નેશનલ કાઉન્સિલ ઓફ જોઈન્ટ કન્સલ્ટેટિવ મશીનરી (NC-JCM) ની ડ્રાફ્ટિંગ કમિટીએ 8મા પગાર પંચને પોતાની માંગણીઓનું કોમન મેમોરેન્ડમ આપ્યું છે. કમિટીની મોટી માંગ એ છે કે 7મા પગાર પંચમાં જે લઘુત્તમ બેઝિક પે 18,000 રૂપિયા છે, તેને વધારીને 69,000 રૂપિયા કરવામાં આવે. આ લગભગ 3.83 ગણો વધારો હશે, તેથી કમિટીએ 3.833 નું ફિટમેન્ટ ફેક્ટર માંગ્યું છે. ફિટમેન્ટ ફેક્ટર એટલે સેલરી અને પેન્શન વધારવા માટેનો મલ્ટિપ્લાયર હોય છે. પહેલી નજરે આ બહુ મોટો વધારો લાગે છે, કારણ કે બેઝિક સેલરી લગભગ 4 ગણી કરવાની વાત છે.

વૈશ્વિક સ્તરે વધી રહેલા ભૌગોલિક-રાજકીય તણાવ અને અમેરિકાની પ્રતિબંધોની ધમકીઓ વચ્ચે ભારત અને રશિયાની વ્યૂહાત્મક ભાગીદારી વધુ ગાઢ બની રહી છે. ભારતમાં રશિયાના રાજદૂત અલિપોવે જણાવ્યું કે રશિયા ભારતની જરૂરિયાત મુજબ કાચું તેલ અને LPG સપ્લાય કરવા તૈયાર છે. તેમણે અમેરિકા અને યુરોપને 'અવિશ્વસનીય ભાગીદાર' ગણાવ્યા અને આક્ષેપ કર્યો કે પ્રતિબંધોની ધમકીઓ આપીને અમેરિકા ભારત-રશિયાના સંબંધોમાં નુકસાનકારક ભૂમિકા ભજવી રહ્યું છે. રશિયા ભારતની ઉર્જા તેમજ સંરક્ષણ જરૂરિયાતો પૂરી કરવા કટિબદ્ધ છે.

CM મમતા બેનરજીએ મતદારોને દિલ્હીના જમીનદારોને જડબાતોડ જવાબ આપવા કહ્યું, જ્યારે અમિત શાહે ઘૂસણખોરોને દેશમાંથી કાઢવાની વાત કરી. શાહે મમતા સરકાર પર BSFને જમીન ન આપવાનો આરોપ લગાવ્યો અને ભાજપ સરકાર આવ્યે ફેન્સિંગ પૂર્ણ કરવાની ખાતરી આપી. મમતાએ પોતાની ગાડીની તપાસ અંગે કેન્દ્રીય દળો પર નિશાન સાધ્યું. BJPએ માતૃશક્તિ ભરોસા કાર્ડ લોન્ચ કર્યું, જેમાં મહિલાઓને ₹3,000 આપવાનું વચન અપાયું. ચૂંટણી પંચ 23 એપ્રિલે પ્રથમ તબક્કા માટે CAPFની કંપનીઓ તૈનાત કરશે.

સંસદમાં મહિલા અનામત કાયદાના સુધારા માટે 3 બિલ રજૂ થશે, જેમાં લોકસભા અને વિધાનસભામાં 2029થી 33% અનામતનો પ્રસ્તાવ છે. આ માટે વિશેષ સત્ર બોલાવવામાં આવ્યું છે. લોકસભા સાંસદોની સંખ્યા 850 કરવાનો પ્રસ્તાવ છે. બેઠકોની ચોક્કસ સંખ્યા નક્કી કરવા માટે સીમાંકન થશે, જેમાં 273 બેઠકો મહિલાઓ માટે અનામત રહેશે. BJP અને કોંગ્રેસ સહિત તમામ પક્ષોએ વ્હીપ જારી કર્યો છે. વિપક્ષ સીમાંકનનો વિરોધ કરી રહ્યો છે. સંસદમાંથી મંજૂરી મળ્યા પછી આ કાયદો 31 માર્ચ 2029થી લાગુ થશે.

IRCTC દ્વારા 'એક ભારત શ્રેષ્ઠ ભારત' અને 'દેખો અપના દેશ' હેઠળ ભારત ગૌરવ ટ્રેનથી દક્ષિણ ભારતની 11 દિવસની યાત્રા. 12 મેથી શરૂ થતી આ ટ્રેન રાજકોટ, સુરેન્દ્રનગર સહિતના સ્ટેશનોથી ઉપલબ્ધ થશે. તિરુપતિ, રામેશ્વરમ, મદુરાઈ, કન્યાકુમારી અને મલ્લિકાર્જુનના દર્શન થશે. આધુનિક સુવિધાઓ સાથેના પેકેજમાં ભોજન, રહેવાની વ્યવસ્થા અને વીમો સામેલ છે. Economy ક્લાસ માટે રૂ. 21,525/- થી શરૂ. LTC માન્ય અને EMIથી ચુકવણી ઉપલબ્ધ. વધુ માહિતી માટે www.irctctourism.com જુઓ.

રશિયા-ઈરાનથી OILની આયાત બંધ થતા ભારતની નિર્ભરતા વધશે, જે મોંઘું પડી શકે છે. પુરવઠો ઘટવાથી પેટ્રોલ-ડીઝલ અને રાંધણ ગેસના ભાવમાં ઉછાળો આવી શકે છે. અમેરિકાએ રશિયન OILની ખરીદી પર આપેલી છૂટછાટની સમયમર્યાદા 11 એપ્રિલે પૂર્ણ થઈ ગઈ છે. હવે પ્રતિબંધોની છૂટછાટ લંબાવાશે નહીં.

ગોલ્ડ લોનમાં વધારો થતા તે હાઉસિંગ લોન પછી બીજું મોટું રિટેલ ક્રેડિટ પ્રોડક્ટ બન્યું છે. માર્ચ ૨૦૨૨થી ડિસેમ્બર ૨૦૨૫ દરમિયાન ગોલ્ડ લોન બેલેન્સમાં ૩.૮૦ ગણો વધારો થયો, પરિણામે રિટેલ ક્રેડિટ પોર્ટફોલિયોમાં હિસ્સો 5.90% થી વધીને ડિસેમ્બર, 2025 સુધીમાં 11.10% થયો.

NATIONAL STOCK EXCHANGEમાં નાણાકીય વર્ષ ૨૦૨૬માં ACTIVE રોકાણકારોની સંખ્યામાં મોટો ઘટાડો. લગભગ ૩૫ લાખ ખાતા બંધ થયા. આ ત્રણ વર્ષમાં પ્રથમ વાર્ષિક ઘટાડો અને સૌથી મોટો ઘટાડો છે. DISCOUNT BROKERSના ગ્રાહકોની સંખ્યામાં ઘટાડો થવાને કારણે આ પરિસ્થિતિ આવી છે. NSE પર ACTIVE રોકાણકારોની સંખ્યામાં ૭ ટકાનો ઘટાડો થયો.

ખાડી યુદ્ધના કારણે નિર્માણ સામગ્રીના ભાવ વધારાથી ગુજરાતમાં વિકાસ કાર્યો અટક્યા છે, ખાસ કરીને બીટુમીન, સ્ટીલ અને સિમેન્ટના ભાવ વધારા સામે પાટણ જિલ્લા કોન્ટ્રાક્ટર્સ એસોસિએશને સરકાર સામે રજૂઆત કરી છે. ટેન્ડર ભરતી વખતના ભાવ અને બજાર ભાવમાં તફાવતથી પ્રોજેક્ટ્સ પૂર્ણ કરવા આર્થિક રીતે મુશ્કેલ છે, ભાવ તફાવત નહીં ચૂકવાય તો કામો અટકી જશે અને શ્રમિકોની રોજગારી પર જોખમ આવશે. કોન્ટ્રાક્ટરોએ પેનલ્ટી વગર સમયમર્યાદા વધારવા અને મુલાકાત માટે સમય માંગ્યો છે.

વિરોધપક્ષે BJP પર મહિલા અનામતની આડમાં દેશભરમાં ફરીથી સિમાંકન કરવાનો આક્ષેપ કર્યો છે, જેનાથી BJP ને રાજકીય ફાયદો થઈ શકે છે. કોંગ્રેસ પ્રમુખ મલ્લીકાર્જૂન ખડગેની આગેવાની હેઠળ કોંગ્રેસ અને અન્ય પક્ષોએ મોરચો ખોલ્યો છે. DMK અને TMC પણ આક્રમક છે. સંસદના વિશેષ સત્રમાં આ મુદ્દે ગરમાગરમી અને મહિલા અનામત બિલ પાસ થવાની શક્યતા છે.

ઈરાન-અમેરિકા યુદ્ધ ચાલુ રહે તો 2008 જેવી મંદી અને આર્થિક સંકટ આવી શકે છે. PRIVATE CREDIT MARKET એક અપારદર્શક દુનિયા છે, જ્યાં નિયમો નથી. 2020 માં આ MARKET 2 ટ્રિલિયન ડોલરનું હતું, જે વધીને 3 ટ્રિલિયન ડોલર થયું. રોકાણકારોનો વિશ્વાસ ઉઠી જશે તો પૈસા પાછા ખેંચવાનું શરૂ થશે, જેની શરૂઆત થઈ ગઈ છે.

નાણાં વર્ષમાં જેમ્સ એન્ડ જ્વેલરીની USA નિકાસ ઘટી, પણ Australia, Hong Kong, Canadaમાં વધારાથી અસર ઓછી થઈ. 2025-26માં ભારતની જેમ્સ એન્ડ જ્વેલરી નિકાસ વાર્ષિક ધોરણે ૩.૩૨% ઘટીને $27.72 Billion થઈ, જે પાંચ વર્ષમાં સૌથી નીચી છે, એમ જેમ એન્ડ જ્વેલરી એક્સપોર્ટ પ્રમોશન કાઉન્સિલે જણાવ્યું હતું.

મુંબઈ ઝવેરી બજારમાં આજે સોના-ચાંદીના ભાવમાં તેજી આગળ વધી. વિશ્વ બજારના સમાચાર તેજી બતાવતા હતા. World Market વધતાં ઈમ્પોર્ટ કોસ્ટ ઊંચકાઈ હોવાનું બજાર સૂત્રો જણાવી રહ્યા હતા. ઈરાન તથા અમેરિકા યુદ્ધમાં શાંતિની મંત્રણાઓ શરૂ થશે એવા સમાચાર આવી રહ્યા હતા. આના પગલે સોનાના ભાવ ઔંસના ૪૭૭૪થી વધી ૪૮૭૧ થઈ ૪૮૧૪થી ૪૮૧૫ Dollar રહ્યા હતા.

નાસિકની પવિત્ર ભૂમિ પર સિંહસ્થ કુંભમેળાની તૈયારીઓ ચાલી રહી છે, ત્યારે વહીવટદારો દ્વારા 100 વર્ષ જૂનાં વડનાં ઝાડ હટાવવાનું પગલું વિવાદ સર્જી રહ્યું છે. વૃક્ષોને ટ્રાન્સપ્લાન્ટ કરવા માટે 30 ખાડા કરવામાં આવ્યા છે, પરંતુ વૃક્ષપ્રેમીઓ TCS અને ગોડમેન પ્રકાશ કરાતના લીધે વૃક્ષોને દૂર ન કરવાનું કહે છે.

પતિ-પત્નીના ડાઈવોર્સ કેસમાં, સમાધાન પછી પત્ની ફરી જતાં સુપ્રીમ કોર્ટે કલમ ૧૪૨ હેઠળ સત્તાનો ઉપયોગ કરી ૨૩ વર્ષના લગ્નજીવનનો અંત આણ્યો. પતિ દોઢ કરોડ આપવા તૈયાર હતો, છતાં પત્નીએ કેસ કર્યો. પત્નીને મિલકતમાં ભાગ પડાવવાની લાલચ ભારે પડી પણ લેખિતમાં ઉલ્લેખ ન હોઈ કોર્ટે ડાઇવોર્સ આપ્યો અને ઘરેલુ હિંસાનો કેસ પણ કાઢી નાખ્યો.

સતત ચાર વર્ષ બાદ અમેરિકાને પાછળ છોડી ચીન ભારતનું સૌથી મોટું વેપાર ભાગીદાર બન્યું. ભારતે ચીનમાં 19.47 અબજ ડોલરની નિકાસ કરી, જ્યારે ચીન પાસેથી 131.63 અબજ ડોલરની આયાત થઈ. પરિણામે, ચીન સાથે ભારતની વેપાર ખાધ વધીને 112.16 અબજ ડોલર થઈ છે, જે ચિંતાજનક બાબત છે.

ટાઈમ 100ની 2026 યાદીમાં રાજકરણ, ટેકનોલોજી, કલા અને સામાજિક ક્ષેત્રે પરિવર્તન લાવનાર ડોનાલ્ડ ટ્રમ્પ, ઝોહરાન મમદાની, સુંદર પિચાઈ, વિકાસ ખન્ના, રણબીર કપૂર અને નીલ મોહન જેવા પ્રભાવશાળી વ્યક્તિઓનો સમાવેશ થાય છે. ટાઈમ 100માં એવા લોકોની પસંદગી થાય છે જેમનો પ્રભાવ કોઈ ચોક્કસ ક્ષેત્ર, વય કે ભૌગોલિક સીમામાં બંધાયેલો ન હોય.

ભારતમાં આર્ટિફિશિયલ ઇન્ટેલિજન્સનો વપરાશ વધ્યો છે, પણ તે બેંગલુરુ, મુંબઈ, દિલ્હી, હૈદરાબાદ જેવા ટોપ-10 શહેરોમાં જ કેન્દ્રિત છે. OpenAIના રિપોર્ટ મુજબ, મોટા શહેરોમાં AIનો ઉપયોગ કોડિંગ, ડેટા એનાલિસિસ અને જટિલ સમસ્યાઓ ઉકેલવા માટે થાય છે. ડેવલપર્સે AI TOOLSનો સ્વીકાર કર્યો છે, જ્યારે નાના શહેરોમાં ઉપયોગ સામાન્ય પ્રશ્નો સુધી મર્યાદિત છે. ભારત AIનો ઉપયોગ કરતા ટોપ-5 દેશોમાં સામેલ છે.

લોકસભામાં વિશેષ સત્રમાં સરકાર મહિલા અનામત અને સીમાંકનનું bill રજુ કરશે, જેનો વિપક્ષ વિરોધ કરશે. નવા સીમાંકનમાં રાજ્યો સાથે અન્યાય થશે એવા આરોપો લગાવીને વિપક્ષ સરકારને ઘેરશે. વિપક્ષનું કહેવું છે કે લોકસભાની બેઠકો વધારવાની જરૂર નથી, જેટલી બેઠકો છે તેમાં જ મહિલાઓને અનામત આપો.

શ્રી મહાકાલેશ્વર મંદિરમાં ભસ્મ આરતીના દર્શનને લઈને મંદિર સમિતિ દ્વારા મોટા ફેરફારો કરવામાં આવ્યા છે. ભક્તોની સુવિધા અને વ્યવસ્થા જાળવવા માટે હવે ઓફલાઇન બુકિંગની પ્રક્રિયામાં મહત્ત્વનો ફેરફાર કરાયો છે. અગાઉ મંદિર સમિતિ દ્વારા કુલ 1700 ભક્તોને ભસ્મ આરતી માટે પરવાનગી આપવામાં આવતી હતી, જેમાંથી 300 ભક્તોને નિ:શુલ્ક પરમિશન મળતી હતી. નવા નિયમો મુજબ હવે નિ:શુલ્ક વ્યવસ્થા પૂરી કરી દેવામાં આવી છે. હવે 'તત્કાલ બુકિંગ' હેઠળ આવતા આ 300 ભક્તોએ પણ પ્રતિ વ્યક્તિ 200 રૂપિયાની ઓનલાઇન ફી ચૂકવવી પડશે.

દુનિયાભરમાં મિડિલ ઈસ્ટમાં ચાલી રહેલા સંઘર્ષની અસર હવે ગેસ અને તેલની સપ્લાય પર દેખાઈ રહી છે. ભારત તેની LPG ગેસની જરૂરિયાત માટે મોટાપાયે મિડિલ ઈસ્ટ પર નિર્ભર છે. સ્ટ્રેટ ઓફ હોર્મુઝમાં જહાજોની અવરજવર ખોરવાતા અને ઇઝરાયલ-ઈરાન વચ્ચેના તણાવને કારણે એનર્જી સપ્લાય ચેઈન ખરાબ રીતે પ્રભાવિત થઈ છે. અહેવાલો મુજબ, આ સપ્લાયને ફરીથી સામાન્ય થવામાં મહિનાઓ નહીં પણ વર્ષો લાગી શકે છે.સરકારી અધિકારીઓએ સંકેત આપ્યા છે કે, ગ્લોબલ LPG સપ્લાય ચેઈન જે રીતે ખોરવાઈ છે, તેને સંપૂર્ણપણે પાટા પર આવતા ઓછામાં ઓછા 3 થી 4 વર્ષ કે તેથી વધુ સમય લાગી શકે છે.

હોર્મુઝમાં અમેરિકન નાકાબંધી વચ્ચે પ્રમુખ ડોનાલ્ડ ટ્રમ્પ ઈરાનને લઈને થોડા નરમ પડતા દેખાઈ રહ્યા છે. પાકિસ્તાનમાં ફરી ઈરાન સાથે બેઠક થવાના સમાચારો વચ્ચે ટ્રમ્પે પોતાના સોશિયલ મીડિયા પ્લેટફોર્મ ટ્રૂથ સોશિયલ પર મોટી જાહેરાત કરી છે. તેમણે કહ્યું કે, હું હોર્મુઝ હંમેશા માટે ખોલી રહ્યો છું. આ ચીન અને દુનિયા માટે કરી રહ્યો છું. ટ્રમ્પે સોશિયલ મીડિયા પર લખ્યું કે, "ચીન ખૂબ ખુશ છે કે હું હોર્મુઝ કાયમી ધોરણે ખોલી રહ્યો છું. હું આ તેમના માટે પણ કરી રહ્યો છું - અને વિશ્વ માટે પણ. આ પરિસ્થિતિ ફરી ક્યારેય ઊભી થશે નહીં. તેઓ ઈરાનને હથિયારો ન મોકલવા માટે સંમત થયા છે.

AAPના રાજ્યસભા સાંસદ રાઘવ ચઢ્ઢા અને પાર્ટી હાઈકમાન્ડ વચ્ચેના સંબંધોમાં પડેલી તિરાડ હવે સપાટી પર આવી ગઈ છે. પંજાબની ભગવંત માન સરકારે રાઘવ ચઢ્ઢાની Z+ સુરક્ષા પાછી ખેંચી લેતા રાજકારણ ગરમાયું છે. જોકે, કેન્દ્રીય ગૃહ મંત્રાલયે સંભવિત ખતરાને ધ્યાનમાં રાખીને રાઘવ ચઢ્ઢાને Z શ્રેણીની સુરક્ષા આપી છે. આ સુરક્ષા વ્યવસ્થા હેઠળ અર્ધલશ્કરી દળોના જવાનો તેમની સાથે રહેશે. મહત્વનું છે કે, આ સુરક્ષા તેમને દિલ્હી અને પંજાબ બંને સ્થળોએ ઉપલબ્ધ થશે. જ્યાં સુધી સુરક્ષાની ઔપચારિકતાઓ પૂર્ણ ન થાય ત્યાં સુધી દિલ્હી પોલીસને તાત્કાલિક સુરક્ષા આપવા સૂચના અપાઈ છે.

અમેરિકા-ઈરાન યુદ્ધવિરામ વચ્ચે 20 હજાર મેટ્રિક ટન LPG સાથે જગ વિક્રમ જહાજ હોર્મુઝ ખાડી પાર કરીને કંડલા પહોંચ્યું. યુદ્ધવિરામ વચ્ચે હોર્મુઝ પાર કરનાર પ્રથમ ભારતીય અને ખાડીમાંથી બહાર નીકળનાર 9મું ભારતીય જહાજ છે. દીનદયાળ પોર્ટ ઓથોરિટી કંડલા ખાતે ઓઈલ જેટી નંબર 1 ઉપર લાંગરવામાં આવ્યું. LPG ખાલી કરવાની ગતિવિધિ શરૂ કરાઈ છે, જે દેશના વિવિધ વિસ્તારોમાં સપ્લાય થશે.

સીપ્લેન સેવા શરૂ થવાથી પર્યટકોને નવી અનુભૂતિ મળશે, આ પ્રોજેક્ટથી પ્રવાસન ઉદ્યોગને વેગ મળશે. સ્થાનિક રોજગારીની તકો વધશે અને આર્થિક વિકાસને વેગ મળશે. સરકાર TOURISM infrastructureને મજબૂત કરવા અને પ્રવાસીઓ માટે સુવિધાઓ વધારવા પર ધ્યાન કેન્દ્રિત કરી રહી છે. આ પહેલથી રાજ્યની TOURISM બ્રાન્ડને પણ મજબૂત બનાવવામાં મદદ મળશે.

અમેરિકા અને ઈરાન વચ્ચે ચાલી રહેલા યુદ્ધને રોકવા માટે બીજા રાઉન્ડની વાતચીતની અટકળો લગાવવામાં આવી રહી છે. પાકિસ્તાન અને ઈજિપ્તના પ્રયાસોથી પ્રથમ બેઠક ઈસ્લામાબાદમાં યોજાઈ હતી, જે અનિર્ણિત રહી હતી. આ દરમિયાન ભારતમાં અમેરિકાના રાજદૂત અને ટ્રમ્પના નજીકના સર્જિયો ગોરે યુદ્ધ રોકવામાં ભારતની ભૂમિકા અંગે મોટું નિવેદન આપ્યું છે. તેમણે કહ્યું છે કે મધ્ય પૂર્વમાં શાંતિ માટે અમેરિકા ભારતની ભાગીદારીનું સ્વાગત કરશે.

પંજાબના ફતેહગઢ સાહિબમાં એક દુઃખદ માર્ગ અકસ્માતમાં શ્રદ્ધાળુઓથી ભરેલી બસ પલટી જતાં 6 લોકોના મોત થયા છે અને આશરે 15 લોકો ઘાયલ થયા છે. ઘાયલોને તાત્કાલિક હોસ્પિટલમાં દાખલ કરવામાં આવ્યા છે. અહેવાલો અનુસાર, બસમાં 30 થી 35 શ્રદ્ધાળુઓ સવાર હતા. બસી પઠાણા વિસ્તાર નજીક બસ નિયંત્રણ બહાર ગઈ અને પલટી ગઈ. Police અને બચાવ ટીમો ઘટનાસ્થળે પહોંચી ગઈ.

કેરળના સબરીમાલા મંદિરમાં મહિલાઓની એન્ટ્રી અને ધર્મસ્થાનો પર ભેદભાવને લઈને સુપ્રીમ કોર્ટમાં સુનાવણી થશે. 14 એપ્રિલથી 16 એપ્રિલ દરમિયાન સબરીમાલામાં મહિલાઓની એન્ટ્રીના સમર્થનમાં દલીલો રજૂ કરાશે. કેન્દ્ર સરકારે કહ્યું હતું કે દેશના ઘણા દેવી મંદિરોમાં પુરુષોની એન્ટ્રી પ્રતિબંધિત છે, તેથી ધાર્મિક પરંપરાઓનું સન્માન કરવું જોઈએ. સુપ્રીમ કોર્ટ 5 મુદ્દાઓ પર સુનાવણી કરશે.

ફતેહગઢ સાહિબમાં બસ પલટી જતાં 6 શ્રદ્ધાળુઓના મોત થયા અને 15 ઘાયલ થયા, જેમાં મહિલાઓ અને બાળકો પણ સામેલ છે. આનંદપુર સાહિબથી પાછા ફરતી વખતે હિંમતપુરા ગામ પાસે ટેકનિકલ ખામી સર્જાતા બસ વીજળીના થાંભલા સાથે અથડાઈ અને કરંટ લાગ્યો. ત્યારબાદ સ્થાનિક પોલીસ અને રેસ્ક્યૂ ટીમે ઘટનાસ્થળે પહોંચી બચાવ અભિયાન શરૂ કર્યું. ગંભીર રીતે ઘાયલ શ્રદ્ધાળુઓને ચંદીગઢ PGI રેફર કરવામાં આવ્યા છે. બઠિન્ડાના સાંસદે દુઃખ વ્યક્ત કર્યું.

આ નેતૃત્વમાં બદલાવ છે અને સંકેત છે કે BJP બિહારમાં સહયોગી પક્ષોને બદલે પોતાના ચહેરા સાથે સત્તા સંભાળશે. કુશવાહા સમુદાયમાંથી આવતા સમ્રાટ ચૌધરી પાસે લાંબો રાજકીય અનુભવ, મજબૂત સામાજિક આધાર અને વહીવટી સમજણનું સંતુલન છે. તેઓ નીતીશ કુમારના કુર્મી સમુદાય સાથે મળીને રાજ્યની 60% વસ્તીનું પ્રતિનિધિત્વ કરે છે. 2024થી ઉપમુખ્યમંત્રી તરીકે તેમણે મહત્વપૂર્ણ વિભાગો સંભાળ્યા છે. તેમણે RJDથી શરૂઆત કરી અને બે વખત પક્ષ બદલ્યા છે.