કોકરોચ જનતા પાર્ટી (CJP) ના રાષ્ટ્રીય પ્રવક્તા સૌરવ દાસે પોતાના પરિવાર માટે ગંભીર સુરક્ષા ખતરાનો દાવો કર્યો છે. તેમણે આરોપ લગાવ્યો કે, અનેક યુટ્યુબર્સ અને મીડિયા રિપોર્ટરોએ તેમના ઘરમાં ગેરકાયદેસર પ્રવેશ કરીને અંદરથી વીડિયો બનાવ્યા અને પ્રસારિત કર્યા. સૌરવ દાસે 'X' પર ચિંતા વ્યક્ત કરતા જણાવ્યું કે, આ તેમની પ્રાઈવસીનો ભંગ અને પરિવાર માટે મોટો સુરક્ષા ખતરો છે. તેમણે ચેતવણી આપી કે, આવા વીડિયોથી અસામાજિક તત્વો હુમલો કરશે તો યુટ્યુબર્સ જવાબદાર રહેશે. લગભગ 15-20 લોકો ઘરે પહોંચ્યા હતા, જ્યારે કેટલાક રાતથી બહાર જમા હતા. દાસ તે સમયે મહારાષ્ટ્રમાં પાર્ટીની બેઠકમાં હતા.