ઓસ્ટ્રેલિયાના ક્વીન્સલેન્ડમાં એની શોનબર્ગર નામના પર્યાવરણપ્રેમીએ 10 વર્ષ પહેલાં શેરડીની ખેતી માટે વેરાન થયેલી 18 હેક્ટર જમીન ખરીદી. તેમણે ‘નાઇટવિંગ્સ રેઈનફોરેસ્ટ સેન્ટર’ મિશન હેઠળ ‘રેઈનફોરેસ્ટ રેસ્ક્યુ’ સંસ્થા અને સ્વયંસેવકોના સહયોગથી 2016માં સામૂહિક વૃક્ષારોપણ શરૂ કર્યું. સ્થાનિક વનસ્પતિની 90 પ્રજાતિઓના 1,19,000થી વધુ વૃક્ષો વાવીને તેમણે ડેઈન્ટ્રી રેઈનફોરેસ્ટને પુનર્જીવિત કર્યું. આ પ્રયાસથી જમીનનું ધોવાણ અટક્યું, જળસ્ત્રોતો સ્વચ્છ થયા અને વન્યજીવોનું પુનરાગમન થયું. ખાસ કરીને, મોટા કદના ઉડતા ચામાચીડિયા અને દુર્લભ ‘સધર્ન કાસોવરી’ પક્ષી પણ અહીં જોવા મળ્યા છે. ક્વીન્સલેન્ડ સરકારે 2026માં આ વિસ્તારને કાયદાકીય સુરક્ષા આપી છે.