ભારતના રાષ્ટ્રીય સુરક્ષા સલાહકાર (NSA) અજીત ડોભાલ અને ભારતીય મુસ્લિમ સમુદાયના લોકો વચ્ચે વડાપ્રધાન કાર્યાલયમાં ગત 18 એપ્રિલે એક મહત્વની બેઠક થઈ હતી. આ મીટિંગમાં મુસ્લિમ સમુદાયના અલગ-અલગ ક્ષેત્રોના લોકો સામેલ હતા. આ બેઠક દરમિયાન NSAએ કહ્યું કે ભારતમાં રહેતા હિન્દુ અને મુસલમાન એક જ જહાજના મુસાફરો જેવા છે. તમને જણાવી દઈએ કે આ બેઠકનો ઉદ્દેશ્ય પરંપરાગત વોટ-બેંકના રાજકારણથી દૂર રહીને મુસ્લિમ સમુદાયના વિકાસ, શિક્ષણ અને ઉદ્યોગસાહસિકતાના ભવિષ્ય પર ચર્ચા કરવાનો હતો.

એસેટ મેનેજમેન્ટ સેક્ટરની મુખ્ય કંપની UTI Asset Management Companyએ કારોબારી વર્ષ 2025-26ના ચોથા ક્વાર્ટરના પરિણામ જાહેર કરી દીધા છે. આ ક્વાર્ટરમાં કંપનીના નફામાં ભારે ઘટાડો જોવા મળ્યો છે, જોકે કમાણીમાં સામાન્ય વૃદ્ધિ નોંધવામાં આવી છે. Q4માં તેનો ચોખ્ખો નફો વાર્ષિક આધાર પર 124 કરોડથી ઘટીને 33.7 કરોડ થઈ ગયો, જ્યારે, કંપનીની કૂલ કમાણી 316.9 કરોડથી વધીને 317 કરોડ થઈ ગઈ છે. UTI AMCના બોર્ડે રોકાણકારોને રાહત આપતા કારોબારી વર્ષ 31 માર્ચ 2026ના રોજ 40 રૂપિયા પ્રતિ ઈક્વિટી શેરનું ફાઈનલ ડિવિડન્ડ આપવાની ભલામણ કરી છે.

ભારત અને ઈરાન વચ્ચેના વ્યૂહાત્મક સંબંધોમાં એક મોટો વળાંક આવ્યો છે. સૂત્રોના જણાવ્યા અનુસાર, ભારત ઈરાનના ચાબહાર બંદરમાં પોતાની હિસ્સેદારી ઈરાનની જ એક સ્થાનિક કંપનીને વેચવાની તૈયારી કરી રહ્યું છે. આ નિર્ણય પાછળનું મુખ્ય કારણ અમેરિકા દ્વારા ઈરાન પર લાદવામાં આવેલા આકરા પ્રતિબંધો છે. ભારતની આ કામગીરીને મળેલી છૂટની મુદત 26 એપ્રિલ 2026ના રોજ પૂર્ણ થઈ રહી છે, જેને ધ્યાનમાં રાખીને ભારત સરકાર 'ઈન્ડિયા પોર્ટ્સ ગ્લોબલ ચાબહાર ફ્રી ઝોન'(IPGCFZ)માં પોતાની હિસ્સેદારી ઈરાની કંપનીને ટ્રાન્સફર કરવાનો પ્રસ્તાવ તૈયાર કરી રહી છે.

અમેરિકન પ્રમુખ ડોનાલ્ડ ટ્રમ્પ દ્વારા ભારતને 'નર્ક' કહેવા અંગે આપેલા નિવેદન પર વિવાદ વકર્યો છે. આ મુદ્દે મુંબઈ સ્થિત ઈરાની કોન્સ્યુલેટે ટ્રમ્પ પર વળતો પ્રહાર કર્યો છે અને તેમને ભારતની સુંદરતા જોવાની સલાહ આપી છે. ઈરાની કોન્સ્યુલેટે સોશિયલ મીડિયા પર 16 સેકન્ડનો એક વીડિયો પોસ્ટ કર્યો છે, જેમાં મહારાષ્ટ્રના બે વિરોધાભાસી અને સુંદર પાસાંઓ દર્શાવ્યા છે. એક તરફ મુંબઈની ગગનચુંબી ઇમારત અને હાઈવેની ચમક છે, તો બીજી તરફ પહાડો અને કુદરતી સૌંદર્યના દ્રશ્યો છે. આ પોસ્ટ સાથે ટ્રમ્પને 'કલ્ચરલ ડિટોક્સ' એટલે કે પોતાની વિચારધારા બદલવાની અને એકવાર ભારત આવીને જોવાની સલાહ આપવામાં આવી છે.

અમેરિકા અને ઈરાન વચ્ચે ચાલી રહેલા યુદ્ધમાં પરમાણુ હથિયારોના ઉપયોગને લઈને ચાલી રહેલી અટકળો પર વિરામ મુકતા અમેરિકાના પ્રમુખ ડોનાલ્ડ ટ્રમ્પે મહત્ત્વનું નિવેદન આપ્યું છે. વ્હાઇટ હાઉસ ખાતે પત્રકારો સાથેની વાતચીતમાં અમેરિકાના પ્રમુખ ડોનાલ્ડ ટ્રમ્પે વિશ્વાસપૂર્વક જણાવ્યું હતું કે, 'હું પરમાણુ હથિયારોનો ઉપયોગ શા માટે કરીશ? અમે પરંપરાગત શસ્ત્રો દ્વારા જ ઈરાનના સૈન્ય માળખાને સંપૂર્ણપણે તોડી પાડ્યું છે. કોઈએ પણ ક્યારેય પરમાણુ હથિયારોનો ઉપયોગ કરવો જોઈએ નહીં. અમેરિકાએ આ ઘાતક હથિયાર વિના જ ઈરાનની લશ્કરી કમર તોડી નાખી છે, તેની નૌકાદળ ડૂબી ગઈ છે અને વાયુસેના તેમજ રડાર સિસ્ટમનો નાશ કરવામાં આવ્યો છે.'

Donald Trumpએ કહ્યું કે ઈરાન સાથે ચાલી રહેલા સંઘર્ષને ખતમ કરવાની ઉતાવળ નથી. વાતચીત લાંબી ચાલશે, અમેરિકા કોઈ સમયમર્યાદામાં બંધાવા માંગતું નથી. પરમાણુ હથિયારોનો ઉપયોગ નહીં થાય. સમજૂતી નહીં થાય તો હુમલા થશે. ઈરાની સેના પરાજિત થઈ ચૂકી છે. હોર્મુઝ સ્ટ્રેટ પર અમેરિકાનું નિયંત્રણ છે. આર્થિક નાકાબંધી 100% સફળ રહી છે.

પશ્ચિમ એશિયામાં યુદ્ધનો ભય વધ્યો છે. ડોનાલ્ડ ટ્રમ્પે Hormuz સ્ટ્રેટમાં તૈનાત નેવીને આદેશ આપ્યો છે કે, જો કોઈ ઈરાની નૌકા Sea Mines બિછાવતી દેખાય તો તેને નષ્ટ કરી દેવી. ટ્રમ્પે સોશિયલ મીડિયા પર પોસ્ટ કરી જણાવ્યું કે, હોર્મુઝના પાણીમાં સુરંગો બિછાવતી કોઈપણ નૌકાને ધ્વસ્ત કરવામાં આવશે. ઈરાનના રિવોલ્યુશનરી ગાર્ડ્સે જહાજો પર હુમલો કર્યો હતો. પાકિસ્તાન શાંતિ માટે કૂટનીતિક પ્રયાસો કરી રહ્યું છે.

પશ્ચિમ એશિયામાં યુદ્ધના વાદળો, Hormuz Strait પર વર્ચસ્વ માટે ટ્રમ્પ યુદ્ધવિરામ તોડી શકે છે. પેન્ટાગોને ઈરાની 'સી માઈન્સ' હટાવવા બ્લૂપ્રિન્ટ બનાવ્યું, જેમાં નાટો દેશો મદદ કરશે. USનું જોખમી ઓપરેશન, ઈરાનની GPS આધારિત માઈન્સ ગોઠવવાની વ્યૂહરચના. શહેરોમાં વિસ્ફોટો બાદ તણાવ વધ્યો, સાયબર હુમલાની આશંકા. Hormuz ની લડાઈ વિશ્વ માટે આર્થિક સંકટ બની શકે છે.

ભારતએ માલદીવ્સને ₹30 Billion Currency Swap ની મદદ કરી. આર્થિક સંકટ સામે ઝઝૂમી રહેલા માલદીવ્સને ભારતે આશરે 400 મિલિયન ડૉલરની સહાય કરી છે. માલદીવ્સની નાણાકીય સ્થિરતા માટે આ પગલું મહત્વપૂર્ણ છે. ભારત અને માલદીવ્સ વચ્ચે આર્થિક સમજૂતી મજબૂત બની છે.

અમેરિકા અને ઇઝરાયેલના હુમલા બાદ Mojtaba જાહેરમાં દેખાયા નથી. બે મહિના પછી પણ સારવાર ચાલુ છે. American અને ઇઝરાયલી સેનાએ અયાતુલ્લા અલી ખામેનેઈના કેમ્પસ પર બોમ્બમારો કર્યો હતો. જેનાથી તેઓ ગંભીર રીતે ઘાયલ થયા હતા અને ગુપ્ત જગ્યાએ સારવાર લઈ રહ્યા છે. તેમના ચહેરા અને હોઠ પણ દાઝી ગયા છે અને પ્લાસ્ટિક સર્જરીની જરૂર પડી શકે છે. હાલ ઈરાનની અસલી શક્તિ Islamic Revolutionary Guard Corpsના હાથમાં છે.

અમદાવાદમાં ટ્રાફિક સમસ્યા ઘટશે! AI આધારિત 'એડેપ્ટિવ ટ્રાફિક કંટ્રોલ સિસ્ટમ' (ATCS) અમલમાં મુકાઈ છે. જંકશન પર લાગેલા કેમેરા અને સેન્સર્સ ટ્રાફિકની ગીચતા જોઈને સિગ્નલનો સમય બદલશે. આથી, ખોટી રાહ જોવામાંથી મુક્તિ મળશે, પેટ્રોલ-ડીઝલનો ખર્ચ ઘટશે, અને પ્રદૂષણમાં પણ ઘટાડો થશે. હાલમાં 10 જંકશન પર પાયલોટ પ્રોજેક્ટ શરૂ થયો છે, સફળતા મળ્યે સમગ્ર શહેરમાં લાગુ કરાશે.

વૈશ્વિક શાંતિના પ્રયાસોમાં અમેરિકન પ્રમુખ ડોનાલ્ડ ટ્રમ્પે મહત્વની સફળતા મેળવતા ઈઝરાયલ અને લેબેનોન વચ્ચેના યુદ્ધવિરામને વધુ ૩ અઠવાડિયા માટે લંબાવવાની જાહેરાત કરી છે. વ્હાઇટ હાઉસ ખાતે ઉપરાષ્ટ્રપતિ જેડી વેન્સ અને ઉચ્ચ અધિકારીઓની ઉપસ્થિતિમાં યોજાયેલી બેઠક બાદ આ નિર્ણય લેવાયો છે. આ શાંતિ મંત્રણાનો મુખ્ય હેતુ પશ્ચિમ એશિયામાં સ્થિરતા સ્થાપિત કરવાનો અને લેબેનોનને હિઝબુલ્લાહના જોખમથી સુરક્ષિત રાખવાનો છે. ટ્રમ્પના આ મધ્યસ્થીભર્યા પગલાથી મિડલ ઈસ્ટમાં ચાલી રહેલા સંઘર્ષમાં મોટી રાહત મળવાની અપેક્ષા સેવાઈ રહી છે.

મધ્ય-પૂર્વ (મિડલ ઈસ્ટ) માં સ્થિતિ વધુ સ્ફોટક બની રહી છે. અમેરિકાએ ઈરાન સામે તેની સૈન્ય તાકાત વધારતા ખાડી વિસ્તારમાં પોતાનું ત્રીજું વિશાળ યુદ્ધપોત તૈનાત કર્યું છે. બીજી તરફ, ઈરાનની રાજધાની તેહરાનમાં મોડી રાત્રે થયેલા ધડાકાઓએ સમગ્ર વિશ્વમાં ચિંતા વધારી દીધી છે.અમેરિકાની 'ત્રિશક્તિ' તૈનાતઅમેરિકન સેન્ટ્રલ કમાન્ડે પુષ્ટિ કરી છે કે 'USS જ્યોર્જ એચડબલ્યુ બુશ' હિંદ મહાસાગર પાર કરીને ખાડી તરફ આગળ વધી રહ્યું છે.

માર્ચમાં નીચી સપાટી બાદ એપ્રિલમાં મેન્યુફેક્ચરિંગ સેગમેન્ટની આગેવાનીમાં દેશની વેપાર પ્રવૃત્તિમાં રિકવરી જોવા મળી રહી છે. ઉત્પાદન અને વેચાણમાં વધારો થતાં એકંદર વેપાર પ્રવૃત્તિમાં સુધારો થયો છે. એપ્રિલ મહિનાનો HSBC સંયુક્ત PMI વધીને 58.30 થયો છે, જે માર્ચમાં 57 હતો.

નેપાળમાં રાજકીય સંકટ ઘેરાયું છે, જ્યાં દસ દિવસ પહેલાં શ્રમ મંત્રી દીપક સાહને પદભ્રષ્ટ કર્યા બાદ હવે ગૃહમંત્રી ગુરંગે પણ રાજીનામું આપ્યું છે. ગૃહમંત્રી પર કુખ્યાત હવાલા વેપારી દીપક ભટ્ટની કંપનીમાં અઢી કરોડથી વધુનું રોકાણ હોવાના ગંભીર આરોપો છે. આ ઉપરાંત, રાષ્ટ્રીય સ્વતંત્ર પાર્ટીના પ્રમુખ લામિછાને સામે કૌભાંડ અને પૂર્વ મંત્રી દીપક સાહ સામે પદનો દુરુપયોગ કરી પત્નીની નિમણૂક કરાવવાના પરિવારવાદના આક્ષેપો થતા સમગ્ર સરકાર ભ્રષ્ટાચારના વિવાદોમાં ઘેરાઈ છે, જેણે દેશના રાજકારણમાં ખળભળાટ મચાવ્યો છે.

અમેરિકા-ઈરાન સંઘર્ષની અસરથી ક્રૂડ ઓઇલની આયાતમાં ઘટાડો થયો છે. ફેબ્રુઆરીની સરખામણીએ માર્ચમાં આયાત લગભગ 13% ઘટી છે. હોર્મુઝ સ્ટ્રેટમાં તણાવને લીધે ગલ્ફ દેશોમાંથી તેલની આયાત 61% ઘટીને 11.8 લાખ બેરલ પ્રતિ દિવસ થઈ છે. આ ઘટાડો એનર્જી સપ્લાય પર અસર કરે છે.

ચેમ્બર ઓફ કોમર્સ દ્વારા આયોજિત ચર્ચાસભામાં કેન્દ્રીય મંત્રી મનસુખ માંડવિયાએ ઉદ્યોગપતિઓના પ્રશ્નો સાંભળી હકારાત્મક પ્રતિસાદ આપ્યો હતો. બેઠકમાં લેબર આવાસ, હોસ્પિટલ, સ્કિલ ડેવલપમેન્ટ અને સુરત એરપોર્ટની કનેક્ટિવિટી જેવા મુખ્ય મુદ્દાઓ પર ચર્ચા થઈ હતી. માંડવિયાએ કામદારો માટે આવાસ અને હોસ્પિટલની સુવિધા તેમજ નવા મજૂર કાયદા અંગે વર્કશોપ યોજવાની ખાતરી આપી હતી. ઉપરાંત, રિન્યુએબલ એનર્જી પોલિસી અને ઉદ્યોગો દ્વારા સ્વતંત્ર સ્કિલિંગ સેન્ટર સ્થાપવા બાબતે સરકાર તરફથી આર્થિક મદદ અને સહયોગની તૈયારી દર્શાવી હતી.

ટેરિફ વિવાદો છતાં, અમેરિકામાં સ્માર્ટફોનની નિકાસ વધી છે. નાણાકીય વર્ષ 2025-26માં સ્માર્ટફોનના કારણે દેશની ઈલેક્ટ્રોનિક્સ નિકાસ 24% વધીને 47.96 અબજ ડોલર થઈ, જે અગાઉ 38.56 અબજ ડોલર હતી. Production Linked Incentive Scheme (PLI) થી નિકાસ વૃદ્ધિમાં મદદ મળી રહી છે એવું સરકારનું માનવું છે.

પશ્ચિમ એશિયામાં ડોનાલ્ડ ટ્રમ્પ દ્વારા ઈરાન સાથેનો યુદ્ધવિરામ અચોક્કસ મુદત માટે લંબાવવો એ એક વ્યૂહાત્મક પગલું છે. ઈરાન હાલ આર્થિક પ્રતિબંધો અને આંતરિક રાજકીય વિભાજનનો સામનો કરી રહ્યું છે. જ્યારે રશિયા અને ચીન ઈરાનને ટેકો આપી રહ્યા છે, ત્યારે યુરોપિયન યુનિયન સાવચેત વલણ અપનાવી અમેરિકાથી અંતર જાળવી રહ્યું છે. પાકિસ્તાનની મધ્યસ્થી અને ઈરાનના ભાવિ નેતૃત્વના નિર્ણયો હવે નક્કી કરશે કે આ પ્રદેશ શાંતિ તરફ જશે કે વિનાશક મહાયુદ્ધ તરફ. અમેરિકા હાલ રાજદ્વારી રીતે અલગ-થલગ પડતું જણાય છે.

UPSC જેવી પરીક્ષાઓમાં અંગ્રેજી માધ્યમનું વર્ચસ્વ ભાષાની શ્રેષ્ઠતાને કારણે નહીં, પરંતુ ઉપલબ્ધ સંસાધનો અને સારી શૈક્ષણિક સગવડોને લીધે છે. ગુજરાતી વિદ્યાર્થીઓ માટે અંગ્રેજી માત્ર એક વિષય બની રહે છે, જ્યારે અન્ય રાજ્યોમાં તે કાર્યકારી સાધન છે. જોકે, સફળતા માટે ભાષા કરતાં વૈચારિક સ્પષ્ટતા, સચોટ માર્ગદર્શન અને દૃઢ આત્મવિશ્વાસ વધુ જરૂરી છે. ગુજરાતના યુવાનોમાં ક્ષમતાની કમી નથી, પરંતુ પરીક્ષા પ્રત્યે ગંભીરતા અને સાચી તૈયારીની પદ્ધતિ કેળવવી અનિવાર્ય છે જેથી પ્રતિભાનો સાચો વિકાસ થઈ શકે.

અમેરિકા-ઈરાન સંઘર્ષ અને હોર્મુઝ જળમાર્ગની નાકાબંધીને કારણે વિશ્વભરમાં ઊર્જા સંકટ સર્જાયું છે, જે ભારત માટે 'આફતને અવસરમાં' બદલવાની મોટી તક છે. ગલ્ફ દેશોમાં સપ્લાય ચેન ખોરવાતા ભારત ખાદ્ય ચીજો, દવાઓ અને આવશ્યક વસ્તુઓના મુખ્ય સપ્લાયર તરીકે ઉભરી શકે છે. ભારતની મજબૂત વિદેશ નીતિ અને ઈરાન તથા સાઉદી અરેબિયા જેવા દેશો સાથેના વ્યૂહાત્મક સંબંધો તેને વિશ્વસનીય ભાગીદાર બનાવે છે. આ કટોકટીમાં ભારત પોતાની નિકાસ ક્ષમતા દ્વારા વૈશ્વિક વેપારમાં મજબૂત પકડ જમાવી શકે તેમ છે.

અમદાવાદ ટ્રાફિક પોલીસ હવે વાહનચાલકોને ગરમી અને ટ્રાફિક જામમાંથી મુક્તિ અપાવવા આર્ટિફિશિયલ ઇન્ટેલિજન્સ (AI) ટેકનોલોજીનો ઉપયોગ કરી રહી છે. સેટેલાઇટ વિસ્તારના પ્રાયોગિક પ્રોજેક્ટ હેઠળ, સિગ્નલો પર AI કેમેરા લગાવવામાં આવ્યા છે જે વાહનોની સંખ્યા (ડેન્સિટી) મુજબ આપોઆપ ટાઇમર બદલી નાખે છે. આનાથી જો વાહનો ન હોય તો ચાલકોએ લાલ સિગ્નલ પર બિનજરૂરી ઊભા રહેવું પડશે નહીં. હાલમાં ૧૦ જંક્શન પર આ સુવિધા કાર્યરત છે અને ભવિષ્યમાં શહેરના તમામ ૧૩૧ જંક્શન્સને AI બેઝ્ડ કરવાનું આયોજન છે.

૧૯૮૭ની અમદાવાદ મ્યુનિસિપલ કોર્પોરેશનની ચૂંટણી ગુજરાત ભાજપના વિજયનો પાયો માનવામાં આવે છે. તે સમયે જેલમાંથી પાંચ બેઠકો પર ચૂંટણી લડતા કુખ્યાત ગેંગસ્ટર અબ્દુલ લતીફ સામે ભાજપે ૩૦ વર્ષીય ભામિની પટેલને મેદાને ઉતાર્યા હતા. ધમકીઓ અને ભયના માહોલ વચ્ચે પ્રોટેક્શન વિના હિંમતભેર લડનાર ભામિનીબેન દરિયાપુર બેઠક પર લતીફના રાજીનામા બાદ વિજયી થયા હતા. આ જીતે ગુનેગારોનો પ્રભાવ ઘટાડી ભાજપની શાસનયાત્રા શરૂ કરી હતી, જેનો ઉલ્લેખ વડાપ્રધાન મોદી પણ ગર્વથી કરે છે.

એશિયાના સૌથી મોટા ઊંઝા APMC માર્કેટમાં જીરું અને વરિયાળી જેવી જણસીઓની બમ્પર આવક વચ્ચે સર્જાયેલી રોકડની તંગીનું સુખદ નિરાકરણ આવ્યું છે. ખેડૂતોને રોકડ ચૂકવણીમાં પડતી મુશ્કેલી અંગે ચેરમેન દિનેશભાઈ પટેલે સાંસદ હરિભાઈ પટેલને રજૂઆત કરી હતી. સાંસદે કેન્દ્રીય નાણાં મંત્રી નિર્મલા સીતારમન સાથે રૂબરૂ મુલાકાત કરી સમસ્યા વર્ણવતા, બેંકોને પૂરતી રોકડ પૂરી પાડવા સૂચના અપાઈ છે. આ ઝડપી કાર્યવાહીથી ખેડૂતો અને વેપારીઓમાં ખુશીની લહેર ફેલાઈ છે અને માર્કેટમાં નાણાકીય વ્યવહાર વધુ સરળ બન્યા છે.

ટોલ ઉઘરાવવા સામે ટ્રમ્પની ધમકી કંઇ કામ ન લાગી! ઇરાન ટેન્કર દીઠ 20 લાખ ડોલર ટોલ લેતું હોવાની સંભાવના. પ્રતિ બેરલ 1 ડોલરની ફી વસૂલે છેતહેરાન. હોર્મુઝની ખાડીને ઇરાને છેવટે તેની કમાણીનું સાધન બનાવી દીધી છે. આફતને અવસરમાં પલટીને તેણે આ કામ કર્યુ છે. હોર્મુઝની ખાડીમાંથી ટોલના સ્વરૂપમાં થયેલી પહેલી કમાણી ઇરાનની સેન્ટ્રલ બેન્કમાં પહોંચી ગઈ છે.

તુર્કીમાં કુદરતી નહેર બોસ્ફોરસનો વૈશ્વિક વેપારમાં મોટો ફાળો રહે છે. એ કુદરતી નહેર હોવાથી તુર્કી ટોલ ઉઘરાવી શકતું નથી. કૃત્રિમ નહેર બનાવીને તુર્કી એ કસર પૂરી કરવા ઈચ્છે છેદુનિયામાં એક સમુદ્રને બીજા સમુદ્ર સાથે જોડતી અસંખ્ય ખાડીઓ છે. જ્યારે બાંધકામની ટેકનોલોજી વિકસી ન હતી ત્યારે નાવિકો લાંબો રસ્તો લઈને એક સમુદ્રમાંથી બીજા સમુદ્રમાં પ્રવેશ કરતાં હતા અને એમ દુનિયા ખૂંદતા હતા.

ઈલોન મસ્કની SpaceXએ AI સ્ટાર્ટઅપ કંપની 'કર્સર' સાથે વ્યૂહાત્મક કરાર કર્યો છે, જે ટેક સેક્ટરના સૌથી મોટા સોદા પૈકીનો એક ગણાય છે. આ કરારમાં ૬૦ અબજ ડોલરમાં કંપની ખરીદવાના વિકલ્પ સાથે ૧૦ અબજ ડોલરના સંયુક્ત વિકાસની જોગવાઈ છે. આ ભાગીદારીનો ઉદ્દેશ્ય ઓપનએઆઈ અને એન્થ્રોપિકને ટક્કર આપી નેક્સ્ટ જનરેશન કોડિંગ અને નોલેજ વર્ક AI વિકસાવવાનો છે. આ સોદાથી કર્સરને 'કોલોસસ' સુપર કમ્પ્યુટર ક્લસ્ટરનો પાવર મળશે, જે ફાઈનાન્સ-ટેક સેક્ટરની કંપનીઓ માટે ગેમ-ચેન્જર સાબિત થશે.

આતંકવાદીઓ હવે વિશ્વના ક્રાંતિકારી અને અસ્થિર પ્રદેશો પર પ્રભુત્વ જમાવવા સક્રિય બન્યા છે, જ્યાં પ્રજા પોતાના જ દેશની વિરુદ્ધ હોય. કાશ્મીરમાં માત્ર નજીવી લાલચમાં આતંકવાદીઓને પનાહ આપતા દેશદ્રોહીઓને કારણે નિર્દોષ નાગરિકોએ જીવ ગુમાવ્યા છે, જે દર્શાવે છે કે ભારતને બાહ્ય દુશ્મનો કરતા આંતરિક દુશ્મનો વધુ નડે છે. બલુચિસ્તાન જેવા પ્રાંતોમાં પણ વિદેશી આતંકવાદીઓનું આગમન એ સંકેત છે કે પ્રાંતવાદના નામે લડતી પ્રજાને હવે આતંકવાદીઓનું તૈયાર સૈન્ય સરળતાથી ઉપલબ્ધ થઈ જશે, જે વૈશ્વિક સુરક્ષા માટે મોટો ખતરો છે.

ભાવનગર જિલ્લામાં હવે ખેતીની તસવીર બદલાઈ રહી છે. જેસર તાલુકાના જુનાપાદર ગામના પ્રગતિશીલ ખેડૂત તખતસિંહ ગોહિલે પરંપરાગત પાકોને તિલાંજલિ આપી છેલ્લા ત્રણ વર્ષથી તરબૂચની ખેતીમાં સફળતાના શિખરો સર કર્યા છે. આ વર્ષે તેમણે 17 વીઘા જમીનમાં 5 અલગ-અલગ જાતના તરબૂચ વાવીને માત્ર 80 થી 90 દિવસમાં મોટો નફો મેળવ્યો છે. પ્રથમ વર્ષે 10 વીઘામાં વાવેતર કર્યું હતું, તેમાંથી સારું ઉત્પાદન મળતા બીજા વર્ષે 12 વીઘાનું વાવેતર કર્યું હતું અને આ વર્ષે તેઓએ કુલ 17 વીઘા જેટલી જમીનમાં અલગ અલગ પાંચ પ્રકારના તરબૂચનું વાવેતર કર્યું હતું.

અમેરિકાના રાષ્ટ્રપ્રમુખ ડોનાલ્ડ ટ્રમ્પે ઈરાન સાથે વધતા તણાવ વચ્ચે મોટું અને કડક પગલું ભરતા અમેરિકન સેનાને આદેશ આપ્યો છે કે 'સ્ટ્રેટ ઓફ હોર્મુઝ'માં દરિયાઈ સુરંગો (માઈન્સ) બિછાવનારી કોઈપણ ઈરાની નાની બોટને 'દેખતા વેંત જ ઠાર કરવામાં આવે.' ટ્રમ્પે સોશિયલ મીડિયા પર પોસ્ટ કરતા કહ્યું, 'મેં અમેરિકન નૌસેનાને આદેશ આપ્યો છે કે જે પણ બોટ, ભલે તે નાની કેમ ન હોય, હોર્મુઝ સ્ટ્રેટના પાણીમાં દરિયાઈ સુરંગો બિછાવતી જોવા મળે, તેને તાત્કાલિક નિશાન બનાવવામાં આવે. તેમાં કોઈપણ પ્રકારનો સંકોચ રાખવો જોઈએ નહીં.'