ગુજરાત સરકાર દ્વારા મેન્યુફેક્ચરિંગ, ઇન્ફ્રાસ્ટ્રક્ચર અને રોજગારી નિર્માણ પર ધ્યાન કેન્દ્રિત કરીને, ₹૨,૯૯૯ કરોડથી વધુના ઔદ્યોગિક પ્રોજેક્ટ્સને મંજૂરી આપવામાં આવી છે. નાયબ મુખ્યમંત્રી હર્ષ સંઘવીની અધ્યક્ષતામાં થયેલી બેઠકોમાં આ નિર્ણયો લેવાયા છે. ઔદ્યોગિક નીતિ-૨૦૧૫ હેઠળ ‘ઇન્સેન્ટીવ ટુ ઇન્ડસ્ટ્રિઝ’ યોજનાએ અત્યાર સુધીમાં ₹ ૧,૪૮,૩૩૬.૩૫ કરોડનું રોકાણ અને ૧,૬૫,૦૫૩ રોજગારીનું સર્જન કર્યું છે. હાલમાં, ૩૨ મોટા પ્રોજેક્ટ્સ માટે ₹૧,૯૭૭.૦૪ કરોડ, એક મોટા પ્રોજેક્ટ માટે ₹ ૬૪૯.૨૩ કરોડ, ૩ ટેક્સટાઈલ એકમો માટે ₹૧૬૫ કરોડ અને ૪ ઇન્ડસ્ટ્રિયલ પાર્ક પ્રોજેક્ટ્સ માટે ₹૩૭૧.૭૦ કરોડના રોકાણને મંજૂરી મળી છે.