નેતન્યાહૂ પર છેતરપીંડીના ગંભીર આરોપો
એક નવા પુસ્તક 'હોસ્ટેજિસ : ૮૪૩ ડેઝ ઓફ અબેન્ડનમેન્ટ'માં ઇઝરાયેલના વડાપ્રધાન બેન્જામિન નેતન્યાહૂ પર ગંભીર આરોપો લગાવવામાં આવ્યા છે. પુસ્તક દાવો કરે છે કે UAE ના રાષ્ટ્રપતિ શેખ મોહમ્મદ બિન જાયદ અલ નાહ્યાને ૭ ઓક્ટોબર ૨૦૨૩ના હુમલાના ૧૦ દિવસ પહેલાં નેતન્યાહૂને હમાસના મોટા હુમલાની ચેતવણી આપી હતી. જોકે, નેતન્યાહૂએ આ માહિતીને ગંભીરતાથી લીધી નહોતી અને ટોચની સુરક્ષા એજન્સીઓને જાણ પણ કરી નહોતી. આ દાવાઓને PMO દ્વારા 'જૂઠાણું' ગણાવી ફગાવી દેવાયા છે, છતાં નેતન્યાહૂ સામે છેતરપીંડી, વિશ્વાસઘાત અને લાંચના ત્રણ ફોજદારી કેસ ચાલી રહ્યા છે.