂટર અને મોબાઇલ મળી કુલ રૂ.39,900નો મુદ્દામાલ કબ્જે કરી ગુનો નોંધી વધુ તપાસ હાથ ધરી છે.

પશ્ચિમ રેલવે દ્વારા સાબરમતી–હરિદ્વાર સાપ્તાહિક સ્પેશિયલ ટ્રેનના ફેરા 27-28 જુલાઈ સુધી લંબાવવામાં આવ્યા છે. આ ટ્રેન હવે અત્યાધુનિક અમૃત ભારત રેક સાથે દોડશે, જે ઉત્તર ગુજરાતના મહેસાણા અને પાલનપુરના મુસાફરો માટે એક મોટી સુવિધા છે. ટ્રેન નંબર 09425 સાબરમતીથી 27 જુલાઈ સુધી અને ટ્રેન નંબર 09426 હરિદ્વારથી 28 જુલાઈ સુધી આધુનિક રેક સાથે સંચાલિત થશે. આ વધારાના ફેરા અને નવી રેક મુસાફરોની માંગને પહોંચી વળવામાં મદદ કરશે.

તલોદ તાલુકાના હરસોલ ગામે નીચલી ફળીમાં ચાલતા હાઈ પ્રોફાઈલ જુગારધામ પર સાબરકાંઠા એલસીબીએ સફળ રેડ કરતાં 12,41,950 રૂપિયાની મત્તા સાથે નવ શખ્સોને જુગાર રમતાં રંગે હાથ ઝડપી પાડ્યા છે. પોલીસે રોકડ, 8 મોબાઇલ ફોન અને બે ફોર-વ્હીલર ગાડીઓ કબજે લીધી છે. આ રેડ દરમિયાન જુગાર રમાડનાર મનોજભાઇ ભીખાભાઇ રાવલ સહિત અન્ય આઠ શખ્સોની ધરપકડ કરી તલોદ પોલીસ સ્ટેશનમાં જુગારધારા હેઠળ ફરિયાદ નોંધાવવામાં આવી છે.

જામનગર ડેન્ટલ હોસ્પિટલની રોગી કલ્યાણ સમિતિ (RKS)માં ₹1.35 કરોડની ઉચાપતનો પર્દાફાશ થયો છે. કોન્ટ્રાકટકર્મી શોભિત ગર્ગ સામે ફરિયાદ નોંધાઈ છે. આ કૌભાંડને કારણે સરકારી નિયમોના અમલીકરણમાં બેવડી નીતિ સામે આવી છે. જી.જી.હોસ્પિટલની RKSમાં ₹2 લાખથી વધુ ખર્ચ માટે સચિવની મંજૂરી અનિવાર્ય છે, જ્યારે ડેન્ટલ હોસ્પિટલમાં એક જ વ્યક્તિની સહીથી મોટો વહીવટ ચાલે છે. આ બાબતે અધિકારીઓની સંડોવણીની શંકા ઉપજાવી રહી છે. આરોપીએ ફ્રોડ એકાઉન્ટ્સમાંથી શેરબજાર અને મિલકતોમાં રોકાણ કર્યું હતું.